民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
16:1 可拉、大坍kah亚比兰ê造反
利未ê干á孙，哥辖ê孙，以斯哈ê kiáⁿ可拉，kah流便ê kiáⁿ孙中以利押 ê kiáⁿ大坍、亚比兰，kah Pe-liat ê kiáⁿ An，做伙结一党，
16:2 kah以色列中ê人，to̍h是会中ê首领两百五十人，是有名望受拣召赴会ê人，做伙起来tī摩西ê面前。
16:3 In聚集攻击摩西kah亚伦讲：「Lín僭权，全会众ta̍k人lóng是圣，上主mā tī in中间，lín ná ē骄傲pôaⁿ过上主ê会众？」
16:4 摩西听tio̍h chitê话to̍h仆tī地里，
16:5 对可拉kah伊ê全党ê人讲：「到明á早起，上主ē指示啥人是属他ê，啥人是圣，to̍h ēhō͘ hitê人亲近他；他所拣选ê人beh hō͘ in亲近他。
16:6 Lín tio̍h ánne行，可拉kah伊ê党tio̍h the̍h香炉。
16:7 明á载tī上主ê面前，用火贮tī hit内面，hē香tī hit顶面；上主所拣选ê人，伊beh做圣；lín利未ê kiáⁿ孙僭权！」
16:8 摩西koh对可拉讲：「利未ê kiáⁿ孙，lín tio̍h听，
16:9 以色列ê上帝对以色列ê会中kā lín分别出来，hō͘ lín亲近他，办上主ē幕ê tāichì，mā khiā tī会众ê面前来做in ê差用。
16:10 他koh hō͘你，kah你所有ê兄弟—利未ê kiáⁿ孙，做伙亲近他，lín kám掠这做小khóa？Lín kám iáu koh要求祭司ê职？
16:11 所以，你kah你ê党聚集，是teh攻击上主。亚伦是啥物，lín竟然对伊哀怨？」
16:12 摩西差人去叫以利押ê kiáⁿ大坍kah亚比兰，in讲：「阮m̄去！
16:13 你chhōa阮tùi tiāⁿ-tiāⁿ 流奶kah蜜ê地起来，beh tī旷野kā阮thâi死，这kám是小khóa？你iáu koh beh kakī 设立做君王来kā阮管辖？
16:14 而且你无影chhōa阮到流奶kah蜜ê地，mā无用田园kah葡萄园hō͘阮做产业。总无你beh搤chiahê人ê目chiu ？阮无beh去！」
16:15 摩西非常受气，对上主讲：「求祢m̄ thang鉴纳in所献ê；我并无牵in一只驴á，mā无害in一个人。」
16:16 摩西对可拉讲：「你kah你ê党hiahê人，kah亚伦，明á载lóng tio̍h来khiā tī上主ê面前。
16:17 Lín ta̍k人带kakī ê香炉，共两百五十个，hē香tī hit顶面，ta̍k人带伊kakī ê香炉来到上主ê面前。你kah亚伦mā各带kakī ê香炉。
16:18 就ánne，in ta̍k人the̍h伊kakī ê香炉，贮火tī hit内面，hē香tī hit顶面，kah摩西kah亚伦khiā tī会幕门口。
16:19 可拉招集会众到会幕门口，kā in攻击；上主ê荣光显现tī会众。
16:20 上主吩咐摩西kah亚伦讲：
16:21 「Lín tio̍h离开chitê ē中，我thang tī一目nih久ê中间kā in剿灭。」
16:22 Into̍h仆tī地里，讲：「上帝ah，赏赐活命hō͘见若有肉体ê上帝ah，一个人犯罪，祢kam2to̍h beh受气全会众？」
16:23 上主吩咐摩西讲：
16:24 「你tio̍h吩咐会众，对in讲：『Lín tio̍h离开可拉、大坍kah亚比兰ê布棚ê四箍围。』」
16:25 摩西起来去大坍kah亚比兰hia，以色列ê长老mā tòe伊去。
16:26 伊吩咐会众讲：「Lín tio̍h离开chiahê pháiⁿ人ê布棚，in ê物件lóng m̄ thang摸，恐惊lín mā受灭tī in ê罪中。」
16:27 Into̍h离开可拉、大坍kah亚比兰ê布棚ê四箍围。大坍、亚比兰kah in ê bó͘，in ê kiáⁿ，in ê细汉gín-á，lóng出来khiā tī in kakī ê布棚门口。
16:28 摩西讲：「上主差我行这一切ê tāichì，lín 就ánne thang知，因为我m̄是硬硬beh ánne做。
16:29 设使chiahê人死去亲像平常人ê死，in所tú tio̍h亲像平常人所tú ・tio̍h ê，上主to̍h无差我。
16:30 设使上主做一项新ê tāichì，hō͘地开嘴，kā in kah所有属in ê物件lóng吞落去，hō͘ in活活堕落阴间，lín to̍h知chiahê人是teh藐视上主。
16:31 摩西tú-á讲soah chiahê话，in下面ê地to̍h裂开。
16:32 地to̍h开嘴，kā in kah in ê家眷，以及一切属可拉ê人丁、财物，lóng吞落去。
16:33 Hiahê人kah所有属in ê，lóng活活落阴间；地to̍h koh合óa tī in ê顶面，in to̍htui3会中灭亡。
16:34 Tī in四箍围ê以色列人，听tio̍h in大声hoah，to̍h lóng逃走，讲：「恐惊地mā kā咱吞落去。」
16:35 Koh有火tùi上主hia发出，吞灭hiahê献香ê两百五十人。
16:36 香炉
上主吩咐摩西讲：
16:37 「你tio̍h吩咐祭司亚伦ê kiáⁿ以利亚撒，tùi火中拾hiahê香炉起来，kā hia ê火phah散，因为hiahê香炉已经是圣。
16:38 用hiahê犯罪害kakī ê性命ê人ê香炉，锤做kui片，来an祭坛。因为in献tī上主ê面前，所以，是圣ê，thang hō͘以色列人做鉴戒。
16:39 祭司以利亚撒就the̍h hiahê人所献ê铜炉，捶做kui片，来an祭坛，
16:40 hō͘以色列人做鉴戒，hō͘外面ê人m̄是属亚伦ê kiáⁿ孙ê，bē tàng óa近上主来烧香，免得in亲像可拉kah伊ê党。这是照上主托摩西所命令ê。
16:41 亚南救民众
隔tńg工，以色列全会众lóng哀怨摩西kah亚伦，讲：「Lín害死上主ê子民。」
16:42 会众聚集攻击摩西kah亚伦ê时，ǹg会幕看，你看，有云盖teh，上主ê荣光显现。
16:43 摩西kah亚伦to̍h来到会幕前。
16:44 上主吩咐摩西讲：
16:45 「Lín tio̍h离开chitê ē中，hō͘我thang tī一目nih久ê中间kā in灭亡。In两人to̍h仆tī地里。
16:46 摩西对亚伦讲：「The̍h hitê香炉，用坛顶ê火贮tī hit中间，hē香tī hit顶面，赶紧带到会众hia，kā in赎罪；因为有大受气tùi上主发出，瘟疫已经teh发作。」
16:47 亚伦照摩西所讲ê the̍h来，走到会中；你看，瘟疫已经发tī人民中。伊to̍hhe7香，kā人民赎罪。
16:48 伊khiā tī活人kah死人ê中间，瘟疫to̍h soah。
16:49 除去因为可拉ê tāichì死去ê以外，tú tio̍h瘟疫来死ê，总共有一万四千七百人。
16:50 亚伦tńg来到摩西hia，来到会幕门口，瘟疫chiah soah。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。