路加福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
7:1 耶稣医好军官ê奴仆
(太8：5-13；约4：43-54)
耶稣讲hō͘民众听ê话讲soah了后，to̍h入去迦百农。
7:2 有一个罗马ê连长所重用ê奴仆破病kah teh beh死。
7:3 Chitê军官听tio̍h耶稣ê tāichì，to̍h差几nā个偤太人ê长老去求耶稣来医治伊ê奴仆。
7:4 In来见耶稣，就迫切求他讲：「Chitê人ē堪得祢kā伊帮赞，
7:5 因为伊爱护咱偤太人，koh本身为咱起会堂。」
7:6 耶稣to̍h kah in去。离连长ê厝无gōa远ê时，连长有差几nā个朋友来kā耶稣讲：「主ah，m̄ thang kā祢劳烦，我bē堪得祢来我ê厝。
7:7 我mā想讲kakī bē堪得来chhōe祢。祢若讲一句话，我ê奴仆to̍h ē好起来。
7:8 因为我mā是hō͘人管ê人，mā有兵hō͘我管。我kā chitê讲：『去！』，伊to̍h去；kā hitê讲：『来！』，伊to̍h来；kā我ê奴仆讲：『Án-ne做』，伊to̍hánne去做。」
7:9 耶稣听tio̍h chiahê话to̍h感觉奇怪，oa̍t-tńg身kā tòe他ê群众讲：「我kā lín讲，连以色列人ê中间，我都m̄ bat看tio̍h亲像chit款ê信心。」
7:10 受差ê人tńg去到厝，看tio̍h奴仆已经好去à。
7:11 耶稣hō͘寡妇ê Kiáⁿ Koh活
Koh无gōa久，耶稣去一个城名叫做Ná-in。他ê门徒kah kui大阵人kah他做伙行。
7:12 Beh到城门ê时，tú好有人扛一个死人出来。死人ê老母孤孤生chitê kiáⁿ，koh是寡妇。城内有真chē人teh kā伊送葬。
7:13 主一下看tio̍h，to̍h kā她怜悯，讲：「M̄-thang哮。」
7:14 他行óa去，摸hitê扛身尸ê架，扛ê人to̍h停脚。耶稣讲：「少年人，我kā你讲：『起来！』」
7:15 死人to̍hpeh起来坐，续开嘴讲话。耶稣to̍h kā chitê少年人交hō͘伊ê老母。
7:16 众人lóng惊惶，归荣光hō͘上帝讲：「咱中间有兴起一个大先知。」Koh讲：「上帝有teh看顾他ê子民。」
7:17 就ánne，耶稣chitê风声传到偤太kah四箍围ê ta̍k所在。
7:18 行洗礼约翰kah耶稣
(太11：2-19)
约翰ê门徒kā chiahê tāichì lóng报hō͘ in ê老师知。
7:19 约翰to̍h叫两 个门徒来，差in去问耶稣：「祢kám是teh beh来ê hit位？Á是阮tio̍h koh thèng候别人？」
7:20 Hit两人来见耶稣to̍h讲：「行洗礼约翰差阮来请问祢：『祢kám是teh beh来ê hit位？Á是阮tio̍h koh thèng候别人？』」
7:21 Hit时，耶稣有医好真chē身苦病疼ê人kah hō͘邪神附身ê人，koh hō͘真chē chheⁿmê ・ê koh再看见。
7:22 耶稣to̍h应讲：「Lín tio̍h去，kā lín所看tio̍h kah所听tio̍h ê报约翰知，to̍h是chheⁿmê ・ê看见，跛脚ê行路，癞ko ê清气，臭耳聋ê听见，死人koh活，sànchhiah人ē tàng听tio̍h福音。
7:23 对我无失去信心ê人实在有福气。」
7:24 约翰所差ê人tńg去了后，耶稣chiah提起约翰ê tāichì，对群众讲：「Lín前出去旷野，是beh看啥物？Kám是芦竹hō͘风teh吹振动？
