申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 序言
摩西tī约旦河外，tī旷野Só͘-hut对面ê亚拉巴，to̍h是tī巴兰、Tô-hut、拉班、哈洗录、Tí-sat-hap ê中间，对以色列ê民众所讲ê话，记tī下底。
1:2 Tùi何烈经过西珥山ê路到Ka-te-su-pa-nî-a，有十一日ê路程。
1:3 Tī第四十年ê十一月初一，摩西照上主一切所命令伊ê，lóng kā以色列人讲。
1:4 Hit时，伊已经phah赢tòa tī希实本ê亚摩利王西宏，kah tòa tī 以得来kah亚斯他录ê巴珊王噩。
1:5 摩西tī约旦河外ê摩押地，开始传chitê律法讲：
1:6 「上主—咱ê上帝tī何烈吩咐咱讲：Lín tòa tī chitê山已经真久à，
1:7 tio̍h出发oa̍t-tńg到亚摩利人ê山地，kah近óa hia ê ta̍k所在，tī亚拉巴，tī山地，tī平原，tī南方，沿海一带，迦南人ê地，kah黎巴嫩，koh到大河，to̍h是幼发拉底大河。
1:8 Taⁿ我kā chitê地排列tī lín ê面前，lín tio̍h入去得tio̍h它来做产业，to̍h是上主对lín ê祖先，亚伯拉罕、以撒、雅各chiùchōa beh赏赐hō͘ in kah in ê kiáⁿ孙ê地。」
1:9 摩西指派审判官
(出18：13-27)
摩西对人民讲：「Hit时，我kā lín讲：『Lín ê责任，我kakī 一个担当bē起。
1:10 上主—lín ê上帝hō͘ lín加添真chē，你看，lín今á日亲像天顶ê星hiah chē。
1:11 愿上主—lín祖先ê上帝，hō͘ lín比现今加千倍chē，mā照他所应允lín ・ê赐福hō͘ lín。
1:12 Lín ê重担，lín ê责任，kah lín ê冤家，我kakī 一个人ná担当会起？
1:13 Lín tio̍h照ta̍k支族来拣选有智慧、有见识koh有名望ê人，thang hō͘我来kā in设立做lín ê首领。』
1:14 「Lín应我讲：『你所讲ê是好，thang ánne来行。』
1:15 Lín ta̍k支族ê首领，to̍h是有智慧kah有名望ê人，我ē kā in设立做首领，to̍h是营长、连长、排长、班长kah官员，照lín ê支族，来管理lín。
1:16 「当时，我命令lín ê审判官讲：：『Lín tī lín兄弟中审判，若有人kah伊ê兄弟，á是kah in中间ê出外人有相告，tio̍h照公道来判断。
1:17 审判ê时，m̄ thang看人ê外貌，弱kah强tio̍h平平听in ê话；m̄ thang惊人，因为审判属tī上帝。Lín若有oh得解决ê tāichì，hō͘伊来到我chia，我to̍h kā伊判断。』
1:18 Hit时，我ē kā lín所应该行ê tāichì lóng kā lín命令。」
1:19 Tī加低斯巴尼亚派人去探迦南地
(民13：1-33)
「咱照上主—咱ê上帝所命令咱ê，tùi 何烈出发，经过lín所看tio̍h hitê大koh thang惊ê旷野，tùi亚摩利人ê山地行路，咱to̍h来到加低斯巴尼亚。
1:20 我对lín讲：『Lín已经来到上主—咱ê上帝赏赐hō͘咱ê亚摩利人ê山地。
1:21 你看，上主—lín ê上帝已经kā hitê地排列tī你ê面前，你tio̍h照上主—你ê祖先ê上帝所对你讲ê，去hia来得tio̍h它做产业；m̄免惊，m̄ thang懔。』
1:22 「Hit时，lín lóng来见我，讲：『咱tio̍h差人tāi先去，kā咱探看hitê地，kā咱回覆，看咱是tio̍h tùi啥物路行去，tùi啥物城入去。』
