申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
23:1 Bē tàng参与上主聚会ê规定
「见若外肾受伤ê á是受阉割ê，m̄ thang入去上主ê会幕。
23:2 「私通来生ê kiáⁿ m̄ thang入去上主ê会幕，甚至到伊ê十代，mā m̄ thang去上主ê会幕。
23:3 「亚扪人á是摩押人，m̄ thang入去上主ê会幕，甚至到in ê十代，永远bē tàng入去上主ê会幕。
23:4 因为lín出埃及ê时，in无用食物kah水tī路里kā lín迎接，koh因为in kah lín对敌，倩米所波大米ê Pì-toat人，比珥ê kiáⁿ巴兰，来kā lín咒诅。
23:5 总是，上主—你ê上帝m̄听巴兰，上主—你ê上帝hō͘ hitê咒诅变做祝福，因为上主—你ê上帝疼你。
23:6 你一世人到永远m̄ thang kah in图谋平安kah福气。
23:7 「M̄-thang怨恨以东人，因为伊是你ê兄弟。M̄-thang怨恨埃及人，因为lín bat出外tī hia。
23:8 In所生ê kiáⁿ孙到第三代chiah thang入去上主ê会幕。」
23:9 「你ê军队出去攻击你ê对敌，tī营房tio̍h kakī 禁戒一切ê pháiⁿ事。
23:10 Lín中间若有人，tī暗时所tú ・tio̍h ê来bak无清气，伊to̍htioh8出去营外，m̄ thang入去营内。
23:11 到beh暗ê时，伊tio̍h用水洗，到日落chiah thang入去营内。
23:12 「你tī营外拣选一位thang出去到外面大便ê所在。
23:13 Τī你ê器具内tio̍h有托á，你tī外面大便ê时，tio̍h用它掘土，chiah oa̍t-tńg身来盖你所放ê。
23:14 因为上主—你ê上帝四界行tī你ê营内，beh kā你拯救，kā你ê对敌交hō͘你，所以，你ê营房应该tio̍h有圣洁，免得他看tio̍h你中间有污秽to̍h离开你。」
23:15 其他各种ê规定
「若有奴仆脱离伊ê主人，走到你hia，你m̄ thang kā伊交hō͘伊ê主人。
23:16 伊beh kah你tòa，tī伊所拣选你一个城门内ê所在来tòa tī你ê中间，to̍h是伊所欢喜ê，你m̄ thang kā伊欺负。
23:17 以色列ê女人中间m̄ thang有妓女；以色列ê男人中间m̄ thang有男性庙倡。
23:18 娼妓所得tio̍h ê钱á是男性庙倡ê工钱，你m̄ thang带入去上主—你ê上帝ê殿来谢愿，因为chit两项lóng是上主—你ê上帝所讨厌ê。
23:19 「你ê兄弟á是对你借钱á是借食物，借见若会生利息ê物，你lóng m̄ thang the̍h伊ê利息。
23:20 你借外族ê人，thang the̍h伊ê利息，总是，借你ê兄弟to̍h m̄ thang the̍h伊ê利息；thang hō͘上主—你ê上帝tī你所去beh得tio̍h做产业ê地，tī你ê手所做一切ê tāichì，kā你赐福。
23:21 「你对上主—你ê上帝下愿，m̄ thang延chhiân你ê谢愿，因为上主—你ê上帝一定ē对你讨，你若无谢to̍h有罪。
23:22 你若无下愿，to̍h无罪。
23:23 见若tùi你ê嘴所出ê，照你已经下愿tī上主—你ê上帝来甘心献ê，to̍h是你ê嘴所答应，你tio̍h执守来照ánne行。
23:24 「你入你ê厝边ê葡萄园，thang chhut-chāi你食葡萄到饱，总是，m̄ thang贮tī你ê器具内。
23:25 你若入你ê厝边iáu未割ê五谷中，thang用手摘它ê穗，总是，m̄ thang用镰á割你ê厝边ê五谷。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。