民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
27:1 西罗非哈ê Cha-bó͘ kiáⁿ
属约瑟ê kiáⁿ 玛拿西ê族，有玛拿西ê玄孙，玛吉ê干á孙，基列ê孙，希弗ê kiáⁿ，西罗非哈 ê chabó͘ kiáⁿ，名叫做玛拉、No-ah、曷拉、密迦、得撒。
27:2 In进前来，khiā tī会幕门口，tī摩西kah祭司亚伦、以利亚撒，以及众首领，kah会众ê面前，讲：
27:3 「阮老父死tī旷野，伊m̄是tī可拉ê党内，无kah in仝党做伙攻击上主；是tī kakī ê罪中死；伊mā无kiáⁿ。
27:4 Náē因为阮老父无kiáⁿ，to̍h kā伊ê名tùi伊ê族中除去？请tī阮老父ê兄弟中分产业hō͘阮。」
27:5 摩西to̍h kā in ê案件排列tī上主ê面前。
27:6 上主吩咐摩西讲：
27:7 「西罗非哈ê chabó͘ kiáⁿ所讲ê有情理，你一定tio̍h tī in老父ê兄弟中，分地hō͘ in做产业，tio̍h kā in老父ê产业归hō͘ in。
27:8 你mā tio̍h吩咐以色列人讲：「人若死无kiáⁿ，to̍h tio̍h kā伊ê产业归hō͘伊ê chabó͘ kiáⁿ。
27:9 伊若无chabó͘ kiáⁿ，to̍h tio̍h kā伊ê产业hō͘伊ê兄弟。
27:10 伊若无兄弟，to̍h tio̍h kā伊ê产业hō͘伊ê老父ê兄弟。
27:11 伊ê老父若无兄弟，to̍h tio̍h kā伊ê产业hō͘伊ê族中至亲ê，伊to̍h得tio̍h做产业。这beh做以色列人断定tio̍h ê例；是照上主所吩咐摩西ê。
27:12 约书亚Hông拣选做摩西ê继承人
(申31：1-8)
上主对摩西讲：「你上chitê亚巴琳ê山，看我赏赐以色列人ê地。
27:13 看了后你mā ē死亡，亲像你ê阿兄亚伦tńg去相siâng。
27:14 因为lín tī寻ê旷野，当会众计较ê时，违背我ê话，无tī chhèng出水ê所在，会众ê面前，遵我做圣。(Chitê水to̍h是tī寻ê旷野，加低斯ê米利巴ê水。)
27:15 摩西对上主讲：
27:16 「赏赐活命hō͘见若有肉体ê上帝—上主ah，愿祢设立一个人来治理会众，
27:17 thang tī in ê面前出去，mā tī in ê面前入来，thang chhōa in出去，mā chhōa in入来，免得上主ê会众亲像无牧者ê羊群。」
27:18 上主对摩西讲：「嫩ê kiáⁿ约书亚，伊ê心内有圣神，你chhōa伊来，tī伊ê顶面hōaⁿ手，
27:19 hō͘伊khiā tī祭司以利亚撒kah全会众ê面前，用职任命令伊。
27:20 Koh kā你ê荣光分hō͘伊，hō͘以色列ê全会众lóng遵thàn伊。
27:21 伊tio̍h khiā tī祭司以利亚撒ê面前，以利亚撒tio̍h照乌陵ê判断，tī上主ê面前，替伊求问；伊kah以色列全会众lóng tio̍h照伊ê命令来出，照伊ê命令来入。」
27:22 摩西就照上主所命令伊ê去做；伊chhōa约书亚来，hō͘伊khiā tī祭司以利亚撒kah全会众ê面前，
27:23 tī伊ê顶面hōaⁿ手，用命令交托伊；是照上主托摩西所讲ê话。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。