阿摩司书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 提哥亚牧者中间ê阿摩司ê话。Chiahê话to̍h是tī偤大王乌西亚年间，to̍h是以色列王约阿施（注：原译本根据「深文理委办译本」译做「Iok-hat」）ê kiáⁿ耶罗波安ê年间，地动以前两年，所看tio̍h关系以色列ê tāichì。
1:2 阿摩司讲：上主对锡安大声hoah，对耶路撒冷发出他ê声；牧者ê草场悲哀；迦密ê山顶干去。
1:3 上帝对以色列隔壁国ê审判
（1:3-2:5）
对亚南ê审判
上主ánne讲：「为tio̍h大马士革犯罪到第三pái，mā ē到第四pái，我无beh免除对她ê刑罚；因为伊用phah五谷ê铁器phah基列。
1:4 我beh降火tī哈设ê家，烧灭便哈达ê宫殿。
1:5 我beh斩断大马士革ê门闩，剪除亚扪平原ê人民，kah Bia̍t-e-tiān掌权柄ê。亚南人ē受掠去到吉珥。这是上主讲ê。」
1:6 对腓利士ê审判
上主ánne讲：「为tio̍h迦萨犯罪到第三pái，mā到第四pái，我无beh免除对她ê刑罚；因为in掠kui族ê人民交hō͘以东。
1:7 我beh降火tī迦萨ê城墙，kā它ê宫殿烧灭掉。
1:8 我beh剪除亚实突ê人民kah亚实基伦掌权柄ê，mā beh oa̍t-tńg身来攻击以革伦。腓利士人所chhun落来ê会 lóng灭亡。这是至koân上主讲ê。」
1:9 对推罗ê审判
上主ánne讲：「为tio̍h 推罗犯罪到第三pái，mā到第四pái，我无beh免除对她ê刑罚；因为in kā kui族ê人民交hō͘以东，mā bē记得兄弟ê盟约。
1:10 我beh降火tī推罗ê城墙，kā她ê宫殿烧灭掉。」
1:11 对以东ê审判
上主ánne讲：「为tio̍h以东犯罪到第三pái，mā到第四pái，我无beh免除对她ê刑罚；因为伊gia̍h刀jiok伊ê兄弟，lóng无怜悯，伊ê受气猛烈，发出来to̍h无soah，永远khǹg受气。
1:12 我beh降火tī提幔，kā波斯拉ê宫殿烧灭掉。」
1:13 对亚扪ê审判
上主ánne讲：「为tio̍h亚扪族犯罪到第三pái，mā到第四pái，我无beh免除她ê刑罚；因为in破开基列有娠孕ê chabó͘人，beh开阔in ê境界。
1:14 我beh tī交战喝喊 ê日子，卷螺á风ê狂风日子，起火tī拉巴ê城墙，kā她ê宫殿烧灭掉。
1:15 In ê王kah伊hiahê首领会做一下hō͘人掠去。这是上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。