民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
32:1 约旦河东岸ê支族
(申3：12-22)
流便ê kiáⁿ孙kah迦得ê kiáⁿ孙，in ê chengseⁿ非常chē；in看tio̍h雅谢ê地kah基列ê地，是thang饲chengseⁿ ê所在。
32:2 迦得ê kiáⁿ孙kah流便ê kiáⁿ孙，to̍h来见摩西kah祭司以利亚撒，以及会众ê首领，kā in讲：
32:3 「A-tāi-lio̍k、底本、雅谢、Lêng-la̍h、希实本、以利亚利、Sī-pan、尼波、Pí-ún，
32:4 to̍h是上主tī以色列会众ê面前所征服ê地，是thang饲chengseⁿ ê地，你ê奴仆mā有chengseⁿ。」
32:5 Koh讲：「阮若tī你ê面前得tio̍h恩典，求你用chitê地hō͘你ê奴仆做产业，m̄ thang chhōa阮过约旦河。」
32:6 摩西对迦得ê kiáⁿ孙kah流便ê kiáⁿ孙讲：「总无lín ê兄弟去争战，lín mā坐tī chia；
32:7 lín ná ē hō͘以色列人馁志，无ài入去上主所赏赐hō͘ in hitê地？
32:8 我以前tùi 加低斯巴尼亚差lín ê老父去探看hitê地，in mā是ánne去做。
32:9 因为in去以实各ê山谷去看hitê地ê时，有hō͘以色列人馁志，无ài入去上主所赏赐hō͘ in ê地。
32:10 Hit日上主发出受气，to̍h chiùchōa讲：
32:11 「见若tùi埃及起来二十岁以上ê人，绝对bē tàng看tio̍h我对亚伯拉罕、以撒、雅各，chiùchōa应允ê地，因为in无专心跟tòe我。
32:12 独独Ki-nî-sé族，耶孚尼ê kiáⁿ迦勒kah嫩ê kiáⁿ约书亚thang看tio̍h，因为in有专心tòe上主。
32:13 上主对以色列人受气，hō͘ in tī旷野漂流四十年，thèng候hit代tī上主ê面前行pháiⁿ ê人lóng消灭。
32:14 你看，lín起来续接lín ê老父，加添罪人ê数额，hō͘上主koh khah对以色列受气。
32:15 Lín若oa̍t倒tńg无tòe他，他ēkoh kā in放sak tī旷野，lín to̍h是灭亡chiahê众人。
32:16 In óa近摩西讲：「阮beh tī chia为阮ê chengseⁿ做稠，为阮ê gín-á起城。
32:17 总是，阮本身beh带军器，行tī以色列人ê头前，thèng候阮chhōa in到in ê所在；因为tòa chitê地ê人民ê缘故，独独阮ê gín-á会tòa tī坚固ê城内。
32:18 阮m̄ tńg去阮厝，阮beh thèng候以色列人ta̍k个lóng得tio̍h伊ê产业。
32:19 阮无beh kah in tī约旦河hit-pêng koh去ê地得tio̍h产业，因为阮ê产业是在tī约旦河东pêng chit pêng。」
32:20 摩西对in讲：「Lín若beh ánne行，tio̍h tī上主ê面前带军器出去交战，
32:21 lín所有带军器ê人，若tī上主ê面前过约旦河，thèng候他tùi他ê面前赶出他ê对敌。
32:22 Hitê地已经hō͘上主khah赢，然后lín thang tńg来；tī上主kah以色列ê面前，lín to̍h无罪，chitê地ē tī上主ê面前hō͘ lín做产业。
32:23 设使lín无ánne行，to̍h是得罪上主，lín tio̍h知lín ê罪ē kā lín jiok。
32:24 Taⁿ tio̍h kā lín ê gín-á起城，kā lín ê羊群做稠，照lín ê嘴所讲ê去行。」
32:25 迦得ê kiáⁿ孙kah流便ê kiáⁿ孙对摩西讲：「你ê奴仆beh照我ê主所吩咐ê去行。
32:26 阮ê gín-á，阮ê bó͘，阮ê羊群，阮ê chengseⁿ，lóng beh留tī基列chiahê城。
32:27 总是，你ê奴仆，见若带军器ê lóngē照我ê主所讲ê话，tī上主ê面前过去交战。」
32:28 摩西to̍h为tio̍h in吩咐祭司以利亚撒，kah嫩ê kiáⁿ约书亚，以及以色列众支族ê族长。
32:29 摩西对in讲：「迦得ê kiáⁿ孙kah流便ê kiáⁿ孙，in若kah lín过约旦河，ta̍k人gia̍h ke-si tī上主ê面前去交战，hitê地hō͘ lín khah赢，lín to̍htioh8用基列 地hō͘ in做产业。
32:30 设使in m̄带军器kah lín过去，in to̍hti7迦南地tùi lín中间得tio̍h产业。」
32:31 迦得ê kiáⁿ孙kah流便ê kiáⁿ孙应讲：「上主对阮所讲ê，你ê奴仆就ánne行。
32:32 阮会带军器，tī上主ê面前过去入迦南地，独独约旦河外，阮所得tio̍h做产业ê地，犹原归阮。」
32:33 摩西to̍h kā亚摩利王西宏ê国kah巴珊王噩ê国，hitê地kah它境内chiahê城，to̍h是四箍围chiahê城，lóng hō͘迦得ê kiáⁿ孙kah流便ê kiáⁿ孙，以及约瑟ê kiáⁿ玛拿西ê半支族。
32:34 迦得ê kiáⁿ孙所起底本、A-tha-lio̍k、亚罗珥、
32:35 A-tha-lio̍k-sok-hoán、雅谢、Iok-pí-hap、
32:36 Pek-lêng-la̍h kah Pek-hap-lân，lóng是坚固ê城；in koh有起羊椆。
32:37 流便ê kiáⁿ孙所起希实本、以利亚利、基列亭、
32:38 尼波、Ba-al-me-óng(已经换in ê名，) koh起西比玛；in用新ê名来号所起chiahê城。
32:39 玛拿西ê kiáⁿ玛吉，伊ê kiáⁿ孙去基列占hitê地，赶出hit所在ê亚摩利人。
32:40 摩西kā基列hō͘玛拿西ê kiáⁿ玛吉，伊to̍htoa3 tī hia。
32:41 玛拿西ê kiáⁿ 睚珥去占hiahê庄头，to̍h kā伊称做Hap-úi-te̍k-gāi-jíⁿ。
32:42 Lô-pa去占基纳kah基纳chiahê庄头，就照kakī ê名kā伊称做Lô-pa。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。