使徒行传 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
23:1 保罗注目看议会ê人，讲：「各位兄弟，我平时tī上帝ê面前完全照清白ê良心teh行踏，一直到今á日。」
23:2 大祭司亚拿尼亚命令身边teh khiā ê人siàn伊ê嘴phóe。
23:3 保罗to̍h对伊讲：「你chitê漆kah白siaksiak ê墙，上帝ē kā你phah。你开庭tio̍h照律法来kā我审判，你竟然违背律法，命令人kā我phah！」
23:4 Khiā tī保罗身边ê人讲：「你敢骂上帝ê大祭司？」
23:5 保罗讲：「各位兄弟，我m̄ bat伊是大祭司，因为经典有记载：M̄-thang骂治理人民ê长官。」(注：出22：28)
23:6 M̄ koh，保罗知影in一pêng是撒都该派ê人，一pêng是法利赛派ê人，to̍h tī议会中大声hoah：「各位兄弟，我是法利赛派ê人，mā是法利赛派ê人ê kiáⁿ。我tī chia受审判，to̍h是因为我ǹg望死人ēkoh活！」
23:7 保罗ánne讲soah，法利赛派ê人kah撒都该派ê人to̍h起争论，议会mā分裂。
23:8 因为撒都该派ê人讲人死了无koh活，mā无天使，mā无灵魂；法利赛派ê人主张chit三项lóng有。
23:9 喧嚷ê声ná来ná大，有几nā个法利赛派hit-pêng ê经学教师起来争辩讲：「阮看chitê人lóng无做pháiⁿ，kám讲真正有圣神á是天使对伊讲话？」
23:10 争论ná来ná剧烈，营长惊保罗去hō͘ in拆碎，to̍h命令兵á落去，tùi in中间kā保罗抢出来，kā伊chhōa入去营房。
23:11 Hit暝，主khiā tī保罗ê身边，讲：「Tio̍h勇敢！你bat tī耶路撒冷为我做见证，mā一定tio̍h tī罗马为我做见证。」
23:12 害死保罗ê计谋
隔tńg早起，偤太人结党chiùchōa讲：「若无thâi死保罗，m̄食m̄-lim。」
23:13 做伙ánne计谋ê人有四十个以上。
23:14 In去见祭司长kah长老，讲：「阮已经chiù重chōa，若无thâi死保罗，半项物都m̄食。
23:15 Taⁿ lín kah议ē tio̍h kā营长要求，请伊chhōa保罗来lín ê面前，假做lín beh koh详细查问伊ê案情。阮已经准备好à，tī伊来到chia ê时，to̍h beh kā伊thâi死。」
23:16 保罗ê外甥听tio̍h chitê阴谋，to̍h入去营内kā保罗讲。
23:17 保罗叫一个连长来，讲：「请chhōa chitê少年人去见营长，因为伊有tāichì beh报伊知。」
23:18 连长to̍h chhōa少年人去见营长，讲：「Hitê受关ê保罗叫我去，求我chhōa chitê少年人来见你。伊有tāichì beh kā你报告。」
23:19 营长牵伊ê手去边á，问讲：「Beh报告我知啥物tāichì？」
23:20 伊讲：「偤太人已经讲好势，假做beh koh详细查问保罗ê案情，会求你明á载chhōa保罗去议会。
23:21 求你m̄ thang听in ê话，因为in有四十gōa人埋伏teh等伊。In bat chiùchōa讲：若无thâi死保罗，m̄-lim m̄食。Taⁿ in lóng准备好势，teh thèng候你ê允准。」
23:22 营长叫少年人tńg去，koh吩咐伊讲：「M̄-thang对人讲，你有kā chiahê tāichì通知我。」
23:23 护送保罗去hō͘腓力斯总督
营长吩咐两 个连长，讲：「Eng暗九点以前，tio̍h准备步兵两百，马兵七十，gia̍h枪ê兵两百，出发去该撒利亚。
23:24 Koh准备马hō͘保罗骑，护送伊安全去到总督腓力斯hia。」
23:25 营长to̍h写一张phoe，phoe内ánne讲：
23:26 「Ku-láu-tio Lū-si-a kā总督腓力斯大人请安。
23:27 Chitê人hō͘偤太人掠去，beh kā伊thâi死ê时，我一下知影伊是罗马公民，to̍h chhōa兵去kā伊救。
23:28 我想beh明白in告伊ê理由，to̍h送伊去in ê议会。
23:29 我查出伊hō͘人告是为tio̍h in ê律法辩论，并无犯tio̍h该死á是tio̍h kā伊关监ê罪。
23:30 后来，有人来kā我报告，讲偤太人teh计谋陷害chitê人，我随时kā伊送去你hia，koh命令hiahê告伊ê人mā tio̍h tī你ê面前kā伊控告。」
23:31 步兵执行命令，透暝kā保罗押去交hō͘ An-tî-phà-tí。
23:32 隔tńg工，步兵tńg去营房，hō͘马兵继续护送保罗。
23:33 In来到该撒利亚，to̍h kā hit张phoe交hō͘总督，mā kā保罗交hō͘伊。
23:34 总督读hit张phoe了后，问保罗是tó一省ê人，知影伊是基利家省ê人，
23:35 to̍h讲：「等告你ê人到位，我ē详细处理你ê案件。」总督to̍h吩咐kā保罗拘留tī希律ê衙门。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。