加拉太书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
3:1 靠律法á是信仰
Lín chiahê戆加拉太人！耶稣基督钉十字架，已经对lín显明tī lín ê目chiu 前，kám m̄是？Taⁿ lín是去hō͘啥人迷去？
3:2 我kantaⁿ问lín一项tāichì：Lín前领受圣神是靠守律法，á是靠信所听tio̍h ê福音？
3:3 Lín ná ē hiah戆？Lín既然tùi靠圣神开始，chitmá beh靠肉体来完成，是无？
3:4 Lín受hiah chē艰苦kám lóng无chhái工？一定是有路用chiah tio̍h。
3:5 亚伯拉罕是义人ê例
上帝赐lín圣神，koh tī lín中间行神迹，是因为lín守律法，á是因为lín信所听tio̍h ê福音？
3:6 经典ánne讲：亚伯拉罕信上帝，上帝to̍h kā伊看做是义人。（注：创15：16)
3:7 所以，lín tio̍h知，有信ê人chiah是亚伯拉罕ê kiáⁿ孙。
3:8 经典早to̍h看出，上帝beh hō͘外邦人tùi信来kah上帝有和好ê关系，所以，kā chitê好消息先传hō͘亚伯拉罕，讲：「万邦ē因为你来受上帝ê祝福！」(注：创12：3)
3:9 Án-ne，所有信ê人，mā ē kah有信ê亚伯拉罕做伙受祝福！
3:10 Hiahê óa靠遵守律法ê人，lóng活tī咒诅下面，因为有记载：无遵守记tī律法书所规定来行ê人，lóng tio̍h受上帝咒诅。(注：申27：26)
3:11 Án-ne，无人ē tàng óa靠律法来kah上帝建立和好ê关系，因为经典有讲：Tùi信来kah上帝有和好关系ê人ē得tio̍h活命。(注：哈2：4)
3:12 M̄ koh，律法m̄是用信做根据。经典有ánne讲：遵守律法ê人ē靠hiahê律法来活。(注：利18：5)
3:13 基督已经受咒诅来救赎咱脱离律法ê咒诅，因为有记载：所有吊tī柴头顶ê人，lóng tio̍h受上帝ê咒诅。(注：申21：23)
3:14 基督ánne做是beh kā亚伯拉罕ê福气通过基督耶稣来赐hō͘外邦人，mā beh hō͘咱tùi信来领受上帝所应允ê圣神。
3:15 律法kah应允
兄弟姊妹，我用咱日常生活ê一个例来说明：契约一旦成立，to̍h bē用得kā它废除á是加添。
3:16 上帝有kah亚伯拉罕以及伊ê kiáⁿ孙立约。经典并无指真chē人讲：「kiáⁿ-kiáⁿ孙孙」。是讲：「你ê kiáⁿ孙。」这是teh指一个人，to̍h是基督。
3:17 我ê意思是讲：上帝有kah亚伯拉罕立约，koh答应beh守约。四百三十年后chiah出现ê律法bē tàng废除hitê约，来hō͘上帝ê应允归tī空空。
3:18 因为承接上帝所赐ê产业若是根据律法，to̍h无koh靠应允；总是，上帝赐产业hō͘亚伯拉罕是照应允。
3:19 Án-ne，律法有啥物路用？律法是为tio̍h beh hō͘人知啥物是过失，由天使通过一个中间人所设立ê，一直到hit位得tio̍h应允ê Kiáⁿ孙来临ê时就结束。
3:20 M̄ koh，属单方ê tāichì无需要中间人，上帝是单方teh做chit项tāichì。
3:21 律法ê缘起kah目的
Án-ne讲起来，律法kah上帝ê应允kám有冲突？绝对无！因为若是律法ē hō͘人得tio̍h活命，人to̍h ē tàng靠律法来kah上帝建立和好ê关系。
3:22 总是，经典讲万民lóng围tī罪恶内，上帝只有通过信耶稣基督，来做领受应允ê根据。Chiahê应允是beh赏赐hō͘ hiahê信ê人。
3:23 总是，tī chitê「信」ê时代来临以前，咱受律法监视tiâu ・leh，一直到「信」ê时代，「信」chiah显明出来为止。
3:24 Án-ne，tī基督来临以前，律法做咱ê监护人，chhōa咱来归基督，hō͘咱tùi「信」来kah上帝和好。
3:25 Tī基督内面成做一体
Chit-má「信」ê时代已经来临，律法to̍h无koh做咱ê监护人。
3:26 Lín大家tùi信来kah基督耶稣结联，lóng成做上帝ê kiáⁿ儿。
3:27 Lín所有领受洗礼来kah基督结联ê人，lóng入tī基督，有他ê活命。
3:28 Án-ne，无分偤太人á是外邦人，奴隶á是自由ê人，chapo͘人á是chabó͘人，tī基督耶稣内面lóng成做一体。
3:29 Lín既然属基督，to̍h是亚伯拉罕ê kiáⁿ孙，to̍h ē tàng承受上帝对亚伯拉罕ê应允。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。