创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
22:1 上帝命令亚伯拉罕献祭以撒
Chiahê tāichì以后，上帝beh试验亚伯拉罕，to̍h叫伊来，讲：「亚伯拉罕。」伊应讲：「我tī chia。」
22:2 上帝讲：「你chhōa你ê kiáⁿ，to̍h是你独生ê kiáⁿ，你所疼ê以撒，去Mó͘-leh-iah ê地，到我所会指示你ê山，tī hia kā伊献做烧祭。」
22:3 亚伯拉罕透早起来，准备驴á，chhōa伊ê两 个仆人kah伊ê kiáⁿ以撒，mā破烧祭用ê柴，to̍h出发去上帝所指示伊ê所在。
22:4 到第三日，亚伯拉罕gia̍h头看远远hitê所在。
22:5 亚伯拉罕对伊ê仆人讲：「Lín kah驴tiàm chia thèng候，我kah gín-á去hia敬拜了后，to̍h ētńg来lín chia。」
22:6 亚伯拉罕kā烧祭ê柴hē tī伊ê kiáⁿ以撒ê身上，kakī ê手gia̍h火kah刀；两人做伙行。
22:7 以撒kā伊ê老父亚伯拉罕讲：「父ah。」亚伯拉罕应讲：「我ê kiáⁿ，我tī chia。」以撒讲：「你看，火kah柴lóng有，总是，烧祭ê羊á tī tó位？」
22:8 亚伯拉罕讲：「我ê kiáⁿ，上帝会kakī 准备烧祭ê羊á。」两人koh做伙行。
22:9 In来到上帝指示伊ê所在，亚伯拉罕tī hia起坛，kā柴排好，koh kā伊ê kiáⁿ以撒缚起来，hē tī坛里ê柴顶。
22:10 亚伯拉罕to̍h伸手gia̍h刀，behthâi伊ê kiáⁿ。
22:11 上主ê使者tùi天叫伊讲：「亚伯拉罕，亚伯拉罕！」伊应讲：「我tī chia。」
22:12 使者讲：「你m̄ thang tī chitê gín-á ê身上下手，mā m̄ thang对伊án怎做，因为我taⁿ知你是敬畏上帝，你mā无kā你ê kiáⁿ，to̍h是你独生ê留teh m̄ hō͘我。」
22:13 亚伯拉罕gia̍h头看，看tio̍h后面有一只羊káng，角缠tī kui phō ê树á。亚伯拉罕to̍h去掠hit只羊káng来，献做烧祭，来代替伊ê kiáⁿ。
22:14 亚伯拉罕kā hitê所在叫做「耶和华Í-leh」，到今á日，人iáu teh讲：「Tī上主ê山，主ē准备。」
22:15 上主ê使者第二pái tùi天叫亚伯拉罕讲：
22:16 「上主讲，你已经行chitê tāichì，无留你ê kiáⁿ，to̍h是你独生ê kiáⁿ，我kí kakī chiùchōa：
22:17 我赐福，beh赐福hō͘你；加添，beh加添你ê kiáⁿ孙，亲像天顶ê星，海边ê沙。你ê kiáⁿ孙ē得tio̍h对敌ê城门。
22:18 而且地chiūⁿ万邦koh ē因为你ê kiáⁿ孙得tio̍h福气，因为你遵thàn我ê话。」
22:19 然后，亚伯拉罕tńg来伊hiahê少年仆人hia，in to̍h做伙出发去别是巴。亚伯拉罕to̍h tiàm tī别是巴。
22:20 拿福ê Kiaⁿ孙
Chiahê tāichì了后，有人kā亚伯拉罕讲：「密迦kā你ê小弟拿福生kiáⁿ，
22:21 大ê乌斯，小弟Bu-chuh kah亚南ê老父Ke-mu-el，
22:22 iáu有Ke-siat、Ha-chó͘、Pil-ta-sih、It-la-hu、彼土利，(彼土利生利百加)。」
22:23 Chit八人lóng是密迦kā亚伯拉罕ê小弟拿福生ê。
22:24 拿福ê细姨名叫做Lú-mah，她生Te-bah、Ga-hâm、Ta-ha-sih kah玛迦。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。