但以理书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 南方ê王kah北方ê王
当玛代王—大利乌元年，我khiā起来，hō͘伊坚固勇壮。
11:2 Hitê天使讲：「Taⁿ我kā真实ê tāichì指示你。你看，波斯ē koh有三个王兴起，第四个会真好额，赢过其他hiahê王。伊túi伊ê好额成做强猛ê时，to̍h ē激动众人来攻击希腊国。
11:3 「然后ē有一个勇猛ê王起来，用大权来治理，照kakī ê意思来行。
11:4 伊兴起ê时，伊ê国会分裂，ǹg天ê四面ê方向分开，总是，无归伊ê kiáⁿ孙，mā bē比得伊以前所掌ê权；因为伊ê国会tú tio̍h受拔起来，归tī伊ê kiáⁿ孙以外ê别人。
11:5 「南方ê王会强猛，总是，伊ê大臣中间ē有一个比伊khah强猛，得tio̍h权，伊ê权会成做真大ê权。
11:6 过几nā年后，in ē相联合，南方ê国ê chabó͘ kiáⁿē来见北方ê王，ài beh立盟约；总是，chitê chabó͘ kiáⁿ帮赞ê力bē tàng久长，chitê王kah她帮赞ê力bē tàng存在。而且chitê chabó͘ kiáⁿ kah chhōa她来ê、生伊ê kah当时扶助伊ê，lóng ē hong5thâi死。
11:7 总是，chitê chabó͘ kiáⁿ ê本家ē koh出一个来续接王位，伊ēchhōa军队来，进入北方ê王ê险要所在，攻击in，kohthâi赢in；
11:8 mā kā in ê神明kah所铸ê偶像，以及银金ê宝器抢掠到埃及。几nā年久，伊lóng无koh去攻击北方ê王。
11:9 北方ê王会入去南方ê王ê国，总是，会犹原倒tńg去伊ê本所在。
11:10 「伊hiahê kiáⁿ会去交战，招集真chē军队。In会进前，亲像水泛滥tùi hia经过，然后koh去交战，直到对敌ê险要所在。
11:11 南方ê王会大受气，出来kah北方ê王交战；北方ê王会排列大军队，总是，大军队会交付tī南方ê王ê手。
11:12 南方ê王除去大军队了后，心就骄傲；伊虽然hō͘几nā万人倒落去，究竟无得tio̍h khah赢。
11:13 「北方ê王倒tńg来，beh koh排列大军队，比以前ê koh khah chē。过几nā年后，伊ē带大军队kah真chē军事装备来。
11:14 Hit时，ē有真chē人起来攻击南方ê王，而且你ê人民中间强暴ê人mā ē起来，ài beh hō͘异象得tio̍h应验，总是，inē败亡。
11:15 北方ê王ē来，mā ē起土堆来征服坚固ê城；南方ê军队会khiā bē tiâu，伊所拣ê人民mā无力thang khiā-tiâu。
11:16 总是，来攻击伊ê会chhut-chāi kakī ê意思来行，无人tī伊ê面前khiāē tiâu。伊ēkhiā tī荣耀ê地，伊ê手行剿灭。
11:17 「伊决意beh用全国ê力来，mā有正直ê人kah伊来，伊ē照kakī 意思行，koh ē用chabó͘人ê chabó͘ kiáⁿ hō͘南方ê王，beh kā伊败坏，总是，伊ê计划bē成立，mā无做伊ê利益。
11:18 Hit时了后，伊ēoa̍t-tńg身ǹg hiahê岛屿，真chēē hō͘它征服。总是，ē有一个大臣除去伊所施ê凌辱，koh hō͘ hitê凌辱归伊本身。
11:19 后来，伊beh oa̍t-tńg身ǹg kakī 国内ê险要所在，总是，伊ē脚踢tio̍h来跋倒，到尾无koh hông看tio̍h。
11:20 「Hit时，ē有一个人起来续接伊ê位，hō͘一个勒索ê遍行国内荣耀ê地。总是，无几日内伊ē灭亡；m̄是tùi受气，mā m̄是tùi交战。」
11:21 南方ê暴君
