约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 福州话 粤语和合本 希腊文(WH-NT) 下载档案 关于语音圣经
9:1 耶稣医好出世To̍h Chheⁿ-mê ê人
耶稣行过ê时,看tio̍h一个出世to̍h chheⁿmê ・ê人。
9:2 他ê门徒问讲:「老师,chitê人出世to̍h chheⁿmê,是啥人犯罪?是伊本身á是伊ê父母?」
9:3 耶稣应讲:「Chitê人无犯罪,伊ê父母mā无;是beh通过伊来显明上帝ê作为。
9:4 趁iáu日时,咱tio̍h做差派我来ê hit位ê工;暗时一下到,to̍h无人ē tàng做工。
9:5 我tī世间ê时,我是世间ê光。」
9:6 Chiahê话讲了,就phùi澜tī土脚,用嘴澜搅土来糊chheⁿmê人ê目chiu ,koh kā伊讲:
9:7 「去西罗亚池洗你ê目chiu 。」(西罗亚ê意思是「奉差遣」)。伊to̍h去洗,tńg来ê时已经会看见。
9:8 伊ê厝边kah平时bat看tio̍h伊以前做乞食ê人讲:「Chitê kám m̄是不时坐teh做乞食hitê人?」
9:9 有人讲:「to̍h是伊。」有人讲:「M̄是,是kahná亲像伊。」伊kakī 讲:「我to̍h是。」
9:10 众人to̍h问伊讲:「你ê目chiu án怎变会看见?」
9:11 伊应讲:「Hitê名叫做耶稣ê人搅土糊我ê目chiu ,kā我讲:『去西罗亚池洗。』我随时去洗,to̍h变会看见。」
9:12 大家问伊讲:「Hitê人tī tó位?」伊应讲:「我m̄知。」
9:13 法利赛派ê人质问Hitê Chheⁿ-mê ê人
In chhōa hitê前chheⁿmê ê人去见法利赛派ê人。
9:14 耶稣搅土来开伊ê目chiu ê日是安息日。
9:15 所以,法利赛派ê人koh问伊ná ē看见。伊to̍hka7 in讲:「他用土糜糊我ê目chiu ,我去洗,to̍h有看见。
9:16 法利赛派ê人中间有ê讲:「Chitê人无守安息日,m̄是tùi上帝来ê。」有ê讲:「有罪ê人ná ē行chit款神迹?」In就ánne意见分裂。
9:17 In koh kā chheⁿmê ・ê讲:「他已经开你ê目chiu ,你讲他是啥物款人?」伊应讲:「他是先知。」
9:18 偤太人m̄信伊以前chheⁿmê,chitmáē koh看见,to̍h叫伊ê父母来,
9:19 问in讲:「Chitê是lín讲出世to̍h chheⁿmê ê kiáⁿ,是无?Taⁿ伊ná ē有看见?」
9:20 伊ê父母应讲:「阮知伊是阮ê kiáⁿ,阮mā知伊出世to̍h chheⁿmê。
9:21 Taⁿ伊ná ē koh看见,阮m̄知。啥人开伊ê目chiu ,阮mā m̄知。伊已经大汉à,lín去kā伊问,伊ē晓kakī 讲。」
9:22 伊ê父母ánne讲,是因为惊偤太人,因为偤太人已经有约束好势,若有人认耶稣做基督,tio̍h beh kā伊tùi会堂赶出去。
9:23 所以,伊ê父母讲:「伊已经大汉à,lín去问伊kakī 。」
9:24 Into̍h koh叫hitê以前chheⁿmê ・ê来,问伊讲:「Tī上帝ê面前tio̍h照实讲。阮知hitê人是有罪ê人。」
9:25 伊应讲:「他是有罪ê人á m̄是,我m̄知。我kantaⁿ知一项tāichì:以前我chheⁿmê,taⁿ我ē看见。」
9:26 Into̍h问伊讲:「Hitê人kā你做啥物?他án怎开你ê目chiu ?」
9:27 伊应讲:「我已经kā lín讲过,lín m̄听,chitmá ná ē beh koh听?Lín mā想beh做他ê门徒,是无?」
9:28 Into̍h kā伊骂,讲:「你chiah是hitê人ê门徒,阮是摩西ê门徒。
9:29 阮知上帝有对摩西讲话;独独chitê人tùi tó位来,阮m̄知。」
9:30 Hitê人应讲:「这to̍h真奇怪à,他医好我ê目chiu ,lín iáu koh m̄知他tùi tó位来。
9:31 咱知上帝无听罪人ê祈求,独独人若敬拜上帝来遵照他ê旨意,上帝to̍h ē听伊ê祈求。
9:32 Tùi古早以来,m̄ bat听过有人hō͘出世to̍h chheⁿmê ・ê人ēkoh看见。
9:33 Chitê人若m̄是tùi上帝hia来,to̍h无可能做chit款tāichì。」
9:34 Into̍h对伊讲:「你出世to̍h有罪,tī罪恶中大汉,颠倒beh教示阮?」Into̍h对会堂kā伊赶出去。
9:35 心灵ê Chheⁿ-mê
耶稣听tio̍h in kā伊赶出会堂。后来,chhōe tio̍h伊,to̍h kā伊问讲:「你有信人子无?」
9:36 伊应讲:「先生ah,啥人是人子?请祢kā我讲,thang hō͘我信他。」
9:37 耶稣kā伊讲:「你bat看tio̍h他;chitmá kah你teh讲话ê to̍h是。」
9:38 伊to̍h讲:「主ah,我信。」伊to̍h跪落去kā他拜。
9:39 耶稣讲:「我为tio̍h审判临到chit世间,hō͘无看见ê人ē看见,mā hō͘有看见ê人变做chheⁿmê。」
9:40 一kóa法利赛派ê人听tio̍h chiahê话,to̍h问耶稣讲:「总无阮mā是chheⁿmê ・ê,是无?」
9:41 耶稣应讲:「Lín若chheⁿmê,to̍h无罪;taⁿ lín讲:『阮有看见』,ánne,lín原在iáu koh有罪。」
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。