申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
4:1 摩西劝以色列人Tio̍h顺服
「以色列人，taⁿ我所教示lín ê律例kah法度，lín tio̍h听来遵thàn，thang hō͘ lín活leh，入去得tio̍h上主—lín ê祖先ê上帝所beh赏赐hō͘ lín ê地。
4:2 我所命令lín ê话，lín m̄ thang加添，mā m̄ thang kā它减少，thang hō͘ lín执守上主—lín ê上帝ê诫命，to̍h是我所命令lín ê。
4:3 上主因为巴力毗珥ê tāichì所行ê，lín亲目看tio̍h。因为见若遵thàn巴力毗珥ê人，上主—你ê上帝lóngē tùi lín中间kā in除灭。
4:4 独独lín kah上主—lín ê上帝结联ê，今á日lóng活leh。
4:5 「你看，我mā bat用律例kah法度教示lín，照上主—我ê上帝所命令我ê，hō͘ lín遵thàn tī lín所beh入去承接ê地。
4:6 所以，lín tio̍h执守来行；这to̍h是lín tī列国ê面前ê智慧kah聪明。In一下听tio̍h这一切ê律例，ē讲：『Chitê大国真正是有智慧koh聪明ê人民。』
4:7 「Tó一个大国有神明kah伊亲近，亲像上主—咱ê上帝，tī咱见若求叫他ê时ē kah咱亲近？
4:8 Koh有啥物大国有律例kah法度，亲像我今á日tī lín ê面前所传一切ê律法hiahni̍h公义？
4:9 「所以，lín tio̍h kakī 谨慎，mā tio̍h谨慎保守你ê心，免得你bē记得亲目所看tio̍h ê tāichì，koh免得chiahê tāichì tī你活leh ê时离开你ê心，mā tio̍h用chitê来教示lín hiahê kiáⁿ kah hiahê孙。
4:10 你tī何烈山khiā tī上主—你ê上帝ê面前，hit日上主对我讲：『你kā我招集人民，我beh hō͘ in听tio̍h我ê话，hō͘ in活tī世间ê日，thang学习敬畏我，koh thang教示in ê kiáⁿ儿。』
4:11 「Hit时，lín近óa来，khiā tī山脚，山里有火焰chhèng到天顶，mā有密云乌乌暗暗。
4:12 上主tùi火焰中kah lín讲话，lín听tio̍h讲话ê声，无看tio̍h啥物影像，只有声niā-niā。
4:13 他kā所命令lín tio̍h遵守ê约指示lín，to̍h是十条诫，mā kā它写tī两块石碑。
4:14 Hit时，上主koh命令我，tio̍h kā律例kah法度教示lín，hō͘ lín tī所beh过去来得tio̍h做产业ê地thang遵thàn来行。」
4:15 警告人民M̄-thang拜偶像
「所以，lín tio̍h kakī 特别谨慎，因为上主tī何烈山tùi火中kah lín讲话hit日，lín无看tio̍h啥物形像。
4:16 恐惊lín败坏kakī ，为kakī 雕刻偶像，仿啥物形状，无论是男á是女ê形像，
4:17 á是地chiūⁿ走兽ê像，
4:18 á是空中飞鸟ê像，á是地chiūⁿteh趖（sô）ê物ê像，á是地下水中鱼类ê像。
4:19 Koh恐惊你gia̍h头ǹg天看上主—你ê上帝所分派hō͘天下万国ê日、月、星，to̍h是天顶ê万象，你就受引诱，去敬拜服事in。
4:20 总是，上主带lín出埃及，脱离铸铁ê炉，beh做他kakī 产业ê子民，亲像今á日ê款式。
4:21 上主koh因为lín ê缘故对我受气，chiùchōa m̄ hō͘我过约旦河，mā m̄ hō͘我入去上主—你ê上帝所beh赏赐hō͘你做产业ê súi地。
4:22 我tio̍h死tī chitê地，我bē tàng过约旦河；总是，lín ē tàng过去得tio̍h hitê好ê地。
4:23 Lín tio̍h kakī 谨慎，恐惊lín bē记得上主—lín ê上帝kah lín所立ê约，为kakī 仿造啥物物来雕刻偶像，to̍h是上主—你ê上帝所禁止ê。
4:24 因为上主—你ê上帝to̍h是烈烈ê火，绝对m̄容允有别个神明。
