撒迦利亚书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 上主呼召他ê子民
大利乌二年八月，上主ê话临到易多ê孙—比利家 ê kiáⁿ—撒迦利亚先知，讲：
1:2 「上主bat对lín ê祖先大受气。
1:3 所以，你tio̍h kā in讲，万军ê上主ánne讲：「Lín tio̍h oa̍t tńg来chhōe我；我mā beh oa̍t tńg来chhōe lín。这是万军ê上主讲ê。
1:4 M̄-thang学lín ê祖先，以前ê先知bat叫in讲，万军ê上主ánne讲：『Lín tio̍h回头离开lín ê pháiⁿ路，kah lín ê pháiⁿ所行。』总是，in m̄ àⁿ耳孔来听，mā m̄听我ê话。这是上主讲ê。
1:5 Lín ê祖先tī tó位？Hiahê先知kámē永远活leh？
1:6 总是，我ê言语、我ê律例kah我所吩咐我chiahê奴仆—先知ê，kám无到tī lín ê祖先？In就回头，讲：『万军ê上主按算beh照咱ê所行、所做施行tī咱，他已经照ánne款待咱à。』」
1:7 马ê异象
大利乌二年十一月，to̍h是Se-bat月（注：偤太人受掠后偤太日历ê第11个月份，相当西历ê一月或二月）二十四，上主ê话临到易多ê孙—比利家ê kiáⁿ—撒迦利亚先知，讲：
1:8 「我暗时观看，你看，有一个人骑赤马khiā tī低地冈拈树ê中间。Tī伊ê后面koh有赤色、黄色、白色ê马。」
1:9 我问讲：「我ê主ah，这是啥物？」kah我讲话ê使者to̍h kā我讲：「我ē指示hō͘你知chiahê是啥物。」
1:10 Hitê khiā tī冈拈树中间ê人应讲：「这是上主所差派tī地chiūⁿteh出入ê。」
1:11 Into̍h应hitê khiā tī冈拈树中ê上主ê使者讲：「阮已经tī地chiūⁿteh出入，你看，全地lóng安然平定。」
1:12 就ánne，上主ê使者应讲：「万军ê上主ah，祢对耶路撒冷kah偤大chiahê城受气已经七十年，祢无施怜悯tio̍h到tang时？」
1:13 上主to̍h用好话kah安慰ê话，应hitê kah我讲话ê使者。
1:14 Kah我讲话ê使者对我讲：「你tio̍h出声讲，万军ê上主ánne讲：为tio̍h耶路撒冷kah为tio̍h锡安，我热心到极。
1:15 我真受气hiahê安然生活ê列国，因为我以前只有小khóa受气，in to̍h加添伊ê艰苦。
1:16 所以，上主ánne讲：Taⁿ我倒tńg来耶路撒冷，施怜悯，我ê殿ē koh起tī hit中间，绳索会牵tī耶路撒冷ê顶面。这是万军ê上主讲ê。」
1:17 Hitê天使koh讲：「你tio̍h koh出声讲，万军ê上主ánne讲：我chiahê城ē koh丰盛发达。上主ēkoh安慰锡安，koh拣选耶路撒冷。」
1:18 角ê异象
我gia̍h头观看，你看，有四支角。
1:19 我to̍h问kah我讲话ê使者讲：「Chiahê是啥物？」伊应我讲：「Chiahê to̍h是phah散偤大、以色列kah耶路撒冷ê chiahê角。」
1:20 上主koh hō͘我看tio̍h四个师傅。
1:21 我问讲：「In来beh做啥物？」伊应讲：「Hiahê是phah散偤大ê角，hō͘人m̄敢gia̍h头；总是，chiahê师傅来是beh hō͘ in惊，phah倒列国ê角，to̍h是bat举起in ê角来攻击偤大，hō͘它四散ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。