申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
31:1 设立约书亚做摩西ê继承人
摩西用chiahê话去kā以色列人民讲，
31:2 对in讲：「我今á日一百二十岁，bē koh照常出入；上主mā bat对我讲：『你bē tàng过chitê约旦。』
31:3 上主—你ê上帝ē chhōa你过去，ē tī你ê面前灭亡chiahê国，你beh承接in。约书亚ē chhōa你过去，亲像上主所bat讲ê。
31:4 上主ē款待in，亲像前日款待他所灭亚摩利人两 个王—西宏kah噩，以及in ê地。
31:5 上主ē kā in交tī lín ê面前，lín tio̍h照我所吩咐lín一切ê命令来款待in。
31:6 Lín tio̍h勇敢壮胆，m̄免惊in，mā m̄ thang懔（lún）in，因为上主—你ê上帝kah你做伙去，他无离开你，mā无放sak你。」
31:7 摩西叫约书亚来，tī以色列人民ê面前对伊讲：「你tio̍h勇敢壮胆，因为你beh kah chiahê人民做伙去，入去上主对in祖先chiùchōa beh hō͘ in ê地，你mā ē hō͘ in得tio̍h它来做产业。
31:8 上主ē行tī你ê面前，他ē kah你同在，他bē离开你，mā bē放sak你。M̄免惊，mā m̄ thang懔。」
31:9 Tio̍h每七年公开宣读律法书
摩西写chitê律法，交hō͘扛上主约柜ê祭司，利未ê kiáⁿ孙kah以色列ê众长老。
31:10 摩西命令in讲：「每七年ê路尾，to̍h是tī tháu放ê年定tio̍h ê期，Tòa棚节ê时，
31:11 以色列人民来到上主—你ê上帝ê面前，tī他所拣选ê所在，hit时你tio̍h tī以色列人民ê面前读chitê律法hō͘ in听。
31:12 你tio̍h聚集人民，chapo͘，chabó͘，gín-á，以及你城门内ê出外人，hō͘ in听，hō͘ in学习，thang敬畏上主—lín ê上帝，执守来行chitê律法一切ê话；
31:13 mā hō͘ in m̄知影ê kiáⁿ儿ē tàng听tio̍h，to̍h tī lín过约旦河所承接ê地，照lín tòa tī hia一切ê日，thang学习敬畏上主—lín ê上帝。」
31:14 上主hō͘摩西ê最后教示
上主对摩西讲：「你看，你死ê期teh beh到；你召约书亚来，做伙tòa tī会幕中，我beh用职任命令伊。」摩西to̍h kah约书亚去做伙tòa tī会幕中。
31:15 上主tī会幕内kah云柱中显现，云柱停tī会幕门ê顶面。
31:16 上主koh对摩西讲：「你看，你ē kah你祖先做伙困；chiahê人民ē起来，行邪淫来趁伊所beh去tòa hit所在外面ê神明，离开我，违背我kah伊所立ê约。
31:17 Hit时，我ē对in发出受气，我mā ē离开in，掩面m̄看in，in ē受吞灭，tú tio̍h真chē灾祸患难。Hit日in ē讲：『咱tú tio̍h灾祸患难，kám m̄是因为咱ê上主无tī咱ê中间？』
31:18 Hit日，因为in偏ǹg别个神明所行一切ê pháiⁿ，所以，我绝对掩我ê面。
31:19 「Taⁿ lín kakī tio̍h写chitê歌，用hitê教示以色列ê kiáⁿ孙，hō͘ in ê嘴念，hō͘ chitê歌tī以色列ê kiáⁿ孙kā我做见证。
31:20 因为我chhōa in入去我对in ê祖先所chiùchōa hitê流奶kah蜜ê地，in得tio̍h食koh饱足，身躯肥，to̍h beh偏ǹg别个神明来服事in，看轻我，违背我ê约。
31:21 到in tú tio̍h真chē灾祸患难ê时，chitê歌ē tī in ê面前做见证来见证in，因为in ê kiáⁿ孙ê嘴beh念，无bē记得。因为现今我iáu未chhōa in到我所chiùchōa ê地，in所存ê念头，我已经知。」
31:22 当hit日，摩西to̍h写chitê歌，用来教示以色列ê kiáⁿ孙。
31:23 上主吩咐嫩ê kiáⁿ约书亚讲：「你tio̍h勇敢壮胆，因为你beh chhōa以色列人入去我所chiùchōa hō͘ in ê地，我beh kah你同在。」
31:24 摩西kā chitê律法ê话写tī册里，全部写了后，
31:25 摩西to̍h吩咐扛上主约柜ê利未人，讲：
31:26 Kā chitê律法ê册hē tī上主—lín ê上帝ê约柜边，thang tī hia做你ê见证。
31:27 因为我知你是悖逆ê，是颔颈硬ê。你看，我今á日iáu活kah lín同在，lín尚且悖逆上主，何况我死了后？
31:28 Tio̍h聚集lín chiahê支族ê长老kah官长lóng来，我beh讲chiahê话hō͘ in听，mā beh叫天叫地hō͘ in做见证。
31:29 因为我知我死了后，lín会全然败坏，歪chhoa̍h我所命令lín行ê道路，日后lín会tú tio̍h灾祸，因为línē行上主所看做是pháiⁿ ê tāichì，用lín ê手所做ê来惹他ê受气。」
31:30 摩西ê诗歌
摩西kā chitê歌ê话，头到尾讲hō͘以色列全会众听。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。