哈该书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 新建圣殿ê荣耀
七月二十一，上主ê话托先知哈该，讲：
2:2 你tio̍h kā偤大ê总督—撒拉铁ê kiáⁿ所罗巴伯，kah约萨答ê kiáⁿ大祭司约书亚，以及所chhun落来ê人民，讲：
2:3 「Lín中间iáu存在ê人，有啥人bat看tio̍h chit间殿早前ê荣光？Chit-má lín看了án怎？Kám m̄是tī lín ê目chiu kahná看无啥物价值？」
2:4 上主讲：「所罗巴伯，你tio̍h勇敢！约萨答ê kiáⁿ—大祭司约书亚，你mā tio̍h勇敢！」上主koh讲：「Chit所在ê人民，lín mā tio̍h勇敢！Mā tio̍h做工，因为我kah lín同在。这是万军ê上主讲ê。
2:5 当lín出埃及ê时，我kah lín立约ê话。我ê圣神 tiàm tī lín中间，lín m̄免惊。」
2:6 因为万军ê上主ánne讲：「Koh无gōa久，我beh koh一pái振动天kah地，kah海，kah干地。
2:7 我beh振动万国，万国所欣慕êē来，我to̍h hō͘荣光充满chit间殿。这是万军ê上主讲ê。」
2:8 万军ê上主讲：「银是我ê，金mā是我ê。
2:9 Chit间殿后来，ê荣光会赢过以前ê荣光。这是万军ê上主讲ê。Koh tī chitê所在，我beh赏赐平安。这是万军ê上主讲ê。」
2:10 先知向祭司请教
大利乌王二年九月二十四，上主ê话托先知哈该讲：
2:11 万军ê上主ánne讲：「关系tī律法，你thang问祭司，
2:12 讲：设使有人用衫á裾包圣ê肉，chitê衫á裾óa tio̍h饼，á是汤，á是酒，á是油，á是别种食物，chitê物kam2to̍h成做圣？」祭司应讲：「无lah。」
2:13 哈该koh讲：「设使有人摸tio̍h身尸无清气，来óa tio̍h chiahê物ê一项，chitê物kám ē成做污秽？」祭司应讲：「成做污秽。」
2:14 哈该to̍h应讲：「上主讲：『Tī我ê面前，chiahê人民是亲像ánne，chitê国mā是ánne；in ê手所做ta̍k种ê工mā lóng是ánne；in tī chia所献ê无清气。』」
2:15 上帝应允赐福
上主讲：「Taⁿ请lín想，chit日以前，圣殿iáu未有石头叠tī石头顶ê时。
2:16 经过hiahê时，人来到五谷堆，想beh得tio̍h二十斗，只有十斗。有人来到酒窟，想beh得tio̍h五十瓮，只有得tio̍h二十瓮。
2:17 Tī lín ê手所做一切ê工，我用枯焦、朽烂kah大雹phah lín，lín iáu koh无归向我。这是上主讲ê。
2:18 请lín tùi今á日起tio̍h用心想，tùi九月二十四建立上主殿ê地基ê时，lín tio̍h ánne思考。
2:19 粟仓kám iáu有种籽？葡萄树、无花果树、石榴树kah橄榄树lóng bē结果子。Tùi今á日起，我beh赐福hō͘ lín。」
2:20 上主对所罗巴伯ê应允
Hit月二十四，上主ê话第二pái临到哈该，讲：
2:21 「你tio̍h kā偤大ê总督所罗巴伯讲：我beh振动天kah地。
2:22 我beh chhia倒列国ê宝座，除灭ta̍k邦国ê势力，mā beh chhia倒战车kah坐车ê，马kah马兵lóngē倒落去，ta̍k个ē tùi伊ê兄弟ê刀来死。
2:23 万军ê上主讲：我ê奴仆—撒拉铁ê kiáⁿ所罗巴伯，当hit日，我beh召你，上主ánne讲：而且我beh用你做手指印，因为我bat拣选你。这是万军ê上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。