7:25 Án-ne，lín出去是beh看啥物？Kám是beh看人穿奢华ê衫？你看，穿súi衫koh享受宴乐ê人是tī王宫。
7:26 Án-ne，lín出去beh看啥物？Kám是先知？是，我kā lín讲过，伊比先知koh khah伟大。
7:27 经典有关系约翰ê记载：祢看，我差使者做祢ê前锋，伊beh tī祢ê头前准备祢ê道路。(注：玛3：1)
7:28 我kā lín讲，妇人人所生ê kiáⁿ无一个比约翰khah伟大；总是，tī上帝国度内siōng微细ê iáu比伊khah伟大。」
7:29 听tio̍h chiahê话ê民众，连抽税ê人mā lóng承认上帝是公义，因为in lóng有领受约翰ê洗礼。
7:30 M̄ koh，法利赛派ê人kah律法教师拒绝上帝为in所安排ê旨意，因为in lóng无受约翰ê洗礼。
7:31 耶稣koh讲：「Chit世代ê人，我beh用啥物来比并？In亲像啥物款ê人？
7:32 In ná亲像gín-á坐tī街路口，互相大声hoah：阮pûn phín-á，lín无跳舞！阮对lín唱葬式ê哀歌，lín无啼哭。
7:33 因为行洗礼约翰来，无食饼无lim酒，lín to̍h讲：『伊hō͘邪神附身。』
7:34 人子来mā食mā lim，lín to̍h讲：『他是贪食好酒ê人，是抽税ê kah罪人ê朋友。』
7:35 M̄ koh，是hiahê遵守上帝智慧ê人teh证明上帝ê智慧是真实。」
7:36 赦免kah感谢
有一个法利赛派ê人请耶稣食饭。他to̍h入去法利赛派ê人ê厝坐桌。
7:37 Hit时，城内有一个pháiⁿ妇人人，知耶稣tī法利赛派ê人ê厝teh食饭，就带一罐贮芳油ê玉罐来。
7:38 Hitê妇人人khiā tī耶稣ê后面teh啼哭，有目屎滴-tâm耶稣ê脚。她to̍h用kakī ê头毛来拭，koh chia̍p-chia̍p chim耶稣ê脚，用芳油来抹脚。
7:39 请耶稣食饭ê法利赛派ê人看tio̍h ánne，心内想讲chitê人若是先知，一定ē知是啥人kā他摸，是啥物款ê chabó͘人？因为hitê chabó͘人是pháiⁿ chabó͘。
7:40 耶稣kā西门讲：「我有话beh kā你讲。」西门应讲：「老师，请讲。」
7:41 耶稣讲：「有两 个人欠债主ê钱。一个欠伊五百ê银á，一个欠伊五十。
7:42 因为两 个lóng无法度还债，债主to̍h免除in两人ê债。Án-ne，tó一个会khah疼债主？」
7:43 西门应讲：「我想是hitê hông免除khah chē ê人。」耶稣kā伊讲：「你ê判断正确。」
7:44 然后耶稣oa̍t头ǹg妇人人，kā西门讲：「你有看tio̍h chitê妇人人无？我入去你ê厝，你无用水hō͘我洗脚，m̄ koh，她用目屎滴tâm我ê脚，koh用头毛来kā我拭脚。
7:45 你无kā我chim；独独chitê妇人人tùi我入来ê时to̍h一直无停teh chim我ê脚。
7:46 你无用油抹我ê头壳，m̄ koh，她用芳油抹我ê脚。
7:47 所以，我kā你讲，她ê疼khah chē，表示她真chē ê罪已经得tio̍h赦免；m̄ koh，得tio̍h赦免少ê人，伊表达出来ê疼to̍h少。」
7:48 耶稣kā hitê妇人人讲：「你ê罪得tio̍h赦免à。」
7:49 仝桌ê人心内想讲chitê teh赦罪ê是啥人？
7:50 耶稣koh对hitê妇人人讲：「你ê信心有救tio̍h你，做你安心tńg去。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。