创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
19:1 所多玛ê罪恶
日暗了后，hit两 个使者来到所多玛。罗得坐tī所多玛ê城门里，罗得看tio̍h in，to̍h起来kā in迎接，面ǹg地鞠躬，
19:2 讲：「我ê主，请oat来奴仆ê厝歇暝、洗脚；明á早起起来，chiah行lín ê路。」In讲：「M̄免，阮beh tī大街路过暝。」
19:3 罗得迫切请in，in chiah oa̍t-tńg身，oat入去伊ê厝；罗得为in准备宴席，煏无酵饼，in to̍h食。
19:4 In iáu未去困，城内ê人，to̍h是所多玛人，tùi少年到年老，四面来围伊ê厝；
19:5 叫罗得讲：「今暗到你chia ê人tī tó位？Hō͘ in出来，thang照阮所ài做ê。」
19:6 罗得出去到门外群众hia，to̍h kā门关起来，
19:7 讲：「兄弟，请lín m̄ thang做chit款pháiⁿ tāichì。
19:8 你看，我有两 个chabó͘ kiáⁿ iáu是在室女；请容允我chhōa in 出来，chhut-chāi lín所ài来行；独独chit两 个人，已经到我ê厝，lín m̄ thang对in做啥物。」
19:9 众人讲：「你退去！」Koh讲：「Chitê人寄脚tī chia，续beh kā阮管辖？Taⁿ阮beh害你比害in khah伤重。」就挨kheh罗得，进前beh攻破伊ê门。
19:10 总是，hit两 个人伸手，牵罗得入去厝内，kā门关起来。
19:11 In koh hō͘门外ê人，tùi细到大，目chiu 眩眩，lóng看bē tio̍h；chhōe到倦，mā chhōe无门。
19:12 罗得离开所多玛
Hit两人对罗得讲：「你tī chia iáu有啥人？你ê kiáⁿ婿，á是kiáⁿ，á是chabó͘ kiáⁿ，以及城内一切属你ê人，你tio̍h hō͘ in lóng离开chit所在，
19:13 阮beh剿灭chitê所在，因为chitê城犯罪ê声tī上主ê面前真大，上主差阮来beh kā chitê城剿灭。」
19:14 罗得出去，对娶伊ê chabó͘ kiáⁿ ê kiáⁿ婿讲：「Lín起来，离开chia，因为上主beh灭亡chitê城。」伊ê kiáⁿ婿掠做伊是teh讲笑。
19:15 天光，使者催逼罗得讲：「起来！Chhōa你ê bó͘，以及你tī chia两 个chabó͘ kiáⁿ出去。若无，恐惊inē kah chitê城ê罪恶做伙受灭亡。」
19:16 罗得延chhiân无行动。Hit两 个人，因为上主怜悯罗得，就牵伊ê手kah伊ê bó͘ ê手，kah伊两 个chabó͘ kiáⁿ ê手，kā in chhōa出去，安置tī城外。
19:17 Chhōa in出去了后，其中一个使者讲：「你tio̍h逃命，m̄ thang oa̍t头看，mā m̄ thang tòa tī平原，tio̍h走去山里。若无，恐惊línē受灭亡。」
19:18 罗得对in讲：「我ê主ah，m̄ thang ánne做。
19:19 你看！你ê奴仆已经tī你ê面前得tio̍h恩典，你mā对我显出极大ê仁慈，救我ê性命。我bē tàng走到山里，恐惊chitê灾祸会临到我，我to̍h死。
19:20 你看！Chitê城近近，我thang逃走去hia，而且Chitê城mā是细ê。请容允我逃闪tī hia，来保全我ê活命；chitê城kám m̄是细ê？」
19:21 上主对伊讲：「Chitê tāichì，我mā允准你；你所讲ê城，我无beh kā她chhia倒。
19:22 你tio̍h赶紧走去hia，因为你iáu未到hia，我bē tàng做啥物。」因为ánne，hitê城名叫做琐珥。
19:23 所多玛kah蛾摩拉ê末日
罗得来到琐珥，日头已经出来。
19:24 Hit时，上主kā硫磺kah火，tùi天顶，tùi上主hia，降落tī所多玛kah蛾摩拉，
19:25 kā hiahê城kah全平原，以及城内所有ê人民，连地面上生长ê lóng毁坏。
19:26 罗得ê bó͘ tī后面，一下oa̍t头看，to̍h变做一支盐柱。
19:27 亚伯拉罕透早起来，到伊前日khiā tī上主ê面前hit所在，
19:28 伊ǹg所多玛kah蛾摩拉，以及平原ê全地看去，看tio̍h hit所在火烟chhèng koân，亲像火炉ê烟。
19:29 当上帝剿灭平原chiahê城ê时，上帝数念亚伯拉罕；tútú tī chhia倒罗得所tòa ê城ê时，to̍h kā罗得tùi chhia倒ê中间救出去。
19:30 摩押人kah亚扪人ê祖先
罗得tiàm tī 琐珥有惊惶，to̍h kah伊两 个chabó͘ kiáⁿ tùi琐珥上去tiàm tī山里；伊kah两 个chabó͘ kiáⁿ tiàm tī一个洞内。
19:31 大chabó͘ kiáⁿ对细汉chabó͘ kiáⁿ讲：「咱ê老父老ā，地chiūⁿkoh无人kah咱做匹配，来行人道。
19:32 来，咱thang hō͘老父lim酒，kah伊做伙困；ánne，咱好thang tùi伊留存kiáⁿ孙。」
19:33 Hit暝，in hō͘老父lim酒，大chabó͘ kiaN2to̍h入去kah老父做伙困；她tang时去困，tang时起来，老父lóng m̄知。
19:34 隔tńg工，大chabó͘ kiáⁿ kā细chabó͘ kiáⁿ讲：「我昨暝kah老父做伙困，今暗咱koh hō͘伊lim酒，你thang入去kah伊做伙困。Án-ne，咱好thang tùi老父留存kiáⁿ孙。」
19:35 Hit暝，in koh hō͘老父lim酒，细chabó͘ kiáⁿ入去kah伊困；伊tang时去困，tang时起来，老父mā lóng m̄知。
19:36 Án-ne，罗得两 个chabó͘ kiáⁿ lóng tùi in老父来怀孕。
19:37 大ê生kiáⁿ，kā伊号名叫做摩押，to̍h是现今摩押人ê祖先。
19:38 细汉ê mā生kiáⁿ，kā伊号名叫做Biān-am-mih，to̍h是现今亚扪人ê祖先。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。