约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 福州话 粤语和合本 希腊文(WH-NT) 下载档案 关于语音圣经
11:1 拉撒路ê死亡
有一个病人,名叫做拉撒路,伊tòa tī伯大尼,to̍h是马利亚kah她ê阿姊马大ê庄头。
11:2 Chitê马利亚to̍h是bat用芳油抹主ê脚,koh用她ê头毛kā它拭ê hitê;她ê小弟拉撒路teh破病。
11:3 In两姊妹to̍h差人去chhōe耶稣,讲:「主ah,祢所疼ê人teh破病。」
11:4 耶稣听tioh8to̍h讲:「Chitê病bē致到死,这是为tio̍h beh显明上帝ê荣光,hō͘上帝ê Kiáⁿ tùi chitê tāichì得tio̍h荣光。」
11:5 耶稣真疼马大kah她ê小妹,以及拉撒路。
11:6 耶稣听tio̍h拉撒路破病,继续tī hit所在koh tòa两日。
11:7 后来,to̍h kā门徒讲:「咱koh来去偤太。」
11:8 门徒kā他讲:「老师,近来偤太人ài beh用石头kā祢tìm,祢kám beh koh去hia?」
11:9 耶稣应讲:「日时kám m̄是有十二点钟?人若日时行路to̍h bē跋倒,因为有看见chit世间ê光。
11:10 总是,人若暗时行路,to̍h ē跋倒,因为无光thang照路。」
11:11 耶稣讲chiahê话了后,koh kā in讲:「咱ê朋友拉撒路teh困,我beh来去kā伊叫醒。」
11:12 门徒讲:「主ah,伊若是teh困,to̍h ē好起来。」
11:13 耶稣是讲拉撒路已经死去,m̄ koh,in掠准是讲伊真正teh困。
11:14 所以,耶稣明白kā in讲:「拉撒路死去à。
11:15 我mā为tio̍h lín欢喜,因为我无tī hia是beh hō͘ lín信我;taⁿ咱来去伊hia。」
11:16 叫做双生á ê多马kā门徒同伴讲:「咱mā来去,thang kah他做伙死。」
11:17 耶稣是Koh活kah活命
耶稣去到位ê时,拉撒路已经埋葬tī墓里四日ā。
11:18 伯大尼离耶路撒冷约三公里。
11:19 有真chē偤太人因为拉撒路死去,来安慰马大kah马利亚。
11:20 马大听tio̍h耶稣来,to̍h出去迎接,马利亚犹原坐tī厝内。
11:21 马大对耶稣讲:「主ah,祢若tī chia,阮小弟to̍h bē死。
11:22 Taⁿ我mā知,祢对上帝求啥物,上帝一定ēhō͘祢。」
11:23 耶稣kā她讲:「你ê小弟ē koh活起来。」
11:24 马大应讲:「我知tī末日koh活ê时,伊ēkoh活起来。」
11:25 耶稣kā她讲:「我是koh活kah活命。信我ê人虽然死去,iáu koh ē活起来;
11:26 chitmá活leh来信我ê人,永远bē死。你有ánne信无?」
11:27 马大应讲:「主ah,我信祢是基督,上帝ê Kiáⁿ,是teh beh来世间ê hit位。」
11:28 耶稣流目屎
马大讲chiahê话了后to̍h tńg去,叫伊ê小妹马利亚来,私下kā她讲:「老师来ā,他teh叫你。」
11:29 马利亚听tio̍h就赶紧起来,走去耶稣hia。
11:30 Hit时,耶稣iáu未入去庄头,iáu tī马大迎接他ê所在。
11:31 Hiahê kah马利亚tī厝内teh安慰她ê偤太人,看tio̍h她赶紧起来出去,就tòe她去,想讲她beh去墓里啼哭。
11:32 马利亚来到耶稣hia,看tio̍h他to̍h仆tī他ê脚前,kā他讲:「主ah,祢若tī chia,我ê小弟to̍h bē死去。」
11:33 耶稣看tio̍h她teh啼哭,kah她做伙来ê偤太人mā teh啼哭,to̍h真戚心,吐一下大气,
11:34 问in讲:「Lín kā伊葬tī啥物所在?」Into̍h kā他讲:「主ah,咱来去看。」
11:35 耶稣流目屎。
11:36 Hiahê偤太人讲:「你看,他hiahni̍h疼chitê人!」
11:37 其中有一kóa人讲:「他bat hō͘ chheⁿmê ・ê koh看见,kám bē tàng hō͘ chitê人mài死?」
11:38 耶稣hō͘拉撒路Koh活
耶稣来到墓里,心内又koh真悲伤。Hitê墓是石洞,有一块石头塞teh。
11:39 耶稣讲:「徙开hit块石头。死人ê阿姊马大kā他讲:「主ah,伊已经死四日à,taⁿ一定真臭。」
11:40 耶稣kā她讲:「我kám无kā你讲,你若信to̍h ē看tio̍h上帝ê荣光?」
11:41 Into̍h kā hit块石头徙开。耶稣gia̍h头ǹg天,讲:「天父ah,我感谢祢,因为祢已经有听我ê祈祷。
11:42 我知祢不时都有teh听我ê祈祷,独独我ánne讲,是为tio̍h khiā tī四箍围ê群众,beh hō͘ in相信祢有差派我来。」
11:43 耶稣讲soah,to̍h大声hoah:「拉撒路,出来!」
11:44 Hitê死人to̍h出来,脚手用布包teh,面用巾á罩teh。耶稣kā in讲:「Kā伊tháu开,hō͘伊行路。」
11:45 害死耶稣ê计谋
(太26:1-5;可14:1-2;路22:1-2)
来teh安慰马利亚ê偤太人,看tio̍h耶稣所做ê tāichì,真chē人to̍h信他。
11:46 有一kóa人去chhōe法利赛派ê人,kā in报告耶稣所做ê tāichì。
11:47 就ánne,hiahê祭司长kah法利赛派ê人召集开会,讲:「Taⁿ chitê人行hiah chē神迹,咱tio̍h án怎来对付?。
11:48 咱若放他ánne继续做落去,群众会去信他,罗马人ē来毁灭咱ê圣殿,koh消灭咱ê民族。」
11:49 其中一个人叫做该亚法,是hit年ê大祭司。伊kā in讲:「Lín m̄知半项,
11:50 mā无想看māi lè,宁可hō͘一个人替众人死,chiah免hō͘全民族灭亡。Án-ne对lín khah有利。」
11:51 伊ánne讲m̄是出tī kakī ê意思,是因为hit年伊做大祭司,伊teh预言耶稣ē为tio̍h chitê民族来死;
11:52 m̄ nā为tio̍h chitê民族,mā是beh kā上帝四散ê kiáⁿ儿聚集做一伙。
11:53 Tùi hit日起,hiahê偤太人to̍h计谋behthâi耶稣。
11:54 Pôaⁿ过节teh beh到
因为ánne,耶稣无koh公开tī偤太人ê中间出入。他to̍h离开hia,去óa近旷野ê所在,到一个叫做以法连ê城,kah门徒tī hia tòa。
11:55 偤太人ê Pôaⁿ过节teh beh到,节期进前,真chē人tùi庄头上来耶路撒冷,beh守洁净礼。
11:56 In teh chhōe耶稣,koh khiā tī圣殿内,互相问讲:「Lín想án怎?他一定ē来过节ho͘ⁿh?」
11:57 Chiahê祭司长kah法利赛派ê人有发出命令,若有人知耶稣tī tó位,tio̍h来报告,hō͘ in thang去kā他掠起来。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。