申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 上主真伟大
「所以，你tio̍h疼上主—你ê上帝，tiāⁿ-tiāⁿ 守他所吩咐你tio̍h守ê，to̍h是他ê律例、法度kah诫命。
11:2 Lín今á日tio̍h知，因为我m̄是kah lín ê kiáⁿ儿讲，in m̄知，mā无看tio̍h上主—lín ê上帝ê教导kah威严，大权能ê手kah伸出ê手骨，
11:3 以及他ê神迹，他ê所做，见若tī埃及中tùi埃及王法老kah伊ê全地所行ê；
11:4 koh有他án怎款待埃及ê军兵，kah in ê马，in ê车，in jiok lín ê时，上主án怎hō͘红海ê水淹in，kā in灭亡到今á日，
11:5 他koh再tī旷野án怎kā lín款待，到lín来chitê所在；
11:6 他koh再án怎款待流便ê kiáⁿ孙以利押ê kiáⁿ大坍kah亚比兰，地án怎tī以色列人ê中间开嘴kā in吞食，kah in ê家眷，以及in ê布棚，kah一切跟tòe in ê活物。
11:7 独独lín亲目看tio̍h上主所做一切ê大事。」
11:8 应允地ê福泽
「所以，lín tio̍h遵守我今á日所命令lín ê一切诫命，hō͘ lín壮胆，ē tàng入去承接lín所beh过去承接ê地，
11:9 mā hō͘ lín ê日子久长tī上主所kah lín ê祖先chiùchōa beh赏赐hō͘ in kah in ê kiáⁿ孙ê地，to̍h是hit款流奶kah蜜ê地。
11:10 因为你beh入去承接ê地，m̄是亲像lín出来ê埃及地，你tī hia掖种，用脚踏来灌ak，亲像菜园。
11:11 总是，lín所beh入去承接ê地，to̍h是有山，有山谷，来承受天ê雨水ê地，
11:12 是上主—你ê上帝所照顾ê地，tùi年头到年尾，上主—你ê上帝ê目chiu tiāⁿ-tiāⁿ teh看它。
11:13 「Lín若注意遵thàn我ê诫命，to̍h是我今á日所命令lín ê，疼上主—lín ê上帝，尽心、尽性服事他，
11:14 我to̍h ē照时koh照你ê地所需要ê落雨，to̍h是以前ê雨，以后ê雨，hō͘你thang收成你ê五谷，你ê酒，你ê油，
11:15 mā hō͘你ê田野发草，thang饲你ê chengseⁿ，你mā ē得tio̍h饱足。
11:16 Lín tio̍h kakī 谨慎，免得lín ê心受迷惑，致使lín歪chhoa̍h，去服事别个神明，来kā伊敬拜。
11:17 致使上主对lín大受气，hō͘天关密无落雨，地mā无出产，lín to̍h ētī上主所赏赐hō͘ lín ê súi地紧紧灭亡。
11:18 「所以，lín tio̍h用我chiahê话记tī lín ê心，lín ê脑，mā tio̍h缚tī lín ê手做记号，挂tī lín两蕊目chiu ê中央做记念；
11:19 mā tio̍h用这教示lín ê kiáⁿ儿，无论你坐tī厝内á是行tī路里，困á是起来，lóng tio̍h讲论；
11:20 koh tio̍h写tī你ê厝ê门框 kah你ê门闩（chhòaⁿ），
11:21 hō͘ lín ê日子kah lín ê kiáⁿ孙ê日子，tī上主对lín ê祖先chiùchōa赏赐hō͘ in ê地，得tio̍h加添真chē，亲像天盖地ê日子hiah久。
11:22 「Lín若致意执守我所命令lín一切ê诫命，来照ánne行，疼上主—lín ê上帝，行他一切ê路，kah他结联，
11:23 上主to̍h ētùi lín ê面前kā这所有ê国赶出去，lín mā ē得tio̍h比lín目前ê khah大koh khah强ê国。
11:24 见若lín ê脚掌所踏ê地，lóng ē归hō͘ lín，tùi旷野kah黎巴嫩，tùi hitê河，to̍h是幼发拉底大河，到西pêng ê海，lóng beh做lín ê境界。
11:25 无一个人ē tàng khiā-tiâu tī lín ê面前；上主—lín ê上帝ē hō͘ lín所踏ê全地lóng惊lín，懔（lún）lín，照他所对lín讲ê。
11:26 「你看，我今á日kā祝福kah咒诅排tī lín ê面前。
11:27 Lín若遵thàn上主—lín ê上帝ê诫命，我今á日所命令lín ê to̍h是祝福。
11:28 Lín若m̄遵thàn上主—lín ê上帝ê诫命，歪chhoa̍h我今á日所命令lín ê路，去遵thàn别个神明，lín平时所m̄ bat ê，to̍h是咒诅。
11:29 将来上主—你ê上帝chhōa你到你所beh入去承接ê地，你tio̍h hē hitê祝福tī Ki-lī-sim山，hē hitê咒诅tī 以巴路山。
11:30 Chit两 个山kám m̄是tī约旦河hit-pêng，日落ê路ê后面，tī tòa亚拉巴ê迦南人ê地，kah 吉甲相对，óa近Mó͘-leh橡树？
11:31 因为lín beh过约旦河，入去承接上主—lín ê上帝所赏赐hō͘ lín做产业ê地，línē tī hia tòa。
11:32 Lín tio̍h执守来行我今á日tī lín ê面前所排列一切ê律例kah法度。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。