申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 以色列人M̄顺服上帝
「以色列人，你tio̍h听！你今á日beh过约旦河，入去承接hiahê比你khah大koh khah猛ê国，得tio̍h阔大koh坚固到抵天ê城。
9:2 Hitê人民大koh lò，是亚纳ê族，lín所知ê，mā bat听tio̍h有人teh指in讲：『啥人tī亚纳族ê面前khiāē tiâu？』
9:3 今á日你tio̍h知，上主—你ê上帝做你ê头前过去，亲像烈烈ê火，他ē kā in灭亡，hō͘ in tī lín ê面前大大thâi输。Lín tio̍h kā in赶出去，hō͘ in赶紧灭亡，照上主所对lín讲ê。
9:4 「上主—你ê上帝tùi你ê面前kā in赶出去了后，你心内m̄ thang想讲：『上主chhōa我入来承接chitê地，是因为我ê义行。』其实上主是为tio̍h hiahê国ê pháiⁿ，chiah tùi你ê面前kā in赶出去。
9:5 你入去承接in ê地，并m̄是因为你ê义行，mā m̄是因为你ê心正直，to̍h是因为chiahê国ê pháiⁿ，上主—你ê上帝chiah tùi你ê面前kā in赶出去，koh因为上主beh坚固他对你ê祖先亚伯拉罕、以撒、雅各所chiùchōa ê话。
9:6 「你tio̍h知，上主—你ê上帝用súi ê地赏赐hō͘ lín做产业，m̄是因为你ê义行，因为你是颔颈硬ê人民。」
9:7 拜金牛悖逆上主
「你tio̍h ē记得，m̄ thang bē记得，你tī旷野惹tio̍h上主—你ê上帝ê受气。Tùi lín出埃及地hit日到lín来到chitê所在，lín tiāⁿ-tiāⁿ 悖逆上主。
9:8 Lín tī何烈山koh惹上主受气，致使上主对lín受气，beh kā lín灭亡。
9:9 Hit当时，我上山，beh领受石碑，to̍h是上主kah lín立约ê 碑。Hit时，我tiàm tī山里四十工四十暝，无食饼mā无lim水。
9:10 上主用两块石碑交带我，是上主用指头á写ê。Hit顶面所写ê，是照上主tī大会ê日，tī山顶，tī火中，对lín所讲一切ê话。
9:11 四十工四十暝了后，上主kā hit两块石碑，to̍h是约碑，交带我。
9:12 「上主对我讲：『你起来，赶紧tùi chia落去，因为你ê人民，你tùi埃及chhōa出来ê，已经败坏kakī ，in快快偏歪我所命令ê路，因为in为kakī 铸一sian偶像。』
9:13 「上主koh吩咐我讲：『我看chiahê人民，你看，是颔颈硬ê人民。
9:14 你chhut-chāi我，我beh kā in消灭，tùi天下擦消in ê名，我beh hō͘你成做一国比in khah强khah大。』
9:15 我to̍h oa̍t-tńg身落山，山hō͘火烧to̍h，两块约碑tī我ê两支手里。
9:16 我一下看，lín已经得罪上主—lín ê上帝，为kakī 铸一只牛á，真紧to̍h歪chhoa̍h上主所命令lín ê路。
9:17 我kā hit两块碑tùi我ê双手hiat落去，phah断tī lín ê目chiu 前。
9:18 我仆tī上主ê面前，亲像以前ê款，四十工四十暝，无食饼mā无lim水，因为lín所犯一切ê罪，行上主看做是pháiⁿ ê tāichì，惹他受气。
9:19 Hit时，上主大m̄甘愿，对lín受气，我to̍h真惊，因为他受气beh kā lín消灭；总是，hit pái上主有koh听我。
9:20 上主mā受气亚伦，beh kā伊灭掉，siâng hit时，我mā替亚伦祈祷。
9:21 Hit时，我用lín犯罪ê物，to̍h是lín所铸ê牛á，用火烧掉，koh kā它研kah幼幼，幼kah亲像土沙粉，我kā chitê土沙粉掖tī tùi山顶流落来ê溪。
9:22 「Lín mā tī他备拉，tī玛撒，tī基博罗哈他瓦，koh激起上主ê受气。
9:23 上主差lín离开加低斯巴尼亚，讲：『Lín上去承接我所赏赐hō͘ lín ê地。』Hit时，lín违背上主—lín ê上帝ê诫命，m̄信他，mā m̄听他ê话。
9:24 Tùi我bat lín ê hit日起，lín to̍h tiāⁿ-tiāⁿ 悖逆上主。
9:25 「我因为上主讲beh kā lín消灭，to̍h仆tī上主ê面前仆teh四十工四十暝。
9:26 我对上主祈祷讲：『至koân上主ah，求祢m̄ thang灭亡祢ê子民。伊ê产业，to̍h是祢用大气力赎回ê，用大权能ê手chhōa出埃及ê。
9:27 求祢tio̍h ē记得祢ê奴仆亚伯拉罕、以撒、雅各，m̄ thang记念chiahê人民ê硬心kah in ê pháiⁿ，in ê罪，
9:28 恐惊祢chhōa阮出来hit所在ê人ē讲：上主因为bē tàng chhōa in入去他所应允in ê地，koh怨恨in，所以，chhōa in出去，beh tī旷野kā in灭亡。
9:29 M̄ koh，in是祢ê子民，祢ê产业，是祢用祢ê大权能，用祢伸出来ê手，所chhōa出来ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。