民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
35:1 分配hō͘利未人ê城
上主tī摩押ê平原，约旦河边，耶利哥城对面，吩咐摩西讲：
35:2 「你命令以色列人，tio̍h tùi in所得tio̍h ê产业，用城hō͘利未人tòa，mā tio̍h用城四箍围ê郊野hō͘利未人。
35:3 城beh hō͘ in tòa，郊野beh做in ê牛、羊、财物kah ta̍k种chengseⁿ ê路用。
35:4 Lín所hō͘利未人城外ê郊野，tùi城脚四箍围量出一千肘。
35:5 你tī城外量，东pêng二千肘，南pêng二千肘，西pêng二千肘，北pêng二千肘，城tī中央；这是beh hō͘ in做城ê郊野。
35:6 Lín所hō͘利未人hiahê城，其中tio̍h有六个逃闪ê城；lín tio̍h ánne设立，hou7thâi死人ê thang逃走去hia；chiahê以外，tio̍h koh hō͘ in四十二个城。
35:7 Lín tio̍h hō͘利未人ê城，总共四十八个；城kah郊野，lóng tio̍h hō͘ in。
35:8 讲tio̍h lín tùi以色列人ê产业中，所hō͘利未人ê城，tùi产业chē ê，取khah chē城，tùi产业少ê，取少；各照所承接ê产业拨出城来hō͘利未人。」
35:9 逃闪ê城
(申19：1-13；书20：1-9)
上主吩咐摩西讲：
35:10 「你tio̍h吩咐以色列人，kā in讲：Lín过约旦河，入去迦南地，
35:11 to̍h tio̍h拨出几个城，hō͘ lín做逃闪ê城，hō͘失误thâi死人ê凶手thang逃走去hia。
35:12 Chiahê城thang hō͘ lín闪避hitê报仇ê人，hō͘凶手无致到死，thèng候伊khiā tī会众ê面前受审判。
35:13 Lín所拨出来ê城，tio̍h做lín六个逃闪ê城。
35:14 Tī约旦河外tio̍h拨出三个城，tī迦南地mā tio̍h拨出三个城，做逃闪ê城。
35:15 Chit六个城tio̍h hō͘以色列人kah in中间ê出外人，以及寄脚ê做逃闪ê路用，hō͘失误thâi人ê thang走去hia。
35:16 「设使人用铁器phah人致使死，伊to̍h是凶犯，凶犯一定tio̍h hō͘伊死。
35:17 伊ê手若用ē hō͘人死ê石头tìm人，致使人死，伊to̍h是凶犯，凶犯一定tio̍h死。
35:18 伊ê手若用ē hō͘人死ê柴phah人，致使人死，伊to̍h是凶犯，凶犯一定tio̍h死。
35:19 报仇ê，本身tioh8thâi死hitê凶犯；一下tú tio̍h伊to̍htioh8 kā伊thâi死。
35:20 「人若怨恨hitê人来kā伊chhia倒，á是bih teh用物kā伊tìm，致使死，
35:21 kiámchhái因为拾恨用手phah人致使死，hitê phah人ê就一定tio̍h死，因为伊真正是凶犯，报仇ê tú tio̍h凶犯，to̍h kā伊thâi死。
35:22 「设使人无拾恨，忽然kā伊phah倒，á是无bih teh，用物kā伊tìm，
35:23 á是无看tio̍h ê时，用会phah死人ê石头tìm tio̍h伊，来致使死，kah伊本无冤仇，mā无意思beh害伊，
35:24 会众to̍h tio̍h照hiahê法度，tī phah死人ê kah报仇ê ê中间kā伊审判。
35:25 会众tio̍h救hitê失误thâi人ê脱离报人命ê ê手；会众mā tio̍h hō͘伊倒tńg去伊所走入逃闪ê城，伊tio̍h tòa tī hit内面，thèng候到抹圣油ê大祭司死。
35:26 总是，失误thâi死人ê，无论án怎，若出去伊所走入逃闪ê城ê境外，
35:27 报仇ê若tī逃闪ê城ê境外tú tio̍h伊，来thâi死hitê凶犯，报仇e5to̍h无thâi死人ê罪。
35:28 因为伊应该tio̍h tòa伊逃闪ê城，thèng候大祭司死；大祭司死了后，失误thâi人ê chiah thang tńg去伊产业ê地。
35:29 这tī lín一切tòa ê所在beh做lín ta̍k世代ê律例。
35:30 「见若thâi死人，hitê凶犯tio̍h照几nā个见证人ê话来hō͘伊死；若只有一个人做见证，to̍h m̄ thang hō͘人死。
35:31 thâi死人犯tio̍h死罪ê，lín m̄ thang收赎回性命ê价钱，一定tio̍h hō͘伊死。
35:32 Hitê走到逃闪ê城ê人，lín m̄ thang kā伊the̍h赎回ê价，hō͘伊tī祭司未死ê chìn前，koh来tòa本地。
35:33 Án-ne，lín to̍h无òe lahsap lín所tòa ê地，因为血是òe lahsap地ê；若有血流tī地里，设使m̄是流hitêthâi人ê ê血，hitê地to̍h bē tàng清气。
35:34 Lín m̄ thang òe lahsap lín所tòa ê地，to̍h是我tiàm tī hit中间ê地，因为我—上主tiàm tī以色列人ê中间。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。