4:25 「后来，lín真久tòa tī hitê地来生kiáⁿ传孙，就雕刻偶像，仿造啥物物ê像，phah-pháiⁿ你ê心思，行上主—你ê上帝目chiu 中看做是pháiⁿ ê tāichì，惹他受气。
4:26 我to̍h今á日叫天叫地来见证，línē tī过约旦河得tio̍h做产业ê地，真紧to̍h消灭了了！Lín ê日子bē tàng tī hit所在得tio̍h久长，会全部除灭。
4:27 上主ēhō͘ lín四散tī列邦，tī上主所chhōa lín到hiahê国，lín chhun落来ê人额无chē。
4:28 Tī hia línē服事人ê手所造ê神明，to̍h是柴ê á是石ê，bē tàng看，bē tàng听，bē tàng食，bē tàng鼻ê。
4:29 总是，lín tī hia若beh 走chhōe上主—你ê上帝，若用尽心尽性chhōe他，to̍h ē tú tio̍h。
4:30 日后lín tú tio̍h苦难，所讲chiahê tāichì临到你，你ē归向上主—你ê上帝，来听他ê话。
4:31 因为上主—你ê上帝是怜悯ê上帝，他无beh放sak你，无beh剿灭你，mā无bē记得他kah你ê祖先所chiùchōa ê约。
4:32 「请问tī你出世以前到taⁿ，tùi上主创造人tī世间hit日以来，tùi天ê chit pêng到天ê hit-pêng，kám有亲像hit款ê大事？Kám bat听tio̍h有ánne？
4:33 Bat有啥物人听过上帝tùi火中讲话ê声，亲像你有听tio̍h，mā iáu活leh？
4:34 Á是bat有啥物神明试过ánne做，用试炼、神迹、奇事、交战kah大权能ê手，伸出ê手骨kah大koh thang惊ê tāichì，为kakī tùi别国中取一国，亲像上主—lín ê上帝tī埃及tī lín ê目chiu 前，为lín所行一切ê tāichì？
4:35 「用这显现tī你，hō͘你知上主他是上帝，他以外无有别个。
4:36 他tùi天hō͘你听tio̍h他ê声，为tio̍h beh教示你，koh tī地面上hō͘你看tio̍h他ê大火，koh hō͘你听tio̍h他ê话tùi火中出来。
4:37 因为他疼你ê祖先，所以，拣选in ê kiáⁿ孙，用大权能亲身chhōa你出埃及，
4:38 beh tùi你ê面前赶出比你khah大koh khah猛ê人民，beh chhōa你入去，用in ê地赏赐hō͘ lín做产业，亲像今á日相siâng。
4:39 所以，今á日你tio̍h知，心mā tio̍h想，天顶地下只有上主，他是上帝，以外无别个。
4:40 所以，你tio̍h遵守他ê律例诫命，to̍h是我今á日所命令你ê，hō͘你kah你ê kiáⁿ孙thang得tio̍h福气，koh加添你ê日子久长，tī上主—你ê上帝所赏赐hō͘你ê地，直到永远。」
4:41 约旦河东岸逃闪ê城
「Hit时，摩西tī约旦河外，ǹg日出ê所在分别三个城，
4:42 hou7thâi死人ê人，to̍h是平时无结怨，失误thâi死伊ê厝边ê，thang逃走去hia，若已经走入去chiahê城ê人，to̍h ē tàng得tio̍h活：
4:43 to̍h是旷野平原ê 比色，为tio̍h流便人设ê；基列ê Lah-boa̍t，为tio̍h迦得人设ê；巴珊ê Ko-lân，为tio̍h 玛拿西人设ê。」
4:44 排列ê律法
Chitê是摩西tī以色列人ê面前所排列ê律法，
4:45 chiahê是摩西tī以色列人出埃及了后，所传hō͘ in ê证据、律例kah法度。
4:46 Tī约旦河外，Pek-pí-jíⁿ对面ê山谷中，tī希实本tòa亚摩利王西宏ê地，to̍h是摩西kah以色列人出埃及了后所phah败ê。
4:47 In得tio̍h伊ê地kah巴珊王噩ê地，to̍h是两 个亚摩利王，tī约旦河外，ǹg日出ê所在。
4:48 Τùi亚嫩山谷边ê亚罗珥，一直到Se-hûn山，to̍h是黑门山，
4:49 以及约旦河外，东pêng亚拉巴ê全地，一直到亚拉巴ê海，óa近毗斯迦ê山脚。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。