路加福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
10:1 耶稣差派七十二人
Chiahê tāichì了后，主koh差派七十二人（注：原版本是「七十人」），一对一对差in做前去他所beh去ê ta̍k个城kah ta̍k个所在。
10:2 耶稣kā in讲：「Thang收成ê真chē，做工ê人真少，所以，lín tio̍h去求园主派khah chē工人去收成。
10:3 Lín去！我差lín出去做工，亲像羊á入去豺狼ê中间。
10:4 M̄-thang带钱袋，m̄ thang带行李袋，m̄ thang穿鞋，tī路里m̄ thang kā人请安。
10:5 Lín无论入去啥人ê厝，tio̍h tāi先讲：『愿lín chit家ê人平安。』
10:6 Tī hia若有意爱平安ê人，into̍h ē得tio̍h lín kā in请安ê平安。若无，hitê平安to̍h ē倒tńg来归lín。
10:7 Tio̍h tiàm hit家，lim食in所供给ê物，因为做工ê人ē堪得得tio̍h伊ê工钱。M̄-thang tùi chit家徙过去hit家。
10:8 Lín无论入去啥物城，人若接纳lín，tio̍h食in所排tī lín面前ê物。
10:9 城内有病ê人，tio̍h kā in医好，续kā in讲：『上帝国度teh beh到à。』
10:10 M̄ koh，无论入去啥物城，人若m̄接纳lín，lín tio̍h出去in ê大街路，讲：
10:11 『连lín ê城tiâu tī阮脚底ê土沙粉，阮都beh pōaⁿ掉；总是，lín tio̍h知上帝国度teh beh到à。』
10:12 我kā lín讲，审判ê日子若到，所多玛所受ê刑罚比hitê城所受ê iáu khah好忍受。」
10:13 M̄悔改ê城有灾祸
(太11：20-24)
「Ko-la̍h-sìn，你有灾祸！伯赛大，你有灾祸！因为我tī lín中间所行chiahê权能，若行tī 推罗 kah西顿，in早to̍h穿麻衫，sám火灰，坐teh来悔改。
10:14 M̄ koh，tī审判ê时，推罗 kah西顿 tio̍h受ê刑罚比lín iáu khah好忍受。
10:15 迦百农，你siàu想hō͘人扶起lí天顶？你ē hō͘人chhia落去阴府。
10:16 听lín ê话to̍h是听我ê话；弃sak lín ê to̍h是弃sak我；弃sak我ê to̍h是弃sak差我来ê hit位。」
10:17 七十二人Tńg来报告
Hit七十二人欢欢喜喜tńg来，讲：「主ah，阮奉祢ê名命令，邪神mā lóng屈服。」
10:18 耶稣kā in讲：「我有看tio̍h撒旦亲像sihnà tùi天lak落来。
10:19 我已经hō͘ lín有权能thang踏蛇kah蝎á虫，koh有制服对敌所有ê气力，绝对无一项ē kā lín伤害。
10:20 总是，m̄ thang因为chiahê邪神屈服lín来欢喜；tio̍h因为lín ê名记tī天顶来欢喜。」
10:21 耶稣ê喜乐
(太11：25-27；13：16-17)
Hit时，耶稣hō͘圣神充满kah满心欢喜，讲：「天父ah，天地ê主，我oló祢，因为祢kā chiahê tāichì对智慧聪明ê人掩盖起来，却对细汉gín-á有显明出来。天父ah，是lah，因为这是祢看做欢喜ê。
10:22 我ê天父已经kā 一切lóng交付我。天父以外无一个bat Kiáⁿ是啥人；Kiáⁿ kah Kiáⁿ所ài beh启示ê人以外，mā无一个bat天父是啥人。」
10:23 耶稣oa̍t-tńg身偷偷á对门徒讲：「有目chiu 看见lín所看tio̍h ê人，实在有福气！
10:24 我kā lín讲，以前有真chē先知kah君王，ài beh看lín所看tio̍h ê mā无看tio̍h，in ài beh听lín所听tio̍h ê mā无听tio̍h。」
10:25 疼你ê厝边
有一个律法教师khiā起来试探耶稣讲：「老师ah，我tio̍h án怎做chiah ē得tio̍h永远ê活命？」
10:26 耶稣应讲：「律法有记载啥物？你读了án怎？」
10:27 Hitê人应讲：「你tio̍h尽心、尽性、尽力，尽意疼主你ê上帝，mā tio̍h疼厝边亲像kakī 。」(注：申6：5；利19：18)
10:28 耶稣kā伊讲：「你所应ê是tio̍h，照ánne去做，to̍h ē得tio̍h活命。」
10:29 M̄ koh，hitê人ài beh显明kakī 做了真tio̍h，to̍h koh问耶稣讲：「啥人是我ê厝边？」
10:30 耶稣应讲：「有一个人tùi耶路撒冷落去耶利哥城，tú tio̍h土匪抢伊ê衫裤，kā伊phah到半死，然后kā伊放hē ・leh，做in去。
10:31 Tú好有一个祭司tùi hit条路落去，看tio̍h hitê人to̍h闪tùi路ê hit-pêng过去。
10:32 Koh有一个利未人行到hit所在，看了mā仝款tùi路ê hit-pêng过去。
10:33 独独有一个撒玛利亚人行路tùi hia经过，看tioh8to̍h kā伊怜悯。
10:34 伊行óa去，用酒（注：有ê抄本是「用油kah酒」）洗tio̍h伤ê孔嘴，用布kā伊包teh，然后扶伊起lí骑kakī ê驴á，chhōa伊到客店来kā伊照顾。
10:35 隔tńg工，伊the̍h两 个银á hō͘店主，讲：『请你照顾chitê人，所费若khah加，我倒tńg来ê时chiah补你。』
10:36 Chit三人中间，你想tó一个是tú tio̍h土匪hitê人ê厝边？」
10:37 伊应讲：「Kā伊怜悯hitê人to̍h是。」耶稣kā伊讲：「你去，照ánne去做。」
10:38 耶稣访问马大kah马利亚
耶稣kah门徒继续行，耶稣入去一个庄头。有一个名叫做马大ê妇人人，接待耶稣入去in厝。
10:39 马大有一个姊妹，叫做马利亚，坐tī主ê脚前teh听他ê教示。
10:40 马大因为接待in，tāichì chē，soah心肝乱chhau-chhau，to̍h来kā耶稣讲：「主ah，我ê姊妹放我kakī 一个teh无闲，祢kám无teh要紧？Tio̍h叫她来kā我tàu脚手。」
10:41 M̄ koh，主应讲：「马大ah，马大ah，你为tio̍h tāichì chē teh操烦。
10:42 M̄ koh，所需要ê kantaⁿ7一项；马利亚已经拣tio̍h好ê hit份，无人ē tàng kā它抢去。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。