约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
6:1 耶利哥城ê陷落
耶利哥城ê城门，因为以色列人ê缘故，就关tiâu-tiâu，无人出来，mā无人入去。
6:2 上主kā约书亚讲：「你看，我有kā耶利哥城kah伊ê王，以及伊大力ê勇士，lóng交tī你ê手里。
6:3 Lín所有ê战士tio̍h se̍h chitê城一pái，六日lóng tio̍h ánne行。
6:4 七个祭司tio̍h gia̍h七支羊角ê号筒，行tī约柜ê头前，到第七日lín tio̍h se̍h城七pái，祭司mā tio̍h pûn号筒。
6:5 In pûn羊角ê声拖长，lín听tio̍h号筒ê声，众人tio̍h大声hoah，城墙to̍h ē倒kah平平，ta̍k人lóng tio̍h直直进前去。」
6:6 嫩ê kiáⁿ约书亚叫祭司来，kā in讲：「Lín tio̍h扛约柜，祭司七人gia̍h七支羊角ê号筒 tī上主ê柜前。」
6:7 伊koh kā人民讲：「Lín tio̍h进前去se̍h城，带军器ê tio̍h行tī上主ê柜前。」
6:8 约书亚对人民讲soah，七个祭司gia̍h七支羊角ê号筒，行tī上主ê面前，pûn号筒，上主ê约柜tòe tī in ê后面。
6:9 带军器ê行tī pûn号筒ê祭司ê头前，后队tòe约柜行。祭司ná行ná pûn号筒。
6:10 约书亚命令人民讲：「Lín m̄ thang hoah，m̄ thang hō͘人听tio̍h lín ê声，连一句mā m̄ thang出嘴，thèng候我吩咐lín hoah ê日，hit时chiah thang hoah。」
6:11 就ánne，伊hō͘上主ê约柜围城se̍h一pái；in to̍htng2来营房，tī营内歇困。
6:12 天光，约书亚早早起来，祭司mā扛上主ê约柜。
6:13 Gia̍h七支羊角ê号筒ê七个祭司，tī上主ê柜前直直行，pûn号筒；带军器ê tī in ê头前行，后队tòe上主ê约柜行，祭司ná行ná pûn号筒。
6:14 第二日，in se̍h城一pai2to̍h tńg来营房。六日lóng是ánne行。
6:15 第七日phah-phú光ê时，in早早起来，照ánne se̍h城七pái；只有chit日se̍h城七pái。
6:16 到第七pái，祭司pûn号筒ê时，约书亚kā人民讲：「Τio̍h hoah，因为上主kā城交hō͘ lín à。
6:17 Chitê城kah其中一切所有ê，lóng tio̍h分别归hō͘上主；只有娼妓喇合，以及一切kah她tī厝内ê，thang活leh，因为她有隐密咱所差ê使者。
6:18 Lín tī应该灭ê物tio̍h kakī 谨慎，恐惊lín the̍h应该灭ê物，致使kakī mā变做应该灭ê，soah连累以色列全营mā变做应该灭ê，来害tio̍h伊。
6:19 只有金、银kah铜、铁ê器具，lóng tio̍h分别归hō͘上主，收入去上主ê金库。」
6:20 人民就hoah，祭司mā pûn号筒。人民听tio̍h号筒ê声，to̍h大声hoah，城墙to̍h倒kah平平，人民就进前入城，ta̍k人直直去，就ánne征服hitê城。
6:21 Koh kā城内所有ê，无论男女老幼、牛、羊kah驴á，lóng用刀全部kā in灭掉。
6:22 约书亚kā侦探hitê地ê hit两人讲：「Lín入去hitê娼妓ê厝，照lín对她所chiùchōa ê，chhōa hitê chabó͘人kah一切属tī她ê lóng tùi hia出来。」
6:23 Hiahê做侦探ê少年人to̍h入去，chhōa喇合kah她ê老父、老母、兄弟，以及一切属tī她ê人出来，mā chhōa她ê亲chiâⁿ出来，hō͘ in tòa tī以色列ê营外。
6:24 Into̍h用火烧hitê城kah其中一切所有ê；独独金、银kah铜、铁ê器具，lóng hē tī上主厝内ê金库。
6:25 约书亚就保全娼妓喇合kah伊老父ê家眷，以及所有属tī她ê人ê活命，因为她有隐密约书亚所差去探看耶利哥城ê使者。（她就tòa tī以色列中间，一直到今á日。）
6:26 当时，约书亚对群众chiùchōa讲：「见若起来起造chitê耶利哥城ê，tio̍h tī上主ê面前受咒诅。伊hē地基ê时，ē死大kiáⁿ；hē门ê时，ē死soah尾kiáⁿ。」
6:27 上主kah约书亚同在，伊ê名声满满tī hit所在。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。