约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
12:1 妇人人倒油tī耶稣ê脚
(太26：6-13；可14：3-9)
Pôaⁿ过节六日前，耶稣去到伯大尼，to̍h是耶稣hō͘伊tùi死人中koh活hitê拉撒路tòa ê所在。
12:2 Into̍h tī hia为tio̍h耶稣准备暗顿。马大teh侍候，拉撒路kah耶稣坐仝桌。
12:3 马利亚the̍h一罐纯koh高贵ê芳油来抹耶稣ê脚，koh用kakī ê头毛kā他拭，kui厝内充满芳油ê芳味。
12:4 耶稣ê一个门徒，to̍h是hitê后来，出卖耶稣ê加略人偤大，讲：
12:5 「Ná m̄ kā chitê芳油the̍h去卖三百个银á，来赈济sànchhiah人？」
12:6 伊ánne讲，m̄是因为伊关心sànchhiah人，是因为伊是贼，koh tiāⁿ-tiāⁿ 偷the̍h伊所管理ê公款。
12:7 耶稣to̍h讲：「Chhut-chāi chitê妇人人去做！Hō͘她kā chiahê芳油留到我埋葬ê日thang用。
12:8 Lín不时都有sànchhiah人kah lín做伙，m̄ koh，我无tiāⁿ-tiāⁿ kah lín做伙。」
12:9 害死拉撒路ê计谋
真chē偤太人听tio̍h耶稣tī伯大尼，to̍h去hia。In m̄ nā是beh看耶稣，mā ài beh看耶稣hō͘伊tùi死人中koh活ê拉撒路。
12:10 所以，chiahê祭司长计谋，连拉撒路mā beh kā伊杀害，
12:11 因为有真chē偤太人为tio̍h拉撒路ê缘故去信耶稣。
12:12 耶稣光荣进入耶路撒冷
(太21：1-11；可11：1-11；路19：28-40)
隔tńg工，真chē来过节ê人听tio̍h耶稣beh来耶路撒冷，
12:13 就gia̍h棕树枝去迎接耶稣，大声hoah：「和散那，奉主ê名来ê hit位应该得tio̍h oló！(注：诗118：26)以色列ê王应该得tio̍h oló！」
12:14 耶稣看tio̍h一只驴á-kiáⁿ，就牵来骑。照经典所记载：
12:15 锡安ê chabó͘ kiáⁿ，m̄免惊！看！Lín ê王骑驴á-kiáⁿ teh来ā。」(注：亚9：9)
12:16 Hit当时，门徒bē了解chiahê tāichì。到耶稣得tio̍h荣光ê时，in chiah想起经典有记载chiahê tāichì是teh指耶稣，mā果然tī耶稣ê身上实现chiahê tāichì。
12:17 当耶稣叫拉撒路出墓，hō͘伊tùi死人中koh活ê时，kah耶稣做伙tī hia ê群众有继续teh做见证。
12:18 群众出去迎接耶稣，因为in听tio̍h他有行chitê神迹。
12:19 法利赛派ê人做伙讲：「咱khah án怎做，mā无chhái工。你看，全世间lóng tòe他去à！」
12:20 希腊人来Chhōe耶稣
节期中tńg去耶路撒冷朝拜ê人中间有几nā个希腊人。
12:21 Chiahê人来见加利利省ê伯赛大人腓力，求伊讲：「先生，阮ài beh见耶稣。」
12:22 腓力来kā安得烈讲，安得烈kah腓力to̍h来kā耶稣讲。
12:23 耶稣应讲：「人子得tio̍h荣光ê时到à。
12:24 我实在kā lín讲，一粒麦á种籽若无种落地来死，犹原是一粒niā-niā。若死，to̍h ē结真chē粒麦á。
12:25 疼惜kakī 性命ê人，会丧失性命；tī chit世间无贪恋kakī 性命ê人一定ē保守性命来得tio̍h永远ê活命。
12:26 人若beh服事我tio̍h tòe我；我tī啥物所在，服事我ê人mā tio̍h tī hia。人若服事我，我ê天父mā ē kā伊尊重。」
12:27 人子Tio̍h受举起
「Chit chūn我ê心肝真艰苦。(注：诗6：2)我beh án怎讲chiah好？Kám tio̍h讲：『父ah，救我脱出hitê时刻』？总是，我是为tio̍h chitê时刻chiah来ê。
12:28 父ah，愿祢荣光祢ê名。」然后有声tùi天顶来，讲：「我已经有荣光我ê名，taⁿ beh koh再荣光一pái。」
12:29 Khiā tī边á ê群众听tio̍h，to̍h讲：「是雷teh tân。」Mā有人讲：「是天使teh对他讲话。」
12:30 耶稣应讲：「Chitê声m̄是为tio̍h我，是为tio̍h lín来ê。
12:31 Chit-má是chit世间受审判ê时。Chit世间ê统治者ē受推翻。
12:32 我若受接上天，离开世间ê时，会吸引万民来归óa我。」
12:33 耶稣讲chiahê话是表明他beh án怎来死。
12:34 众人应他讲：「阮听tio̍h律法有讲：『基督永远存在。』祢án怎讲：『人子tio̍h受举起』？Chitê人子是啥人？」
12:35 耶稣应讲：「光iáuē tī lín中间一时á久，lín tio̍h趁有光ê时紧行，chiah bē hō͘乌暗kā lín遮盖。Tī乌暗中teh行ê人，m̄知ē行去tó位。
12:36 趁有光ê时，lín tio̍h信光，thang hō͘ lín成做光明ê人。」偤太人M̄信耶稣
耶稣chiahê话讲soah，to̍h离开in，kakī bih起来。
12:37 耶稣虽然tī in ê面前行hiah chē神迹，in iáu koh m̄信他。
12:38 这是beh应验以赛亚先知ê话：主ah，啥人有teh信阮所传ê信息？主会对啥人显明他ê权能？(注：赛53：1)
12:39 In bē tàng相信ê原因，以赛亚mā有ánne讲：
12:40 上帝hō͘ in ê目chiu chheⁿmê，koh心硬。若m̄是 ánne，in用目chiu 看见，koh用心晓悟来归向我，我to̍hē kā in医好。(注：赛6：10)
12:41 以赛亚ánne讲是因为伊有看tio̍h耶稣ê荣光，chiah讲关系他ê tāichì。
12:42 虽然ánne，偤太人ê头人有真chē信耶稣，in惊法利赛派ê人，chiah无公开承认他，免得hông赶出会堂。
12:43 Chiahê法利赛派ê人ài人ê oló，超过tùi上帝来ê oló。
12:44 耶稣ê话Beh审判人
耶稣大声hoah：「信我ê人m̄是teh信我，是信差派我来ê hit位。
12:45 看见我ê人to̍h是看 tio̍h差派我来ê hit位。
12:46 我做光来到chit世间，是beh hō͘信我ê人脱离乌暗。
12:47 听我ê话无去遵守ê人，我无beh kā伊审判，因为我来m̄是beh审判世间，是beh拯救世间。
12:48 拒绝我koh m̄接纳我ê话ê人，有一个审判者ē kā伊审判。Tī末日ê时，我所讲ê道理ē kā伊审判。
12:49 因为我m̄是照kakī ê意思讲，是照差派我来ê天父命令我啥物，我to̍h传啥物，讲啥物。
12:50 我知上帝ê诫命是永远ê活命，所以，我所讲ê lóng是照天父kā我讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。