申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 Tī旷野流浪
「然后，咱oa̍t倒tńg去出发，tùi红海ê路去旷野，是照上主所kā我讲ê。咱tī西珥山se̍h真chē日。
2:2 「上主吩咐我讲：
2:3 『Lín se̍h chitê山真久à，lín tio̍h oa̍t tńg去ǹg北pêng去。
2:4 你tio̍h吩咐人民讲：『以扫ê kiáⁿ孙lín ê兄弟tòa tī西珥，lín tio̍h经过in ê境界，in ē惊lín，所以，lín tio̍h不止谨慎。
2:5 M̄-thang kah in争战，in ê地我连一脚迹ê位都无beh hō͘ lín，因为我已经kā西珥山hō͘以扫做产业。
2:6 Lín tio̍h用银tùi in买米粮来食，mā tio̍h用银tùi in买水来lim。
2:7 「因为上主—你ê上帝tī你ê手所做一切ê工，kā你赐福。你行chitê大ê旷野，他lóng知。Chit四十年中间，上主—你ê上帝kah你同在，你lóng无欠缺半项。』
2:8 「就ánne，咱离开咱ê兄弟以扫hiahê tòa tī西珥ê kiáⁿ孙，tùi亚拉巴ê路经过E-lot kah以旬迦别。咱to̍h oa̍t tńg去经过摩押旷野ê hit条路。
2:9 上主对我讲：『M̄-thang搅扰摩押人，mā m̄ thang kah in交战。In ê地我lóng无beh hō͘你做产业，因为我已经kā亚珥hō͘罗得ê kiáⁿ孙做产业。』
2:10 「（早前有E-mih人tòa tī hia，人民chē，大koh lò，亲像亚纳人。
2:11 In mā hō͘人算做利乏音人，kah亚纳人相siâng；总是，摩押人kā伊称做E-mih人。
2:12 早前，何利人mā tòa tī西珥，总是，以扫ê kiáⁿ孙续接伊，in tī in ê面前kā in剿灭，来tòa tī in ê所在，亲像以色列tī上主赏赐hō͘ in做产业ê地所行ê。)
2:13 「Taⁿ lín tio̍h起来过Sat-lia̍t溪！就ánne，咱过Sat-lia̍t溪。
2:14 Tùi咱离开加低斯巴尼亚到过Sat-lia̍t溪ê日，总共三十八年，到hit代ê武士lóng死亡tī军营中，照上主对in所chiùchōa ê。
2:15 Koh有上主ê手kā in攻击，tùi军营中kā in剿灭，直到in lóng死亡。
2:16 「武士tùi人民中lóng hông剿灭死亡以后，
2:17 上主吩咐我讲：
2:18 『你今á日tio̍h tùi摩押ê境界亚珥经过，
2:19 行近亚扪人ê对面，m̄ thang搅扰in，mā m̄ thang kah in争战，因为亚扪人ê地我无hō͘ lín做产业，我已经有赏赐罗得ê kiáⁿ孙做产业。』
2:20 「（Hitê地mā算做是利乏音人ê地，早前利乏音人tòa tī hia，亚扪人称in做Sàn-sòng-bêng。
2:21 Hiahê人民chē，大koh lò，亲像亚纳人，总是，上主tī亚扪人ê面前kā in剿灭，in to̍h得tio̍h in ê地，续接tòa tī hia。
2:22 亲像他为hiahê以扫tòa tī西珥ê kiáⁿ孙，tī in ê面前kā何利人消灭，in to̍h续接tī hia tòa in ê地到今á日。
2:23 Koh有A-ōe人tòa tī庄头续到迦萨ê，tùi Ka-húi-thok出来ê Ka-húi-thok kā in消灭，来tòa tī in ê所在。）
2:24 「Taⁿ lín tio̍h起来，出发过去亚嫩ê山谷；你看，我已经kā亚摩利人希实本王西宏kah伊ê地，交tī你ê手头，你tio̍h动手来得tio̍h伊ê地，去kah伊交战。
2:25 Tùi今á日起，我beh hō͘天下万民，听tio̍h你ê名声ê，惊lín，懔（lún）lín，koh因为你来痛苦kah phi̍h-phi̍h chhoah。
2:26 以色列人Phah赢希实本王
(民21：21-30)
「我to̍h tùi Ki-tí-bo̍k ê旷野，差使者去见希实本王西宏，用和平ê话讲：
2:27 『求你容允我tùi你ê地经过，我ē行大路，无偏左，无偏右。
2:28 你the̍h我ê银，卖米粮hō͘我食，the̍h我ê银，卖水hō͘我lim，只要准我行路过去。
2:29 亲像tòa tī西珥ê以扫ê kiáⁿ孙，kah tòa tī亚珥ê摩押人款待我相siâng，thèng候我过约旦河，入去上主—阮ê上帝所赏赐hō͘阮ê地。』
2:30 「总是，希实本王西宏m̄肯hō͘咱tùi伊hia经过，因为上主—你ê上帝hō͘伊ê性情固执koh心硬，是为tio̍h beh kā伊交付tī你ê手，亲像今á日ánne。
2:31 「上主kā我讲：『你看，tùi chit时起，我beh kā西宏kah伊ê地，交付tī你ê面前，你taⁿē得tio̍h伊ê地做产业。』
2:32 Hit时，西宏kah伊ê人民出来kā咱抵敌，tī雅杂交战。
2:33 上主—咱ê上帝kā伊交付咱，咱就phah死伊kah伊ê kiáⁿ，以及伊ê人民。
2:34 「Hit当时，咱征服伊所有ê城，剿灭有人tòa ê城，连chabó͘人kah gín-á，无留kah一个。
2:35 总是，chengseⁿ kah所抢来ta̍k个城ê战利品，lóng取来做kakī ê路用。
2:36 Tùi亚嫩山谷边ê亚罗珥，以及山谷中ê城到tī基列，无kah一个城是坚固，hō͘咱kā它征服无tio̍h，因为上主—咱ê上帝lóng kā in交付hō͘咱。
2:37 只有亚扪人ê地，雅博河边ê地kah山地chiahê城，kah上主—咱ê上帝所禁止咱去ê地，你lóng无óa近它。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。