路加福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 粤语和合本 希腊文(WH-NT) 下载档案 关于语音圣经
6:1 Tī安息日摘麦穗
(太12:1-8;可2:23-28)
有一个安息日,耶稣tùi麦园经过,他ê门徒摘麦穗,用手jôe来食。
6:2 有一kóa法利赛派ê人对in讲:「Lín ná ē tī安息日做律法规定无应该做ê tāichì?」
6:3 耶稣应讲:「Lín kám无读tio̍h大卫kah跟tòe ê人腹肚iau ê时所做ê tāichì?
6:4 伊入去上帝ê殿,the̍h献祭ê饼来食,koh hō͘伊跟tòe ê人食。Chit款饼kantaⁿ7祭司chiah thang食。」
6:5 耶稣koh kā in讲:「人子是安息日ê主。」
6:6 耶稣tī安息日医好瘸手ê人
(太12:9-14;可3:1-6)
Koh有一个安息日,耶稣入去会堂教示人。Tī hia有一个正手瘸去ê人。
6:7 有一kóa经学教师kah法利赛派ê人teh当等,看耶稣有tī安息日kā人医病á无,意思是beh chhōe孔缝thang告耶稣。
6:8 耶稣知in ê企图,to̍h kā hitê瘸手ê人讲:「起来!khiā tòa中央。」Hitê人to̍h起来khiā tī hia。
6:9 然后耶稣对in讲:「我问lín,tī安息日做好事á是做pháiⁿ事,救性命á是害性命,tó一项khah合律法?」
6:10 耶稣kā群众看一liàn了后,对hitê人讲:「Kā你ê手伸出来!」伊一下伸手,手to̍h好去。
6:11 Hiahê人非常受气,to̍h做伙参详beh án怎来对付耶稣。
6:12 耶稣设立十二使徒
(太10:1-4;可3:13-19)
有一工,耶稣出去山里祈祷,kui暝对上帝祈求。
6:13 到天光to̍h叫门徒来,tùi in中间拣选十二人,称in做使徒,
6:14 to̍h是西门,耶稣koh kā伊号名做彼得,kah伊ê兄弟安得烈,koh有雅各kah约翰,腓力kah巴多罗买,
6:15 马太kah多马,亚勒腓 ê kiáⁿ雅各kah叫做Se-lô-tí ê西门,
6:16 雅各ê kiáⁿ偤大,kah出卖耶稣ê加略人偤大。
6:17 耶稣ê名声提高
(太4:23-25)
耶稣kah使徒落山来khiā tī平地,tī hia有真chē他ê门徒kah kui大阵ê人。Chiahê人是tùi偤太全地kah耶路撒冷,以及推罗、西顿沿海ê所在来ê。
6:18 In来beh听耶稣讲道理,mā beh hō͘他医病。Hiahê hō͘邪神附身搅扰ê人mā lóng得tio̍h医治。
6:19 众人lóng想beh kā他摸,因为有权能tùi耶稣出来,hō͘ in lóng得tio̍h医好。
6:20 福气kah灾祸
(太5:1-12)
耶稣gia̍h头看他ê门徒,讲:「Lín chiahê sànchhiah人实在有福气,因为上帝国度是lín ê。
6:21 Lín chitmá teh iau ê人实在有福气,因为上帝ē hō͘ lín食kah饱。Lín chitmá teh啼哭ê人实在有福气,因为上帝ē hō͘ lín笑。
6:22 人为tio̍h人子ê缘故来怨恨lín,拒绝lín,侮辱lín,kā lín看做pháiⁿ人来排斥ê时,lín实在有福气。
6:23 Hit日lín tio̍h欢喜tiô跳,因为lín tī天顶ê报赏真大,以前in ê祖先mā是ánne款待先知。
6:24 M̄ koh,lín chiahê好额人ē有灾祸!因为lín已经teh享受安乐ê生活。
6:25 Lín chitmá饱足ê人ē有灾祸!因为lín teh beh iau;lín chitmá teh笑ê人ē有灾祸!因为lín teh beh哀伤啼哭。
6:26 Lín chiahê hō͘群众oló ê人ē有灾祸!因为in ê祖先mā bat ánne款待假先知。」
6:27 疼敌人
(太5:38-48;7:12a)
