民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
21:1 战赢迦南人
Tòa tī南方ê迦南人，亚拉得王听tio̍h以色列人tùi A-tha-lîm hit-pêng来，to̍h kah以色列人交战，kā in几nā个人掠起来。
21:2 以色列人对上主发愿，讲：「祢若真正kā chiahê人民交tī我ê手，我to̍hē kā in ê城全部剿灭。」
21:3 上主听以色列人ê声，kā迦南人交带in；in to̍hka7迦南人kah in ê城全部消灭。Hit所在ê名to̍h叫做何珥玛。
21:4 用铜铸ê蛇
In tùi何珥山出发，tùi红海ê路去，beh se̍h过以东ê地。人民为tio̍h所行ê路，心不止馁志，
21:5 就嫌上帝kah摩西讲：「Lín ná ē chhōa阮出埃及，hō͘阮死tī chitê旷野？因为无饼，无水，阮ê心讨厌chitê无味无素ê食物。」
21:6 上主to̍h差火蛇入去人民ê中间咬人民，以色列人死真chē。
21:7 人民来到摩西hia，讲：「阮有犯罪，因为阮有嫌上主kah你。请你求上主hō͘ chiahê蛇离开阮。」摩西to̍h替人民求上主赦免。
21:8 上主对摩西讲：「你做一尾火蛇，挂tī旗杆ê顶面；见若hō͘伊咬tio̍h ê人一下看，to̍h ē活。」
21:9 摩西to̍h做一尾铜蛇，挂tī旗杆顶；见若hō͘蛇咬tio̍h ê人，一下看tio̍h chitê铜蛇，to̍h ē活起来。
21:10 Tùi何珥山到摩押ê山谷
以色列人出发，扎营tī O-po̍k。
21:11 Koh tùi O-po̍k出发，扎营tī Í-iâ-a-pa-lîm，to̍h是ǹg日出ê所在kah摩押相对ê旷野。
21:12 Tùi hia出发，扎营tī Sat-lia̍t ê山谷。
21:13 Tùi-hia出发，扎营tī亚嫩ê hit-pêng，to̍h是tī旷野，tùi亚摩利ê地界出来；因为亚嫩是摩押ê交界，tī摩押kah亚摩利ê中间。
21:14 所以，上主交战ê册有讲：So͘-hoat ê Oa-hap-pek kah亚嫩hiahê山谷，
21:15 以及chiahê山谷ê水泉，to̍h是ǹg亚珥tòa ê所在，óa近摩押ê境界。
21:16 In tùi hia到比珥；这to̍h是上主bat对摩西所讲起ê井，讲：「你聚集人民，我beh用水hō͘ in lim。」
21:17 Hit时，以色列人唱歌，讲：井ah，chhèng出来！Lín tio̍h对它唱歌。
21:18 Chit口井是首领开ê，人民尊贵ê人，用权柄，用in ê拐á掘ê。 In tùi旷野去Má-tha-ná，
21:19 tùi Má-tha-ná到Ná-ha̍p-lia̍t，tùi Ná-ha̍p-lia̍t到Pa-boa̍t；
21:20 tùi Pa-boat到摩押地ê山谷，到hitê看落去，会看tio̍h旷野ê毗斯迦ê山顶。
21:21 战赢亚摩利王kah巴珊王
以色列人差使者去见亚摩利人ê王西宏，讲：
21:22 「求你容允我tùi你ê地经过，阮无偏tī田园kah葡萄园；阮mā无beh lim井里ê水，独独行大路，直直经过你ê地界。」
21:23 西宏m̄准以色列人经过伊ê境界，伊to̍h聚集伊ê群众出来到旷野，beh抵敌以色列人，来到雅杂kah以色列人交战。
21:24 以色列人用刀kā伊thâi，占伊ê地，tùi亚嫩到雅博，直直到亚扪人hia，因为亚扪人ê地界真坚固。
21:25 以色列人kā它征服所有ê城，以色列人mā tòa亚摩利ê城，tī希实本kah她所有ê城。
21:26 Chitê希实本是亚摩利王西宏ê城，伊bat kah摩押前ê王交战，tùi伊ê手抢全地，一直到亚嫩。
21:27 所以，做诗ê人念，讲：Lín tio̍h来希实本，愿西宏ê城得tio̍h起造，koh坚固。
21:28 因为有火tùi希实本出，有火焰tùi西宏ê城发，烧毁摩押ê亚珥kah亚嫩高地ê主。
21:29 摩押，你有灾祸！基抹ê人民，lín灭亡ā！Hō͘伊ê chapo͘丁做逃走ê，chabó͘ kiáⁿ做受掠ê，交hō͘亚摩利王西宏。
21:30 阮kā in射，希实本到底本全部毁灭，阮hō͘地抛荒，一直到Lô-hoat，to̍h是到米底巴。
21:31 Án-ne，以色列人to̍htoa3 tī亚摩利人ê地。
21:32 摩西差人去探看雅谢，就取in hiahê庄头，kā tòa hia ê亚摩利人赶出去。
21:33 以色列oat tùi巴珊ê路去，巴珊王噩kah伊ê群众lóng出来kā in抵敌，tī 以得来kah in交战。
21:34 上主对摩西讲：「M̄免惊in，因为我已经kā伊kah伊ê群众，以及伊ê地lóng交tī你ê手；你tio̍h kā伊款待，kah你bat款待tòa tī希实本ê亚摩利王西宏相siâng。」
21:35 Into̍h kā伊kah伊hiahê kiáⁿ，以及伊ê人民phah，无kā伊留kah一个，to̍h得tio̍h伊ê地。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。