版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

马太福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 粤语和合本 希腊文(WH-NT) 下载档案 关于语音圣经

22:1

婚宴ê譬喻

(路14:15-24)

耶稣koh用譬喻kā in讲:
22:2 「天国亲像一个国王kā伊ê kiáⁿ办婚宴。
22:3 伊差奴仆去叫所邀请ê人来赴婚宴,m̄ koh,in m̄来。
22:4 国王koh差其他ê奴仆,kā in讲:『去kā所邀请ê人讲:我ê宴席已经准备好势,我ê牛kah肥ê chengseⁿ mā已经thâi à。一切lóng准备好à。请lín tio̍h来赴宴席。』
22:5 Hiahê人无看做要紧,做in去;一个去田园做工,一个去做senglí,
22:6 其他ê人掠伊ê奴仆来凌辱,kā inthâi死。
22:7 国王非常受气,to̍h派军兵剿灭hiahê凶手,koh放火烧in ê城。
22:8 然后kā伊ê奴仆讲:『婚姻ê宴席已经准备好势,m̄ koh,所邀请ê人lóng bē堪得来。
22:9 所以,lín去大路口,kā所tú ・tio̍h ê人lóng请来赴婚宴。』
22:10 Hiahê奴仆出去路里,kā所tú ・tio̍h ê无论好pháiⁿ lóng请来。婚宴ê大厅人客坐kah满满。
22:11 国王入去看hiahê人客,看tio̍h tī hia有一个人无穿礼服,
22:12 to̍h问伊讲:『朋友,你入来chia ná ē无穿礼服?』Hitê人恬恬无应。
22:13 Hit时,君王kā chiahê奴仆讲:『Kā伊ê脚手缚起来,kā伊hiat出去外面乌暗ê所在。Tī hia伊ē啼哭,咬牙切齿。』
22:14 因为受呼召ê人chē,受拣选ê人少。」
22:15

纳税ê问题

(可12:13-17;路20:20-26)

Hit时,法利赛派ê人出去参详,想看beh án怎chhńg耶稣ê话缝来kā他陷害。
22:16 Into̍h差派门徒kah希律党ê人来kā耶稣讲:「老师ah,阮知祢是老实人,koh照上帝ê真理来教示人。祢m̄惊半人,因为祢无看人ê外貌。
22:17 请祢kā阮讲:纳税hō͘罗马ê皇帝有合律法无?」
22:18 耶稣知影in ê pháiⁿ念头,to̍h讲:「假好ê人,lín án怎beh来kā我试探?
22:19 The̍h一个纳税ê银币来hō͘我看。」In就the̍h一个银币hō͘耶稣看。
22:20 耶稣问in讲:「Chitê siōng kah字号是啥人ê?」
22:21 In应讲:「是皇帝ê。」耶稣to̍h kā in讲:「Án-ne,lín tio̍h kā皇帝ê物纳hō͘皇帝,kā上帝ê物纳hō͘上帝。」
22:22 In听tio̍h ánne真tio̍h惊,to̍h离开耶稣。
22:23

死人Koh活ê问题

(可12:18-27;路20:27-40)

仝hit日,一kóa主张人死了无koh活ê撒都该派ê人来问耶稣讲:
22:24 「老师ah,摩西讲:『有人无生kiáⁿ to̍h死去,伊ê小弟tio̍h娶兄嫂来做bó͘,thang生kiáⁿ来为伊ê阿兄传宗接代。(注:申25:5)
22:25 Taⁿ阮chia有兄弟七人。大兄娶bó͘了就死去,无kiáⁿ,kā伊e bó͘放hō͘伊ê小弟。
22:26 第二个,第三个,到第七个lóng是仝款情形。
22:27 到尾,hitê妇人人mā死。
22:28 Án-ne tī koh活ê时,chitê妇人人beh做啥人ê bó͘?因为七个兄弟lóng有娶过她做bó͘。」
22:29 耶稣应讲:「Lín想m̄ tio̍h à。Lín m̄ bat经典kah上帝ê权能。
22:30 因为koh活ê时,inē kah天顶ê天使仝款,无嫁无娶。
22:31 关系死人koh活ê tāichì,lín kám无读tio̍h上帝所kā lín讲ê话:
22:32 『我to̍h是亚伯拉罕ê上帝、以撒ê上帝、雅各ê上帝』(注:出3:6;15-16)?他m̄是死人ê上帝,是活人ê上帝。」
22:33 众人听tio̍h耶稣ê教示,真tio̍h惊。
22:34

Siōng重要ê诫命

(可12:28-34;路10:25-28)

法利赛派ê人听tio̍h耶稣已经hō͘撒都该派ê人无话thang应,to̍h聚集做伙。
22:35 其中一个律法教师来beh试探耶稣,讲:
22:36 「老师ah,律法中tó一条诫命siōng重要?」
22:37 耶稣应讲:「你tio̍h尽心、尽性、尽意疼主—你ê上帝。
22:38 Chitê siōng要紧,mā是头一个诫命。
22:39 第二条mā仝款,tio̍h疼厝边亲像kakī 。(注:利19:18)
22:40 Chit两条诫命是全部律法kah先知教示ê总根头。」
22:41

大卫ê Kiáⁿ孙ê问题

(可12:35-37;路20:41-44)

法利赛派ê人聚集ê时,耶稣问in讲:
22:42 「关系基督ê tāichì lín想án怎?他是啥人ê kiáⁿ孙?」In应耶稣讲:「是大卫ê kiáⁿ孙。」
22:43 耶稣kā in讲:「Án-ne,大卫hō͘圣神感动ê时,ná ē称基督做主,讲:
22:44 主kā我ê主讲:祢坐我ê大pêng,thèng候我kā祢ê对敌屈服tī祢ê脚前。(注:诗110:1)
22:45 大卫既然称呼基督做主,基督ná ē来做大卫ê kiáⁿ孙?」
22:46 In无人ē tàng应耶稣半句话;tùi hit日起,无人敢koh来问耶稣任何问题。


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本中文标准译本恢复本思高译本吕振中译本NET圣经中译本圣经公会四福音书共同译本深文理和合本新遗诏圣经原文直译(参考用)ESVKJVBBEWEBASVDarbyERV新约原文现代台语2021版汉字现代台语2021版全罗圣经公会巴克礼台汉本现代台语2013版全罗现代台语2013版汉字红皮圣经全罗红皮圣经汉罗巴克礼全罗巴克礼汉罗圣经公会现代客语全罗圣经公会现代客语汉字汕头客语圣经全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经卑南语多纳鲁凯语马可福音茂林鲁凯语马可福音万山鲁凯语马可福音圣经公会泰雅尔语圣经圣经公会邹语圣经圣经公会鲁凯语圣经赛德克族Tgdaya语圣经公会阿美语2019圣经公会阿美语1997圣经公会太鲁阁语圣经圣经公会达悟语新约圣经藏语圣经武加大译本新武加大译本官话和合本北京官话译本文理和合本浅文理和合本王元德官话译本俄罗斯正教文理译本白日升徐约翰文理译本神天圣书文理委办译本施约瑟浅文理译本马殊曼译本高德译本胡德迈译本粦为仁译本徐汇官话新译福音王多默圣史宗徒行实萧舜华官话四人小组译本圣保禄书翰并数位宗徒涵牍德如瑟四史圣经译注郭实腊新遗诏书和旧遗诏圣书宗徒大事录和新经译义马相伯救世福音俄罗斯正教新遗诏圣经卜士杰新经公函与默示录太平天国文理译本许彬文四史全编



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。