约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
18:1 其他土地ê分配
以色列人ê全会众lóng聚集tī示罗，搭会幕tī hia，因为in已经征服hi̍t地方。
18:2 以色列人中，iáu有七支族bē tàng得tio̍h in ê产业。
18:3 约书亚对以色列人讲：「上主—lín祖先ê上帝所赏赐hō͘ lín ê地，lín延chhiân m̄去取，beh到tang时？
18:4 Lín ta̍k支族tio̍h拣三个人，我beh差in去，in to̍h出发遍行hitê地，照in ê份额画图，to̍h tńg来我chia。
18:5 In tio̍h kā地分做七份，偤大犹原tī南方，tòa tī伊ê境内；约瑟家犹原tī北方，tòa tī伊ê境内。
18:6 Lín tio̍h kā地分做七份，画图the̍h来我chia。我to̍h ētī上主—咱ê上帝ê面前kā lín拈阄。
18:7 独独利未人tī lín中间无份，因为上主祭司ê职to̍h是in ê产业。迦得、流便kah玛拿西半支族，已经tī约旦河hit-pêng东pêng得tio̍h地做产业，to̍h是上帝ê奴仆摩西所hō͘ in ê。」
18:8 Hiahê人出发去，约书亚命令hiahê去beh画地图ê人，讲：「Lín去遍行hitê地，画图倒tńg来我chia。我beh tī示罗chia，上主ê面前，kā lín 拈阄。」
18:9 Into̍h去，遍行hitê地，照in ê城画做七份，记tī册里，倒tńg到示罗ê营中，见约书亚。
18:10 约书亚to̍h tī示罗上主ê面前，kā in 拈阄。约书亚tī hia分地hō͘以色列人，照in ê宗族。
18:11 便雅悯支族分tio̍h ê土地
Kā便雅悯ê支族拈阄，照in ê宗族所得tio̍h ê地，hitê界是tī偤大ê kiáⁿ孙，约瑟ê kiáⁿ孙ê中间。
18:12 In北pêng ê界，是tùi约旦河起；伊ê界一直去到耶利哥城边á ê北pêng，koh再去，pôaⁿ过山，ǹg西pêng去，直直到伯亚文ê旷野。
18:13 Hitê界tùi hia去到路斯，到路斯南pêng ê边á (路斯to̍h是伯特利)，伊ê界koh落去到A-tha-lio̍k-a-ta̍t，óa近下面ê伯和仑南pêng ê山；
18:14 伊ê界tùi西pêng oat落南，tùi Pak-hô-lûn头前南pêng ê山，一直到偤大人ê城Ki-lia̍t-pa-le̍k(to̍h是基列耶琳)，这是in西pêng ê界。
18:15 南pêng是tùi基列耶琳ê极头起，伊ê界tùi西pêng开始，一直到Nî-hut-to-a ê水泉；
18:16 伊ê界koh落去到便欣嫩山谷对面ê山边，to̍h是利乏音山谷北pêng ê山，koh落去到Hin-nóm山谷，到耶布斯ê南pêng，koh落去到Ian-lo-gel；
18:17 koh tùi北pêng出去，到Ún-sī-le̍k，出去到A-to͘-bêng山坪对面ê Ki-lī-lio̍k，koh落去到流便ê kiáⁿ Pho-hán ê石磐。
18:18 Koh去亚拉巴对面北pêng ê边á，落去到亚拉巴；
18:19 伊ê界到Pek-hat-la̍h北pêng ê边á，chitê界直直到盐海北pêng ê海湾，to̍h是约旦河南pêng ê河口，这是它南pêng ê界。
18:20 东pêng ê界到约旦河。这是便雅悯人ê产业，照in ê宗族，in四箍围ê交界。
18:21 便雅悯ê支族照in ê宗族所得tio̍h ê城，to̍h是耶利哥城、Pek-hat-la̍h、I-be̍k-ki-sek、
18:22 Bia̍t-a-la̍h-bah、Che-má-láim、伯特利、
18:23 亚扪、巴拉、俄弗拉、
18:24 Ke-phal-am-mô͘-nî、Gô-hut-nî、迦巴，共十二座城，kah她ê庄头。
18:25 Koh有基遍、拉玛、Pí-lo̍k、
18:26 米斯巴、Ke-hui-la̍h、Mo-chah、
18:27 Lī-kian、Tha-lī-pì-le̍k、Tha-la̍h-la̍h、
18:28 洗拉、Í-lī-hut、耶布斯（to̍h是耶路撒冷）、基比亚、基列，共十四座城，kah她ê庄头。这是便雅悯人所得tio̍h ê产业，照in ê宗族。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。