马太福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
12:1 Tī安息日摘麦穗
(可2：23-28；路6：1-5)
Hit时，耶稣tī安息日tùi麦园经过；他ê门徒腹肚iau，就摘麦穗来食。
12:2 法利赛派ê人看tioh8to̍h对耶稣讲：「祢看，祢ê门徒做安息日无应该做ê tāichì。」
12:3 耶稣to̍h应in讲：「大卫kah跟tòe ê人腹肚iau ê时所做ê tāichì，lín kám无读tio̍h？
12:4 to̍h是大卫入上帝ê殿，食祭坛顶ê饼；这m̄是伊kah跟tòe ê人所thang食ê，kantaⁿ祭司chiah ē tàng食。
12:5 Á是lín kám m̄ bat读tio̍h律法所记载，当安息日，祭司tī圣殿犯tio̍h安息日ê规矩mā算是无罪？
12:6 Taⁿ我kā lín讲，tī chia有比圣殿koh khah重要ê。
12:7 总是，lín若知有记载讲：『我ài怜悯，无ài祭物』(注：何6：6) chit句话ê意思，to̍h bē kā无罪ê人定罪。
12:8 因为人子是安息日ê主。」
12:9 Tī安息日医病
(可3：1-6；路6：6-11)
耶稣离开hia，入去in ê会堂；
12:10 Tú好有一个瘸手ê人tī hia。有一kóa人想beh chhōe孔缝来告耶稣，to̍h问他讲：「安息日医病kám有照律法ê规定？」
12:11 耶稣应讲：「Lín中间有人一只羊tī安息日跋落坑，伊kám bē kā它giú起来？
12:12 何况人比羊加gōa-ni̍h贵重！所以，安息日做好事是合律法ê。」
12:13 耶稣to̍h对hitê人讲：「你手伸出来！」伊一下伸手，手to̍h随时复原，亲像另外hit支手。
12:14 法利赛派ê人出去，做伙计谋beh án怎来害死耶稣。
12:15 上帝拣选ê奴仆
耶稣知影in ê计谋，to̍h离开hia；有真chē人tòe他去，他kā in中间所有ê病人医好。
12:16 耶稣命令in m̄ thang宣扬他ê tāichì。
12:17 这是beh应验以赛亚先知所讲ê话：
12:18 你看，我所拣ê奴仆，我所疼ê，我所kah意ê；我beh kā我ê圣神赐hō͘他，他beh对万民宣告我ê公义。
12:19 他无beh争论，无beh大声喧嚷；tī街路无人听tio̍h他ê声。
12:20 受伤ê芦竹，他无beh at断；beh hoa ê灯火，他mā无beh pûn熄，一直到他hō͘公义得胜。
12:21 万民lóng ē仰望他ê名。
12:22 耶稣kah 别西卜
(可3：20-30；路11：14-23；12：10)
Hit时，有人chhōa一个hō͘邪神附身，chheⁿmê koh哑口ê人来见耶稣。他to̍h kā伊医好，hō͘哑口ê讲话，koh ē看见。
12:23 众人lóng tio̍h惊kah gāng去，讲：「Chitê人kám m̄是大卫ê kiáⁿ孙？」
12:24 M̄ koh，法利赛派ê人听tioh8to̍h讲：「Chitê人只不过是靠鬼王别西卜 teh赶鬼。」
12:25 耶稣知影in ê心思，to̍h kā in讲：「国家若kakī 内乱，to̍h ē致使抛荒；城市á是家庭若kakī 起纷争，一定khiā bē tiâu。
12:26 若撒旦赶撒旦，是kakī 纷争，伊ê王国kám khiāē tiâu？
12:27 我若是靠别西卜 teh赶鬼，lín ê子弟赶鬼是óa靠啥人？Án-ne，into̍h ē质疑lín。
12:28 独独我是óa靠上帝ê圣神teh赶鬼，ánne，上帝国度to̍h来到lín中间à。
12:29 人tio̍h án怎chiah ē tàng入去勇士ê厝抢伊ê财物？Kám m̄是tio̍h tāi先kā hitê勇士缚起来？
12:30 无kah我同心ê，to̍h是反对我；无kah我同工ê，to̍h是teh破坏。
12:31 亵渎圣神
所以，我kā lín讲，人一切ê罪恶kah毁谤，lóngē得tio̍h赦免；独独亵渎圣神ê，bē tàng赦免。
12:32 人若讲话攻击人子ê，iáuē得tio̍h赦免；独独若是讲话攻击圣神ê，tī今世á是来世，lóng bē tàng得tio̍h赦免。」
12:33 树kah果子
(路6：43-45)
「好树结好果子，pháiⁿ树结pháiⁿ果子；看所结ê果子to̍h ē tàng知影树ê好pháiⁿ。
12:34 Lín chiahê毒蛇，lín明明是pháiⁿ ê，ná ē讲好话？因为人心内充满啥物，嘴to̍h ē讲出啥物。
12:35 好人tùi所积聚ê好来显出良善；pháiⁿ人tùi所积聚ê pháiⁿ来显出邪恶。」
12:36 「我kā lín讲，人所讲ê闲á话，tī审判ê日子，ta̍k句lóng tio̍h负责。
12:37 因为上帝beh根据你ê话来定你有罪á是无罪。」
12:38 要求神迹
Hit时，有几nā个经学教师kah法利赛派ê人对耶稣讲：「老师，阮ài看祢行一个神迹。」
12:39 耶稣应讲：「恶毒奸淫ê世代想beh要求神迹；除了约拿先知ê神迹以外，bē koh有神迹hō͘ in。
12:40 Tú亲像约拿三日三暝tī大鱼ê腹肚内，(注：拿1：17)人子mā beh ánne三日三暝tī深土内。
12:41 Tī审判ê日子，尼尼微人beh kah chit世代ê人做伙活起来，kā chit世代ê人定罪；因为in听tio̍h约拿ê传道来悔改；何况tī chia有比约拿khah伟大ê。
12:42 Tī审判ê日子，南方ê女王ē kah chit世代ê人做伙活起来，kā chit世代ê人定罪；因为她有tùi地ê极头来听所罗门智慧ê话；何况tī chia有比所罗门khah伟大ê。」
12:43 邪神倒Tńg来
(路11：24-26)
邪神离开附身ê人，to̍h tī无水ê地区beh chhōe一个歇困ê所在，m̄ koh，lóng chhōe无。
12:44 伊to̍h讲：『我beh tńg去我出来ê厝。』伊一下到位，to̍h看见厝内空空，拚扫kah真清气，mā整理kah真好势。
12:45 后来，伊koh出去chhōa七个比kakī khah pháiⁿ ê邪神，入去hia做伙tòa；ánne，hitê人ê结局比起头koh khah惨。Chitê邪恶ê世代mā ē亲像ánne。
12:46 耶稣ê老母kah兄弟
(可3：31-35；路8：19-21)
耶稣iáu teh对群众讲话ê时，tú好他ê老母kah他ê兄弟khiā tī外面，ài beh kah他讲话。
12:47 有人kā耶稣讲：「祢看，祢ê老母kah祢ê兄弟khiā tī外面，ài beh kah祢讲话。」
12:48 耶稣应hitê人讲：「啥人是我ê老母？啥人是我ê兄弟？」
12:49 然后伸手kí他ê门徒讲：「你看，我ê老母kah我ê兄弟。
12:50 实行我天父ê旨意ê人，to̍h是我ê兄弟、姊妹kah老母。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。