「M̄ koh,lín chiahê teh听ê人,我kā lín讲,tio̍h疼lín ê对敌,tio̍h好款待怨恨lín ê人。
6:28 Tio̍h祝福pháiⁿ嘴骂lín ê人,tio̍h替侮辱lín ê人祈祷。
6:29 有人siàn你一pêng ê嘴phóe,另外hit pêng mā hō͘伊siàn;有人剥lín ê外衫,连内衫mā顺续hō͘伊。
6:30 若有人kā你求啥物tio̍h hō͘伊;若有人抢你ê物件,m̄ thang kā伊讨tńg来。
6:31 Lín ài人án怎对待lín,mā tio̍h ánne对待人。
6:32 Lín若疼hiahê疼lín ê人,有啥物功劳?因为pháiⁿ人mā是疼hiahê疼in ê人。
6:33 Lín若好款待hiahê kā lín好款待 ê人,有啥物功劳?因为pháiⁿ人mā是ánne teh做。
6:34 Lín若借钱hō͘ hiahê有ǹg望还你钱ê人,有啥物功劳?因为pháiⁿ人mā敢借钱hō͘ē照数额来还ê人。
6:35 M̄ koh,lín tio̍h疼lín ê对敌,好款待in;借人mā m̄ thang想beh讨tńg来。Án-ne,línē得tio̍h真大ê报赏,koh ē成做至koân上帝ê kiáⁿ儿,因为他对忘恩背义kah做pháiⁿ ê人mā真慈悲。
6:36 所以,lín tio̍h有怜悯ê心,亲像lín ê天父teh怜悯人。」
6:37 批评人
(太7:1-5)
「M̄-thang批评人,chiah bē hō͘人批评。M̄-thang kā人判罪,chiah bē hō͘人kā lín判罪。Tio̍h赦免人,chiah ē得tio̍h人ê赦免。
6:38 Tio̍h hō͘人,lín chiah ē得tio̍h,koh ē用足额ê斗量 hō͘ lín;kā它ji̍h koh摇,hō͘它cha̍t kah满出来,chiah piàⁿ落去lín ê衫á帕; 因为lín用啥物量器来量hō͘人,人mā ē照ánne量倒tńg去hō͘ lín。」
6:39 Tio̍h避免自欺欺人
耶稣koh用譬喻kā in讲:「Chheⁿ-mê ê kámē kā chheⁿmê ・ê chhōa路?Kám bē两 个人lóng跋落坑沟?
6:40 学生bē tàng赢过老师;总是,学生若学有起,to̍h ē亲像伊ê老师。
6:41 「你ná ē kantaⁿ7看tio̍h兄弟目chiu 内ê草á幼,ā无注意tio̍h你kakī 目chiu 内ê柴箍?
6:42 Á是你本身无看见kakī 目chiu 内ê柴箍,ná ē tàng kā你ê兄弟讲:『兄弟,你目chiu 内ê草á幼hō͘我kā它the̍h出来』?假好ê人,tio̍h先kā你kakī 目chiu 内ê柴箍the̍h出来,chiah ē tàng看清楚,thang kā你兄弟目chiu 内ê草á幼the̍h出来。」
6:43 Tùi果子来认bat树
(太7:17-20;12:33-34b)
「因为好树bē结pháiⁿ果子,pháiⁿ树mā bē结好果子。
6:44 看果子to̍h ē tàng知hit欉树ê好pháiⁿ。人bē tàng tùi刺phè内挽无花果,mā bē tàng tùi刺á藤挽葡萄。
6:45 好人tùi伊ê心所积聚ê好来发出好;pháiⁿ人tùi伊所积聚ê pháiⁿ来发出pháiⁿ,因为人心内充满啥物,嘴to̍h ē讲出啥物。」
6:46 两款地基
(太7:24-27)
「Lín ná ē称呼我,『主ah,主ah』,m̄ koh无照我ê教示去做?
6:47 来我chia,听我ê话来做ê人,我报lín知hitê人亲像啥物。
6:48 伊亲像人teh起厝,掘hō͘它深,kā地基hē tī石磐顶;大水一下到,溪流冲tio̍h厝,厝mā bē摇动,因为厝起了真坚固。
6:49 M̄ koh,听了无去做ê人,是亲像人起厝tī土顶,无hē地基,hō͘溪流冲tio̍h,hit间厝to̍h随时倒落去,koh ē倒kah真伤重。」
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。