使徒行传 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
9:1 扫罗Tú tio̍h Koh活ê耶稣
(徒22：6-16；26：12-18)
扫罗iáu koh继续恐吓behthâi主ê门徒。伊去见大祭司，
9:2 要求伊写phoe hō͘大马士革hia-ê会堂，准伊若tú tio̍h信chitê道理ê人，无论男女，lóng thang kā in缚起来，押去耶路撒冷。
9:3 扫罗行beh到大马士革ê时，忽然tùi天有光照射tī伊ê四箍围。
9:4 伊to̍h跋倒tī土脚，听tio̍h有声对伊讲：「扫罗，扫罗，你ná ē beh迫害我？」
9:5 伊问讲：「主ah，祢是啥人？」Hitê声讲：「我to̍h是你所迫害ê耶稣。
9:6 总是，你tio̍h起来，入去城内，有人ē kā你指示你tio̍h án怎做。」
9:7 伊ê同伴to̍h挡tiām，gāng-gāng khiā-teh bē讲话；in有听tio̍h声，mā无看tio̍h影。
9:8 扫罗tùi土脚peh起来，目chiu thí开，啥物都看无。In就牵伊ê手，chhōa伊入去大马士革。
9:9 扫罗tī hia三日，目chiu 失明，无食mā无lim。
9:10 Tī大马士革有一个门徒名叫做亚拿尼亚，上帝tī异象中kā伊讲：「亚拿尼亚。」伊应讲：「主ah，我tī chia。」
9:11 主对伊讲：「起来，去hit条叫做『直』ê街路，tī偤大ê厝chhōe一个名叫做扫罗ê大数人，你ē看tio̍h伊tī hia teh祈祷。
9:12 扫罗tī异象中有看tio̍h一个名叫做亚拿尼亚ê人，入来kā伊hōaⁿ手，hō͘伊ē tàng koh看见。」
9:13 亚拿尼亚应讲：「主ah，我有听tio̍h真chē人讲起，chitê人tī耶路撒冷对祢ê信徒做真chē恶毒ê tāichì。
9:14 伊koh有祭司长ê授权，thang tī chia掠所有求叫祢ê名ê人。」
9:15 独独主kā伊讲：「你去，伊是我拣选ê器具，beh对外邦人、国王kah以色列人宣扬我ê名。
9:16 我mā beh hō͘伊知，为tio̍h我ê名，伊一定tio̍h受真chē艰苦。」
9:17 亚拿尼亚to̍h去，入去hit间厝，kā扫罗hōaⁿ手，讲：「扫罗兄弟，主，to̍h是你来ê时，tī路中出现hō͘你看ê耶稣，差我来hō͘你ēkoh看见，koh得tio̍h圣神充满。」
9:18 话讲soah，随时tùi伊ê目chiu 有亲像鱼鳞ê物lak落来，伊to̍hkoh有看见，起来领受洗礼。
9:19 扫罗tī大马士革传道
扫罗食饱了后to̍h勇健起来。伊kah大马士革ê门徒做伙tòa几nā日。
9:20 伊随时tī chiahê ē堂宣扬耶稣，讲：「他是上帝ê Kiáⁿ。」
9:21 听tio̍h ê人lóng tio̍h惊kah gāng去，讲：「Chitê人kám m̄是hitê tī耶路撒冷迫害所有求叫chitê名ê人？伊koh来chia beh掠信徒，拖in去交hō͘祭司长。」
9:22 M̄ koh扫罗ná讲ná有力，伊证明耶稣是基督，hō͘ tòa tī大马士革ê偤太人lóng无辩驳ê余地。
9:23 扫罗脱离偤太人ê手
过真chē日了后，偤太人做伙计谋behthâi扫罗。
9:24 扫罗有听tio̍h in ê计谋。Hiahê人暝日tī城门teh当等，beh kā伊thâi。
9:25 M̄ koh，扫罗ê门徒透暝用一个篮á，tùi城墙kā伊lūi落去。
9:26 扫罗tī耶路撒冷
扫罗来到耶路撒冷，beh kah门徒交陪。众人lóng惊伊，无相信伊是门徒。
9:27 只有巴拿巴chhōa扫罗来见使徒，kā in说明伊tī路中án怎看tio̍h主，主án怎kah伊讲话，以及伊tòa大马士革án怎好胆奉主ê名来传福音。
9:28 扫罗tī耶路撒冷kah使徒有出入来往，奉主ê名好胆传福音。
9:29 伊mā kah讲希腊话ê偤太人讲话辩论；hiahê人iáu koh不时计谋beh kā伊thâi。
9:30 信徒知影chitê tāichì，to̍h chhōa伊落去该撒利亚，送伊tńg去大数。
9:31 Hit时，全偤太、加利利省kah撒马利亚ê教lóng ē有平安，ná来ná坚固发展。In所行所做lóng敬畏主，得tio̍h圣神ê鼓舞，信徒人数一直加添。
9:32 彼得医治Ai-né-iah
彼得去ta̍k所在访问，mā有访问tòa tī吕大ê信徒。
9:33 伊tī hia tú tio̍h一个人，名叫做Ai-né-iah；chitê人患tio̍h半遂，已经倒tī眠床八年。
9:34 彼得kā伊讲：「Ai-né-iah，耶稣基督kā你医好à，起来，整顿你kakī ê铺á。」Ai-né-iah随时起来行。
9:35 所有tòa tī吕大kah Sat-lûn ê人lóng有看tio̍h ánne，to̍h来归主。
9:36 Tol-ka恢复活命
Tī约帕有一个女信徒，名叫做Ta-bí-thah，希腊话叫做「Tol-ka」，to̍h是鹿á ê意思。她做真chē好tāichì，koh赈济sànchhiah人。
9:37 她破病死去，人洗她ê身尸，kā她hē tī楼顶ê房间。
9:38 因为吕大离约帕无远，门徒听tio̍h彼得tī hia，to̍h差两 个人去chhōe伊，求讲：「请来阮hia，m̄ thang延chhiân。」
9:39 彼得to̍h随时kah in去，去到位to̍h有人chhōa伊去楼顶ê房间。众寡妇khiā tī彼得ê身边teh哮，kā Tol-ka kah in做伙ê时所做ê衫裤hō͘伊看。
9:40 彼得to̍h叫in lóng出去，跪落去，祈祷，然后oa̍t-tńg身对身尸讲：「Ta-bí-thah，起来。」Tol-ka ê目chiu thí开，看tio̍h彼得，to̍h起来坐。
9:41 彼得伸手kā她扶起来，叫hiahê信徒kah寡妇入来，kā koh活ê Tol-ka交hō͘ in。
9:42 全约帕ê人lóng知chit项tāichì，to̍h有真chē人信主。
9:43 彼得tī约帕kah一个制皮师傅西门做伙tòa真chē日。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。