1:23 「这话我看做是好，我to̍h tùi lín中间拣选十二个人，每支族一个人。
1:24 Into̍h oa̍t-tńg身上山地去，来到以实各ê山谷，探看hit所在。
1:25 In手里the̍h hit所在ê果子，带来到咱hia，kā咱回覆，讲：『上主—咱ê上帝所赏赐hō͘咱ê，是好ê土地。』
1:26 「总是，lín m̄肯去，违背上主—lín ê上帝ê诫命，
1:27 koh tī lín ê布棚内哀怨讲：『因为上主怨恨咱，所以，chhōa咱出埃及地，beh kā咱交tī亚摩利人ê手，来kā咱剿灭。
1:28 咱beh行去tó位？咱ê兄弟hō͘咱失志，讲：『Hia ê人民比咱khah大koh khah lò，城阔大koh坚固，高到抵天，阮koh tī hia看tio̍h亚纳族ê人。』
1:29 「我to̍h对lín讲：『M̄-thang懔（lún），m̄免惊in。
1:30 行tī lín ê面前ê上主—lín ê上帝，会替lín交战，亲像他tī埃及为tio̍h lín来行tī lín目chiu 前一切ê tāichì。
1:31 Koh亲像他行tī旷野，tī hia你看tio̍h上主—你ê上帝tī你所行一切ê路有án怎偝（āiⁿ）你，亲像人teh偝伊ê kiáⁿ，一直到lín来到tī chitê所在。』
1:32 总是，lín tī chitê tāichì顶面m̄信上主—lín ê上帝。
1:33 他tī路里，tī lín ê头前teh行，kā lín chhōe扎营ê所在；暗时用火，日时用云，指示lín所tio̍h行ê路。」
1:34 上主处罚以色列人
(民14：20-45)
「上主听tio̍h chiahê话ê声就受气，chiùchōa讲：
1:35 『Chitê pháiⁿ世代ê人绝对无一个ē tàng看tio̍h我chiùchōa beh赏赐hō͘ lín祖先ê好地；
1:36 只有耶孚尼ê kiáⁿ迦勒ē tàng看tio̍h，我koh beh用伊所踏tio̍h ê地赏赐hō͘伊kah伊ê kiáⁿ孙，因为伊有专心跟tòe上主。』
1:37 「上主为tio̍h lín ê缘故mā受气我，讲：『你mā bē tàng入去hitê所在。
1:38 跟tòe你ê，嫩ê kiáⁿ约书亚，伊ē tàng入去hia；你tio̍h勇壮伊ê心志，因为伊beh hō͘以色列人承接hitê所在。
1:39 「Koh有lín ê gín-á，to̍h是lín所讲beh受掠ê，kah今á日lín hiahê bē晓好pháiⁿ ê kiáⁿ儿，ē tàng入去hia。我beh kā hit所在hō͘ in，inē得tio̍h来做产业。
1:40 讲tio̍h lín，lín tio̍h oa̍t倒tńg来出发，tùi红海ê路去旷野。』
1:41 「Hit时，lín应我讲：『阮得罪上主，taⁿ阮beh照上主—阮ê上帝一切所命令ê去交战。』Tùi hit时起，lín ta̍k人to̍h带军器，随便入去山地。
1:42 「上主kā我讲：『你tio̍h kā in讲：M̄-thang去，mā m̄ thang交战，因为我无tī lín中间，恐惊lín会thâi输对敌。』
1:43 我to̍h kā lín讲，总是，lín m̄听，lín悖逆上主ê命令，硬硬beh去山地。
1:44 Tòa tī山里ê亚摩利人to̍h出来kā lín攻击，亲像蜂teh jiok lín，tī西珥thâi赢lín，一直到何珥玛。
1:45 Lin2to̍h倒tńg来，tī上主ê面前啼哭；总是，上主m̄听lín ê声，mā m̄ àⁿ耳孔ǹg lín。
1:46 Án-ne，lín to̍htoa3 tī加低斯真chē日。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。