约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
10:1 Phah赢亚摩利人
耶路撒冷王A-to-nî-sé-tek听tio̍h约书亚攻取艾城，kā城全部灭掉，款待艾城kah她ê王，亲像早前款待耶利哥城kah伊ê王，koh听tio̍h tòa tī基遍ê人民kah以色列人立和约，tòa tī in中间，
10:2 to̍h真tio̍h惊；因为基遍是大城，亲像一个京城，比艾城khah大，而且城内ê人lóng是勇士。
10:3 就ánne，耶路撒冷王A-to-nî-sé-tek差人去见希伯仑王Hô-hâm、耶末王Pí-lân、拉吉王雅非亚kah I-ki-lûn王底璧，讲：
10:4 「请lín来我chia帮赞我，咱thang来去phah基遍，因为她kah约书亚以及以色列立和约。」
10:5 就ánne，亚摩利人五个王，to̍h是耶路撒冷王，希伯仑王，耶末王，拉吉王，I-ki-lûn王，大家聚集，kah in ê军队去，扎营tī 基遍ê对面，beh kā in攻击。
10:6 基遍人to̍h差人去吉甲ê营见约书亚，讲：「你m̄ thang kiu手m̄看你ê奴仆，求你赶紧来chia kā阮拯救，帮赞阮，因为tòa山地亚摩利人hiahê王，lóng聚集来beh攻击阮。」
10:7 就ánne，约书亚kah伊所有ê战士，以及所有大气力ê勇士lóng tùi吉甲去。
10:8 上主kā约书亚讲：「M̄免惊in，因为我已经kā in交tī你ê手，in无kah一个人tī你ê面前khiāē tiâu。」
10:9 约书亚忽然来到in hia，因为伊tùi吉甲透暝赶去hia。
10:10 上主hō͘ in tī以色列人ê面前纷乱，to̍h tī基遍kā inthâi死真chē，tī上伯和仑ê路kā in jiok，kā in phah到亚西加kah玛基大。
10:11 In tī以色列人ê面前逃走，tùi伯和仑落去ê时，上主tùi天落大雹tī in ê身上，一直到亚西加 hō͘ in死，hiahê hō͘雹phah死ê，比以色列人用刀thâi死ê khah chē。
10:12 当上主kā亚摩利人交tī以色列人ê日，约书亚to̍h kā上主讲，mā tī以色列人ê面前讲：「日头，你tio̍h停tī基遍ê顶面；月娘，你tio̍h停tī亚雅仑ê山谷。」
10:13 日头to̍h停teh，月就歇teh，thèng候人民tī in ê对敌面前报仇。Chitê tāichì kám m̄是有写tī Ngá-soah-jíⁿ ê册？日头停tī天ê中央，无赶紧落山，差不多有一日hiah久。
10:14 以前、以后lóng无koh有亲像hit一日，得tio̍h上主听人ê声，是因为上主替以色列人交战。
10:15 然后，约书亚kah以色列人民tńg来吉甲ê营内。
10:16 活掠亚摩利五个王
Hit五个王逃走，bih tī玛基大ê洞内。
10:17 有人去kā约书亚讲：「Hit五个王已经chhōe ・tio̍h à，lóng bih tī玛基大ê洞内。
10:18 约书亚讲：「徙大块石到洞口，派人tiàm hia kā in顾守，
10:19 总是，lín m̄ thang停脚，tio̍h jiok lín ê对敌，phah in ê后队，m̄ thang容允in入in ê城，因为上主—lín ê上帝已经kā in交tī lín ê手。」
10:20 约书亚kah以色列人kā inthâi死chē-chē，到全部剿灭chiah soah；其中chhun落来ê人lóng入去坚固ê城。
10:21 众人to̍h安然tńg来玛基大ê营，到约书亚hia。无kah一个人敢koh出声讲beh攻击以色列人。
10:22 约书亚讲：「开洞口，掠hit五个王出洞，来我chia。」
10:23 In就ánne行，掠hit五个王，to̍h是耶路撒冷王、希伯仑王、耶末王、拉吉王kah伊矶伦王，tùi洞内出来，带来到伊hia。
10:24 掠hiahê王出来到约书亚hia ê时，约书亚to̍h叫以色列人民来，对hiahê kah伊做伙去ê军长讲：「Lín 行óa来，用脚踏tī chiahê王ê颔颈。」Into̍h行óa来，用脚踏tī in ê颔颈。
10:25 约书亚对in讲：「Lín m̄免惊，mā m̄ thang懔，tio̍h勇敢壮胆，因为lín所beh攻击一切ê对敌，上主ē ánne kā in款待。」
10:26 后来，约书亚kā in phah死，kā in吊tī五欉树顶，in吊tī树顶一直到ê-hng。
10:27 日落ê时，约书亚出令，to̍h tùi树顶收身尸落来，hiat tī in所bih ê洞内，用几nā块大石hē tī洞口，到taⁿ iáu tī ・leh。
10:28 占领Koh khah Chē亚摩利ê地
Hit日，约书亚攻取玛基大，用刀kā in kah in ê王thâi死 ；hit内面ê人全部剿灭，无留kah半个。伊亲像早前款待耶利哥城王ánne款待玛基大ê王。
10:29 约书亚kah以色列人民tùi玛基大hia去到立拿，攻击立拿。
10:30 上主kā chitê城kah她ê王交tī以色列人ê手中，约书亚用刀kā伊kah hit内面ê群众thâi死，无留kah半个。伊亲像早前款待耶利哥城王ánne款待in ê王。
10:31 约书亚kah以色列人民tùi立拿hia去到拉吉，扎营tī它ê对面，来攻击它。
10:32 上主kā拉吉交tī以色列人ê手。隔tńg工to̍h kā她攻取，用刀thâi死hit内面ê群众，是照伊对立拿所行ê一切。
10:33 Hit时，基色ê王Hô-lân来beh帮赞拉吉，约书亚to̍h kā伊kah伊ê人民phah死，lóng无kā伊留kah半个。
10:34 约书亚kah以色列人民tùi拉吉去到伊矶伦，tī它ê对面扎营，来攻击它。
10:35 Hit日，to̍h kā它征服，用刀kā伊thâi，tī hit日，全部剿灭hit内面ê群众，是照伊对拉吉所行ê一切。
10:36 约书亚kah以色列人民tùi伊矶伦去到希伯仑，攻击它，
10:37 就攻取她，用刀kā in kah in ê王thâi死，koh phah伊所属ê城，thâi死hit内面ê人民，lóng无留kah半个，是照伊对伊矶伦所行ê一切，kā她kah hit内面ê众人全部灭掉。
10:38 约书亚kah以色列人民tńg来到底璧，攻击它，
10:39 就征服她kah她ê王，以及属伊ê城，用刀kā inthâi，全部剿灭hit内面ê群众，无留kah半个，照伊前款待希伯仑ê，taⁿ mā款待底璧kah它ê王，mā照伊前款待立拿kah伊ê王ánne。
10:40 Án-ne，约书亚phah全地，to̍h是山地、南方ê地、平原、山坪kah in所有ê王，无留kah半个。见若会喘气ê全部剿灭，照上主—以色列ê上帝所命令ê。
10:41 Tùi加低斯巴尼亚到迦萨，koh有歌珊全地，以及基遍，lóng hō͘约书亚phah。
10:42 Hiahê王kah in ê地，约书亚做一下kā in取起来，因为上主—以色列人ê上帝替以色列交战。
10:43 约书亚kah以色列ê群众to̍h tńg来到吉甲ê营房。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。