约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
8:1 征服艾城
上主对约书亚讲：「M̄免惊，mā m̄ thang懔（lún）。你起来chhōa所有ê战士去艾城，我已经kā艾城ê王kah伊ê人民、伊ê城、伊ê地，lóng交tī你ê手。
8:2 你款待艾城kah伊ê王，tio̍h亲像早前款待耶利哥城kah伊ê王。总是，所抢来伊ê财物kah chengseⁿ，lín thang取做kakī ê。你tio̍h用兵埋伏tī城后。」
8:3 就ánne，约书亚kah所有ê战士lóng起来，beh上去艾城。约书亚拣三万大力ê勇士，暗时差in去，
8:4 kā in吩咐讲：「Lín tio̍h埋伏兵来攻城，to̍h是tī城后，m̄ thang离开城siuⁿ远，lóng tio̍h准备好势。
8:5 我kah我所chhōa ê众人beh近óa城，in亲像头一pái出来攻击阮，hit时阮to̍h beh tī in ê面前逃走。
8:6 In beh出来jiok阮，到阮引诱in离开城；因为in ē讲：『Chiahê人亲像头一pái tī阮ê面前逃走。』所以，阮beh tī in ê面前逃走；
8:7 hit时，lín to̍htioh8 tùi埋伏ê所在起来，攻取hitê城，因为上主—lín ê上帝ē kā hitê城交tī lín ê手。
8:8 Lín攻取城了后，to̍h tio̍h用火烧城，tio̍h照上主ê话行。你看，这是我所命令lín ê。」
8:9 约书亚差in，in to̍h去埋伏ê所在，tiàm tī伯特利kah艾城ê中间，to̍h是艾城ê西pêng。Hit暝，约书亚歇tī人民ê中间。
8:10 天光，约书亚早早起来，点算人民，伊kah以色列ê长老tī人民ê头前去艾城。
8:11 人民，to̍h是kah伊tī ・leh ê战士，lóng去近óa城ê头前，tī艾城ê北pêng扎营。Τī伊kah艾城ê中间有一个山谷。
8:12 约书亚差不多有拣五千人，hō͘ in埋伏tī伯特利kah艾城ê中间，to̍h是tī城ê西pêng。
8:13 伊to̍hánne安置人民，to̍h是城北pêng ê军队，kah城西pêng埋伏ê兵。Chit暝，约书亚入去山谷中。
8:14 艾城ê王看tio̍h，城内hiahê人赶紧透早起来，照所定tio̍h ê时，出去到亚拉巴ê头前，beh kah以色列人交战，王kah众人lóng出去；总是，in m̄知tī城后有兵埋伏，teh beh kā in攻击。
8:15 约书亚kah以色列ê群众tī in ê头前假影thâi输，tùi旷野ê路逃走。
8:16 城内ê众人lóng聚集，jiok in；in jiok约书亚，就受引诱离开in ê城。
8:17 艾城kah伯特利城，所有ê人lóng出去jiok以色列人；城门放开开，去jiok以色列人。
8:18 上主对约书亚讲：「你伸出手里所gia̍h ê枪来kí艾城，因为我beh kā它交tī你ê手。」约书亚to̍h伸出手里所gia̍h ê枪来kí hitê城。
8:19 伊一下伸手，埋伏ê兵to̍h tùi伊ê所在赶紧起来，走入去城内攻取hitê城，赶紧放火烧城。
8:20 艾城ê人oa̍t头一下看，无想讲，城内火烟chhèng上天，in to̍h走chia走hia，lóng无路thang逃走。Hiahê走去旷野ê人民就翻头来攻击jiok in。
8:21 约书亚kah以色列ê群众看tio̍h埋伏ê兵已经攻取城，城内火烟chhèng上koân，to̍h oa̍t-tńg身thâi死艾城ê人。
8:22 埋伏ê兵mā出来kā in攻击，in受围困tī以色列人ê中间，前后lóng是以色列人。就ánne kā inthâi死，无kah一个留teh，mā无kah一个走去。
8:23 In就活掠艾城ê王，kā伊押去约书亚hia。
8:24 以色列人kā tòa tī艾城ê人民全部thâi死，tī田里á是tī旷野jiok ・tio̍h ê所在，in lóng倒tī刀下，到灭亡。以色列人民to̍h倒tńg来艾城，用刀thâi城内ê人。
8:25 当hit日，thâi死ê男女，共一万二千，to̍h是艾城ê全部人民。
8:26 约书亚无kiu伊伸出枪ê手，一直到消灭全部艾城ê人民。
8:27 独独chengseⁿ kah所抢城内ê财物，以色列人lóng取来做kakī ê，照上主所命令约书亚ê话。
8:28 约书亚烧艾城，hō͘它永远做土堆，荒废到今á日。
8:29 In koh kā艾城ê王吊tī树顶，到黄昏日落ê时，约书亚出命令，人to̍h tùi树顶kā身尸收落来，hiat tī城门口，tī hit顶面叠一大堆ê石头，到今á日iáu tī ・leh。
8:30 Tī以巴路山宣读律法
Hit时，约书亚tī以巴路山，为上主—以色列ê上帝起一座坛。
8:31 是用自然ê石，hit顶面无动tio̍h铁器来起坛，照上帝ê奴仆摩西所命令以色列人ê话，照摩西律法册内所记ê。In tī chitê坛顶献烧祭hō͘上主，mā献谢恩ê祭。
8:32 约书亚tī hia用摩西ê律法抄写tī石顶，to̍h是伊tī以色列人ê面前所写ê。
8:33 以色列人民kah in ê长老、官长，以及审判官，lóng khiā tī约柜ê双pêng，tī扛上主约柜ê祭司利未人ê面前，无论是本地人á是寄脚ê，一半tī Ki-lī-sim山ê头前，一半tī以巴路山ê头前，kā以色列人民祝福，照上帝ê奴仆摩西前所命令ê。
8:34 然后，约书亚读律法所有ê话，祝福ê，咒诅ê，照所有记tī律法ê。
8:35 摩西所命令一切ê话，约书亚tī以色列ê全会众kah chabó͘人、gín-á，以及in中间往来ê出外人ê面前，无kah一句无读。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。