民数记 线上收听:中文和合本 现代中文译本修订版 现代台语 台语圣经 客语 希伯来文读经 下载档案 关于语音圣经
33:1 Tùi埃及到摩押
以色列人照军队，tī摩西kah亚伦ê手下，出埃及地所行ê路程，记tī下面。
33:2 摩西照上主ê命令记载in出发所行ê路程，in出发行ê路程to̍h是ánne。
33:3 正月间，tī正月十五，to̍h是Pôaⁿ过节ê第二日，以色列人tùi兰塞出发，tī埃及群众ê目chiu 前，靠大权能ê手出去。
33:4 Hit时，埃及人teh埋葬in所有ê大kiáⁿ，to̍h是上主tī in中间所phah死ê；上主mā谴责in hiahê神明。
33:5 以色列人tùi兰塞出发，扎营tī疏割。
33:6 Tùi疏割出发，扎营tī近旷野ê E-thám。
33:7 Tùi E-thám出发，oa̍t-tńg到Pi-hap-hi-lio̍k，to̍h是tī Pa-le̍k-sé-hun ê对面，就扎营tī密夺ê头前。
33:8 Tùi Pí-hap-hi-lio̍k对面出发，经过海中到旷野，koh tī Í-thóng ê旷野行三日ê路程，就扎营tī玛拉。
33:9 In tùi玛拉出发，来到以琳；以琳有十二条水泉，七十欉枣树，to̍h tī hia扎营。
33:10 Tùi以琳出发，扎营tī红海墘。
33:11 Tùi红海墘出发，扎营tī汛ê旷野。
33:12 Tùi汛ê旷野出发，扎营tī Thoat-ka。
33:13 Tùi Thoat-ka出发，扎营tī亚略。
33:14 Tùi亚略出发，扎营tī利非订；tī hia无水thang hō͘人民lim。
33:15 Tùi利非订出发，扎营tī西奈ê旷野。
33:16 Tùi西奈ê旷野出发，扎营tī基博罗哈他瓦。
33:17 Tùi基博罗哈他瓦出发，扎营tī哈洗录。
33:18 Τùi哈洗录出发，扎营tī Lī-thê-má。
33:19 Tùi Lī-thê-má出发，扎营tī Lîm-bûn-phàⁿ-lia̍t。
33:20 Tùi Lîm-bûn-phàⁿ-lia̍t出发，扎营tī立拿。
33:21 Tùi立拿出发，扎营tī Le̍k-sat。
33:22 Tùi Le̍k-sat出发，扎营tī Ki-hi-la̍h-tha。
33:23 Tùi Ki-hi-la̍h-tha出发，扎营tī Sa-húi山。
33:24 Tùi Sa-húi山出发，扎营tī Hap-la̍h-tāi。
33:25 Tùi Hap-la̍h-tāi出发，扎营tī Ma-kiat-hi-lio̍k。
33:26 Tùi Ma-kiat-hi-lio̍k出发，扎营tī他哈。
33:27 Tùi他哈出发，扎营tī他拉。
33:28 Tùi他拉出发，扎营tī密迦。
33:29 Tùi密迦出发，扎营tī Hap-mô͘-ná。
33:30 Tùi Hap-mô͘-ná出发，扎营tī Mô͘-se-lio̍k。
33:31 Tùi Mô͘-se-lio̍k出发，扎营tī Bi-ne-ah-kan。
33:32 Tùi Bi-ne-ah-kan出发，扎营tī Hat-hap-ki̍p-kah。
33:33 Tùi Hat-hap-ki̍p-kah出发，扎营tī Iok-pa-tha。
33:34 Tùi Iok-pa-tha出发，扎营tī A-phok-ná。
33:35 Tùi A-phok-ná出发，扎营tī 以旬迦别。
33:36 Tùi 以旬迦别出发，扎营tī寻ê旷野，to̍h是加低斯。
33:37 Tùi加低斯出发，扎营tī何珥山，以东地ê边界。
33:38 边界
以色列人出埃及地ê四十年，五月初一，祭司亚伦遵thàn上主ê命令，上何珥山，就死tī hia。
33:39 亚伦死tī何珥山ê时，一百二十三岁。
33:40 Tòa tī迦南地南方ê迦南人亚拉得王，伊听tio̍h以色列人来à。
33:41 以色列人tùi何珥山出发，扎营tī Sat-mô͘-ná。
33:42 Tùi Sat-mô͘-ná出发，扎营tī Phó͘-lùn。
33:43 Tùi Phó͘-lùn出发，扎营tī俄伯。
33:44 Tùi俄伯出发，扎营tī Í-iâ-a-pa-lîm，摩押ê边界。
33:45 Tùi Í-ìn出发，扎营tī Tí-pún-ka-tek。
33:46 Tùi Tí-pún-ka-tek出发，扎营tī A-bûn-te-pí-la̍h-thài-im。
33:47 Tùi A-bûn-te-pí-la̍h-thài-im出发，扎营tī尼波对面ê亚巴琳山。
33:48 Tùi亚巴琳山出发，扎营tī摩押ê平原，约旦河边，耶利哥城对面。
33:49 In扎营tī约旦河ê河边，tùi Pak-iâ-se-boat到A-pek-si̍p-têng，tī摩押平原。
33:50 过约旦河前ê指示
上主tī摩押平原，约旦河边，耶利哥城对面，吩咐摩西讲：
33:51 「你tio̍h吩咐以色列人，kā in讲：Lín过约旦河入去迦南地ê时，
33:52 tio̍h tùi lín面前赶出所有tòa tī hia ê人民，kā in毁灭一切phah成ê石像，koh kā in毁灭一切熔铸ê偶像，koh拆毁in所有ê山头坛。
33:53 Lín tio̍h占hit所在，mā tio̍h tòa tī hia，因为我kā hit所在赏赐hō͘ lín做产业。
33:54 Lín tio̍h照大家拈阄承接hitê地，人chē-ê tio̍h分产业khah chē hō͘ in，人少ê tio̍h分产业khah少hō͘ in；看人拈tio̍h啥物所在，hit所在就归伊；照lín祖先ê支族，lín tio̍h来kā它承接。
33:55 设使lín无赶出tòa tī hit所在ê人民，lín所容允伊tòa-teh ê人民，to̍h ē做lín目chiu 中ê刺，脇下ê草刺；in mā ētī lín所tòa ê地kā lín迫害。
33:56 而且我ē kā lín款待，亲像我bat想beh款待in ê款式。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。