约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
12:1 Hō͘摩西Phah败ê众王
Tī约旦河
hit-pêng ǹg日出ê所在，tùi亚嫩ê山谷到黑门山kah东pêng亚拉巴ê全地，以色列人phah hiahê王，攻取in ê地，记tī下底：
12:2 亚摩利人ê王，to̍h是tòa tī希实本ê西宏，伊所管ê地是tùi亚嫩山谷边ê亚罗珥kah山谷中ê城，以及基列ê一半，一直到亚扪人ê境界，to̍h是雅博河。
12:3 Koh tùi亚拉巴东pêng到基尼烈海，koh到东pêng亚拉巴ê海，to̍h是盐海，thàng到Pek-iâ-se-boa̍t ê路，以及南方，一直到毗斯迦ê山脚。
12:4 Koh有巴珊王噩ê境界，伊是利乏音人所chhun落来ê，tiàm tī亚斯他录kah以得来。
12:5 伊所管ê地是黑门山、撒迦、巴珊全地，到基述人kah玛迦人ê境界，以及基列ê一半，一直到希实本王西宏ê境界。
12:6 In是上帝ê奴仆摩西kah以色列人所phah败ê；上帝ê奴仆摩西kā in ê地hō͘流便人、迦得人kah玛拿西半支族ê人做产业。
12:7 Hō͘约书亚Phah败ê众王
Tī约旦河ê西pêng，tùi黎巴嫩山谷ê Pa-le̍k-ka-tek，到去西珥ê哈腊山，约书亚kah以色列人kā in phah败ê地，约书亚to̍h kā地分hō͘以色列各支族，照in ê宗族做产业。
12:8 to̍h是tī山地、tī平原、tī亚拉巴、tī山脚、tī旷野、tī南方ê地是赫人、亚摩利人、迦南人、比利洗人、希未人、耶布斯人chiahê王记tī下底：
12:9 一个是耶利哥城王，一个是óa近伯特利艾城ê王，
12:10 一个是耶路撒冷王，一个是希伯仑王，
12:11 一个是耶末王，一个是拉吉王，
12:12 一个是伊矶伦王，一个是基色王，
12:13 一个是底璧王，一个是Ki-tak王，
12:14 一个是何珥玛王，一个是亚拉得王，
12:15 一个是立拿王，一个是亚杜兰王，
12:16 一个是玛基大王，一个是伯特利王，
12:17 一个是他普亚王，一个是希弗王，
12:18 一个是亚弗王，一个是Le-siah-lûn王，
12:19 一个是Má-tùn王，一个是夏琐王，
12:20 一个是Sin-lûn-bí-lûn王，一个是Ap-soah王，
12:21 一个是他纳王，一个是米吉多王，
12:22 一个是基低斯王，一个是óa近迦密ê Iok-niām王，
12:23 一个是多珥山头ê To-jíⁿ王，一个是吉甲ê Go-im王，
12:24 一个是得撒王，总共三十一个王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。