利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
26:1 遵守诫命会蒙福
(申7：12-24；28：1-4)
上主讲：「Lín m̄ thang为kakī 做啥物神佛，mā m̄ thang chhāi雕刻ê偶像á是柱像，mā m̄ thang tī lín ê地界安置啥物刻像ê石，kā伊跪拜，因为我是上主—lín ê上帝。
26:2 Lín tio̍h守我chiahê安息，敬拜我ê圣所。我是上主。
26:3 「Lín若遵thàn我ê律例，守我ê诫命来遵行，
26:4 我to̍hē kā lín落及时ê雨，地ē出它ê农产物，田野ê树木会结果子。
26:5 Lín phah五谷会phah到挽葡萄ê时，挽葡萄会挽到掖种ê时，lín koh ē食lín ê米粮食到饱，tī lín ê土地安然tòa落去。
26:6 「我beh赏赐平安tī lín ê地，lín倒teh困，无人kā lín phah惊。我beh tī lín ê地除去恶兽，刀剑mā bē经过lín ê地。
26:7 Línē kā对敌赶走，in beh tī lín ê面前倒tī刀下。
26:8 Lín五个人ē赶走一百个人，lín一百个人ē赶走一万个人，对敌ē tī lín ê面前倒tī刀下。
26:9 我beh看顾lín，hō͘ lín seⁿ-thòaⁿ真chē，mā beh kah lín建立我ê约。
26:10 Lín会食khǹg真久ê旧五谷，koh为tio̍h新ê，kā旧ê搬出来。
26:11 我beh tī lín中间立我ê会幕，我ê心mā无讨厌lín。
26:12 我beh行tī lín中间，我beh做lín ê上帝，lín beh做我ê子民。
26:13 我是上主—lín ê上帝，bat chhōa lín出埃及地，免得lín做in ê奴仆；我bat斩断lín ê枷担ê索，hō͘ lín挺身来行。」
26:14 违反诫命受处罚
(申28：15-68)
上主讲：「Lín若m̄遵thàn我，m̄守我所有ê诫命，
26:15 lín若弃sak我ê律例，心内讨厌我ê法度，致使无行我一切ê诫命，违背我ê约，
26:16 我to̍h beh ánne kā lín款待，我定tio̍h beh hō͘ lín惊惶、消瘦、热病，目chiu phah-pháiⁿ，心忧伤。Lín会空空掖种，因为lín ê对敌ē kā种籽食掉。
26:17 我ē对lín变面，línē败阵tī对敌ê面前，怨恨lín-êē kā lín管辖，无人teh kā lín jiok，lín mā tio̍h逃走。
26:18 「Lín因为chiahê tāichì若iáu koh m̄遵thàn我，我to̍h beh为tio̍h lín ê罪加添七倍kā lín责罚。
26:19 我beh断绝lín有势力ê骄傲，koh beh hō͘ lìn ê天亲像铁，lín ê地亲像铜。
26:20 Lín出力劳苦会空空，因为lín ê地无出它ê农产物，地ê树木mā无结它ê果子。
26:21 「Lín做tāichì若kah我反对，m̄肯遵thàn我，我to̍h beh照lín所做ê加添七倍降灾祸hō͘ lín。
26:22 我beh差野兽到lín ê中间，咬食lín ê kiáⁿ儿，吞灭lín ê chengseⁿ，hō͘ lín ê人额减少，lín ê路抛荒。
26:23 「Lín因为chiahê iáu koh无受责督来归向我，做tāichì反对我，
26:24 我mā beh做tāichì来反对lín，我本身beh因为lín ê罪，kā lín phah七倍重。
26:25 我koh beh hō͘刀剑临到lín，报应lín背约ê罪；lín ē受围困tī城内，我beh降瘟疫tī lín中间，mā beh kā lín交tī对敌ê手。
26:26 我beh断绝lín所óa靠ê米粮，hit时beh有十个chabó͘人tī一个炉kā lín煏饼，秤lín ê额ê食物hō͘ lín，lín想beh食mā食bē饱。
26:27 「Lín因为这一切ê tāichì若iáu koh m̄遵thàn我，mā做tāichì反对我，
26:28 我to̍h ē发出大受气，做tāichì来反对lín，我本身因为lín ê罪，kā lín责罚七倍重。
26:29 Koh lín会食lín ê kiáⁿ ê肉，lín ê chabó͘ kiáⁿ ê肉lín mā beh食。
26:30 我mā beh毁坏lín ê山头坛，锉lín ê日头像，kā lín ê身尸hiat tī lín ê偶像ê身上，我ê心mā ē讨厌lín。
26:31 我beh hō͘ lín ê城抛荒，hō͘ lín chiahê圣所荒废，我mā无beh koh鼻lín ê芳料ê芳味。
26:32 我beh hō͘地荒废，lín ê对敌khiā tī hia êē因为ánne，tio̍h惊kah gāng去。
26:33 我beh kā lín tī列邦中phah四散，我mā beh拔刀jiok lín。Lín ê地会荒废，lín ê城会抛荒。
26:34 「Lín tòa tī对敌ê地ê时，lín ê地抛荒beh享受伊ê安息；tī hit时，地beh歇困，享受它ê安息。
26:35 地抛荒gōa久，to̍h ē得tio̍h hiah久ê安息，因为lín tòa tī hia ê日，lín chiahê安息ê期间它无得tio̍h安息。
26:36 「若是lín所chhun落来ê人，我beh hō͘ in tī对敌ê地，心惊kah晕去。树叶hō͘风吹振动ê声jiok in，in beh逃闪，ná亲像teh逃闪刀剑，无人jiok伊，伊mā ē跋倒。
26:37 无人jiok ê时，mā亲像tī刀剑ê头前，in ē大家相kheh来跋倒。Lín tī对敌ê面前mā khiā bē tiâu。
26:38 Línē tī列邦中灭亡，对敌ê地ē kā lín吞食。
26:39 Lín所chhun落来ê人ētī对敌ê地，因为kakī ê罪来消灭，mā ē因为祖先ê罪kah in仝款消灭。
26:40 「In会承认kakī ê罪kah in祖先ê罪，to̍h是in所悖逆我ê罪，koh承认kakī 做tāichì来反对我，
26:41 所以，我做tāichì来反对in，chhōa in到对敌ê地。Hit时，in无受割礼ê心，若有谦卑，to̍h ē甘愿受罪ê刑罚。
26:42 我beh记念我kah雅各所立ê约，我beh记念我kah以撒所立ê约；我kah亚伯拉罕所立ê约，我mā beh记念chitê地。
26:43 In tio̍h离开hitê地，tī它抛荒kah in无tī ・leh ê时，hō͘地得tio̍h享受它ê安息。而且in甘愿受罪ê刑罚，因为in弃sak我ê法度，心内讨厌我ê律例。
26:44 虽然ánne，in tī对敌ê地ê时，我iáu koh无kā in弃sak，mā无讨厌in，来kā in全部消灭，致使违背我kah in所立ê约，因为我是上主—in ê上帝。
26:45 我mā beh为tio̍h in ê缘故，记念我kah in ê祖先所立ê约，to̍h是我tī异邦人ê面前chhōa in出埃及地ê，beh做in ê上帝ê。我是上主。」
26:46 Chiahê律例、法度、教示，to̍h是上主tī西奈山托摩西，tī他本身kah以色列人ê中间所立ê。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。