Hitê天使继续讲：「ē有一个卑贱ê人起来，续接伊ê位。人m̄ bat用国ê荣光hō͘伊，伊是趁人无提防ê时，用扶挺来得tio̍h国。
11:22 大队ê兵力ē tī伊ê面前受毁灭，ná亲像hō͘大水流去；仝会盟ê君王mā ē ánne。
11:23 立约了后，伊ē行诡诈，用少少ê人民成做强猛。
11:24 趁人无提防ê时，伊ē来到省内ê肥地，mā ē行伊ê祖先kah in ê祖先所m̄ bat行ê；伊ē用所抢ê、所劫ê kah财物分散hō͘人，koh ē设计谋来攻击chiahê险要ê所在，直到伊ê时期。
11:25 「伊ēphah拚奋志，用大阵ê军队攻击南方ê王；南方ê王mā ē用极大极强ê军兵kah伊交战，总是，伊khiā bē tiâu，因为有人设计谋beh来害伊。
11:26 食伊ê俸禄êē kā伊灭掉；伊ê军兵会四散，而且受thâiê真chē。
11:27 Chit两 个王心存pháiⁿ意，仝桌ê时讲白贼；总是，in ê计谋bē成，因为到定tio̍h ê期，in ê终局to̍h ē到。
11:28 北方ê王会带真chē财物倒tńg去伊本国。总是，伊ê心反对圣约，伊照ē照伊kakī ê意思行，然后倒tńg去本国。
11:29 「到定tio̍h ê期，伊ē倒tńg来到南方。总是，chit路尾pái ê结局会无亲像顶pái。
11:30 因为基提ê船ē来攻击伊，致使伊心忧闷，to̍h倒tńg去。伊koh痛恨圣约，照伊kakī ê意思来行；伊ē倒tńg来，kah弃sak圣约ê人做伙计谋。
11:31 伊ē发动军兵，inē kā hitê城堡ê圣所òe lahsap，除去日日所献ê祭祀，设立hitê残害、可恶ê物。
11:32 行pháiⁿ背约ê人，伊ē用扶挺ê话引诱in；独独bat in ê上帝ê子民，会勇敢做tāichì。
11:33 人民中间有智慧ê人ē教示真chē人；总是，in有真chē日ē tùi刀剑、火烧、受掠、受抢来失败。
11:34 In失败ê时，会略略á得tio̍h扶助，mā有真chē人ē用扶挺来kah in结联。
11:35 智慧ê人ê中间有ê会失败，用ánne来锻炼in，hō͘ in清气，hō͘ in白白，一直到路尾ê日；因为到定tio̍h ê期，终局to̍h到。
11:36 「Hitê王会chhut-chāi kakī ê意思来行，会骄傲自高，pôaⁿ过一切ê神明，koh用奇异ê话攻击chiahê神明ê上帝。伊ē兴通到大受气了后，因为所定tio̍h ê tāichì一定ē成。
11:37 伊无beh要紧伊ê祖先ê神明kah chabó͘人所欣慕ê，无论啥物神明伊lóng无teh要紧；因为伊ē自高，pôaⁿ过一切。
11:38 伊ētī伊ê位敬拜城堡ê神明kah伊ê祖先所m̄ bat ê神明，伊ē用金、银、玉石kah宝物来敬拜伊。
11:39 伊ēóa靠别种ê神明，来设法坚固伊ê城堡。所有承认伊ê，伊ē kā荣光hō͘ in，mā ē hō͘ in管辖真chē人，koh ē分土地kā in报赏。
11:40 「到路尾ê时，南方ê王ē来触犯伊。北方ê王会攻击伊，亲像卷螺á风，用车、用马兵，koh用真chē船只，mā ē进入hiahê国，亲像泛滥ê水经过。
11:41 伊koh ē进入荣耀ê地，真chē国hō͘伊chhia倒；独独以东、摩押kah亚扪kiáⁿ孙尊贵ê人ē tàng脱离伊ê手。
11:42 伊ē伸手攻击列国；埃及地mā bē tàng脱离伊ê手。
11:43 伊ē掌管埃及ê金银财宝以及所有ê宝物；利比亚kah古实人lóngē来跟tòe伊。
11:44 总是，tùi东tùi北，ē有消息传到，来扰乱伊，伊ē大受气出去，除灭真chē人。
11:45 伊ētī海kah荣耀ê圣山ê中间搭伊宫殿ê布棚；总是，伊teh beh到伊ê终局，而且无kā伊帮赞ê人。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。