出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
38:1 造祭坛
(出27：1-8)
伊用皂荚柴做烧祭ê坛，长五肘，阔五肘，chitê坛是四角形ê，koân三肘。
38:2 Tī坛ê四角头做四支角，kah坛相连做一个，用铜包起来。
38:3 Koh做坛一切ê器具，它ê盆、托á、盘、叉、火鼎，所有ê器具lóng用铜来做。
38:4 Koh为tio̍h坛用铜网做一个灯栅，安置tī坛四面围腰板 ê下面，hō͘它透到坛ê半腰。
38:5 为tio̍h铜ê灯栅ê四角铸四个环，做穿杠ê路用。
38:6 用皂荚柴做杠，用铜包起来。
38:7 Kā杠穿tī坛ê双pêng ê环内，用它来扛坛，mā用板做坛，坛是空壳。
38:8 造铜盆
(出30：18)
伊用铜做洗荡ê盆kah铜座，是用会幕门前teh做工ê chabó͘人ê铜镜做ê。
38:9 造上主圣幕ê院
(出27：9-19)
伊造会幕ê埕，hitê埕ê南pêng，用过纺ê幼苎做帷，一百肘。
38:10 帷ê柱二十支，铜做ê臼二十个，柱ê钩kah横杆是用银做ê。
38:11 北面mā一百肘，帷ê柱二十支，铜做ê臼二十个，柱ê钩kah横杆是用银做ê。
38:12 西面有帷五十肘，帷ê柱十支，臼十个，柱ê钩kah横杆是用银做ê。
38:13 东面ê东pêng，五十肘。
38:14 门chit pêng ê帷十五肘，帷ê柱三支，有臼三个。
38:15 Hit-pêng mā是ánne，埕门ê左右，各有帷十五肘，帷ê柱三支，臼三个。
38:16 埕四面ê帐帷lóng是用过纺ê幼苎做ê。
38:17 柱ê臼是铜ê，柱ê钩kah横杆是银ê，柱斗是用银包ê；埕所有ê柱是用银ê横杆穿相连ê。
38:18 埕门ê门帘是用绣花ê工夫，用蓝色、紫色、朱红色ê料kah过纺ê幼苎做ê，长二十肘，高五肘，kah埕ê帷相配。
38:19 In ê柱四支，铜ê臼四个，柱ê钩是银ê，柱斗是用银包ê，横杆是银ê。
38:20 会幕以及埕内四箍围所钉（tèng）ê钉，lóng是铜ê。
38:21 圣幕所用ê金属
Chitê ē幕ê物件有过清点，hit中间利未人所beh用ê所有物件，lóng是照摩西所吩咐，经过祭司亚伦ê kiáⁿ以他玛ê手所点算ê。
38:22 见若上主所吩咐摩西ê，偤大ê支族户珥ê孙—乌利ê kiáⁿ比撒列 lóng kā伊做。
38:23 Kah伊做伙做ê，有但ê支族A-hi-sat-boat ê kiáⁿ亚何利亚伯，伊是gâu雕刻koh有奇巧ê师傅，koh ē用蓝色、紫色、朱红色ê料kah幼苎来绣花。
38:24 做圣所一切ê工所用ê金，to̍h是人所献ê金，照圣所ê秤á来秤，有二十九他连得koh七百三十舍客勒。
38:25 会中受算ê人所出ê银，照圣所ê秤á来秤，有一百他连得koh一千七百七十五舍客勒。
38:26 见若过去归tī hiahê经过点算ê，tùi二十岁以上，有六十万khòng三千五百五十人，照圣所ê秤á来秤，ta̍k人出银半舍客勒，to̍h是一比加。
38:27 用hitê一百他连得ê银，铸圣所ê臼kah帐帘柱ê臼；一百他连得做一百ê臼，一个臼用一他连得。
38:28 用hitê一千七百七十五舍客勒ê银做柱ê钩，mā包柱斗，mā做它ê横杆。
38:29 所献ê铜有七十他连得koh二千四百舍客勒。
38:30 用chitê铜做会幕门ê臼kah铜坛，kah它ê铜网ê灯栅，kah坛所有ê器具，
38:31 以及埕四箍围ê臼，kah埕门ê臼，kah会幕所有所钉ê钉，kah埕四箍围所钉ê钉。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。