希伯来书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
7:1 麦基洗德祭司
Chitê麦基洗德是Sâ-liám王，mā是至koân上帝ê祭司。亚伯拉罕thâi赢列王tńg来ê时，麦基洗德有去kā伊迎接koh kā伊祝福。
7:2 亚伯拉罕有kā一切所得tio̍h ê十分之一hō͘伊。(麦基洗德chitê名ê意思是「正义ê王」，伊koh是Sâ-liám王，chitê名mā有「平安王」ê意思。)
7:3 无麦基洗德ê族谱thang知伊ê父母是啥物人，mā无伊出世kah死亡ê记载。伊kah上帝ê Kiáⁿ仝款，久长teh做祭司。
7:4 Lín看，chitê人有gōa-ni̍h伟大！连咱ê先祖亚伯拉罕都tio̍h kā所得tio̍h上等ê物抽十分之一献hō͘伊。
7:5 Hiahê担当祭司职ê利未ê kiáⁿ孙，虽然kah以色列人民lóng是亚伯拉罕ê kiáⁿ孙，平平是兄弟，iáu koh tio̍h奉命令，照律法tùi人民徵收in收入ê十分之一。
7:6 总是，麦基洗德m̄是属利未ê世系，伊有tùi亚伯拉罕the̍h十分之一，koh kā得tio̍h上帝应允ê亚伯拉罕祝福。
7:7 序细受序大ê祝福是理所当然。
7:8 Hiahê徵收十分之一ê lóng是ē死ê人；m̄ koh，仝款有收十分之一ê麦基洗德，经典证实伊iáu活leh。
7:9 Án-ne，咱mā thang讲：连kā人民徵收十分之一ê利未，mā bat通过亚伯拉罕来纳十分之一。
7:10 因为麦基洗德迎接亚伯拉罕ê时，利未iáu未出世。
7:11 以色列人ê律法，是根据利未族ê祭司制度颁布。若tùi chitê制度ē tàng hō͘人得tio̍h完全，to̍h m̄免另外koh设立一个麦基洗德系统ê祭司，m̄是照亚伦系统来设立ê。
7:12 祭司制度既然有改变，律法mā tio̍h改变。
7:13 因为chiahê tāichì所指hit位，是属tī别个支族，in m̄ bat有人tī祭坛前服事。
7:14 咱ê主明明是偤大支族ê kiáⁿ孙；关系chitê支族，摩西m̄ bat提起in有祭司ê职份。
7:15 另外一位亲像麦基洗德ê祭司
Taⁿ我teh讲ê tāichì koh khah明显，因为另外一位亲像麦基洗德ê祭司已经出现。
7:16 Chit位祭司m̄是根据人ê规则á是条例来设立，是照bē毁坏ê活命ê权能。
7:17 因为经典有ánne做证讲：照麦基洗德ê排班顺序，祢永远做祭司。(注：诗110：4)
7:18 旧ê条例因为无力koh无路用，soah受废除。
7:19 摩西ê律法无法度成全半项tāichì。另外一方面，koh khah好ê ǹg望已经准备好势，hō͘咱thang通过他来亲近上帝。
7:20 Chit项tāichì mā有通过上帝ê chiùchōa来设立；利未系统祭司ê设立并无通过chiùchōa。
7:21 只有chitê耶稣受设立做祭司有经过chiùchōa。Kā他设立ê上帝有对他讲：主既然chiùchōa，to̍h bē改变心意；祢永远做祭司。(注：诗110：4)
7:22 to̍h是因为chitê差别，耶稣成做koh khah好ê约ê保证人。
7:23 另外koh有一个差别：利未系统做祭司ê人真chē，因为死亡ê阻挡，soah bē tàng久长做祭司。
7:24 只有耶稣m̄免kā祭司ê职交hō͘别人，因为他永远活leh。
7:25 所以，通过耶稣来到上帝ê面前ê人，他不时都ē tàng kā in拯救，因为他永远活leh，来替in对上帝祈求。
7:26 Chit款ê大祭司tú合咱ê需要；他是圣洁，无做pháiⁿ，无lahsap，tùi罪人中间分别出来，被高升到比天khah koân。
7:27 他m̄免亲像其他ê大祭司，tio̍h ta̍k日tāi先为tio̍h kakī ê罪献祭，后来，chiah koh为tio̍h人民ê罪献祭。他献本身做祭，一pái to̍h完成。
7:28 摩西ê律法设立无完全ê人做大祭司；m̄ koh有律法了后，上帝用chiùchōa来设立他ê Kiáⁿ，hō͘他永远做完全ê大祭司。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。