但以理书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 尼布甲尼撒ê梦
尼布甲尼撒坐位第二年，伊梦见一个梦，心烦kah bē困得。
2:2 王命令召星象家、术士、司公kah迦勒底人来，ài in用王ê梦kā伊解梦。Into̍h来，khiā tī王ê面前。
2:3 王kā in讲：「我有梦见一个梦，我ê心烦，ài beh知hitê梦是啥物意思。」
2:4 迦勒底人用亚南ê腔口对王讲：「愿王万岁！请kā你hitê梦对你chiahê奴仆讲，阮就ē kā你解明。」
2:5 王应迦勒底人讲：「Hitê tāichì我已经bē记得à，lín若无kā我所梦见ê讲hō͘我听，koh kā它解明，我to̍h beh kā lín ê肉割kah碎碎，lín ê厝mā ē变做粪埽堆。
2:6 总是，lín若kā我所梦见ê kā我讲，koh kā它解明，línē tùi我得tio̍h奖品、报赏kah大荣光。Taⁿ lín tio̍h kā我所梦见ê讲hō͘我听，koh kā它解明。」
2:7 In第二pái koh对王讲：「请王kā所梦见ê对chiahê奴仆讲，阮就ē kā它解明。」
2:8 王应讲：「我准准知lín是刁（thiau）工延chhiân，因为lín知hitê梦我已经bē记得à。
2:9 Lín若无kā我所梦见ê kā我解梦，我to̍h只有一个方法thang kā lín款待；因为lín已经有准备beh对我chhìn-chhái讲讲lè，koh teh thèng候时势ê改变。Taⁿ lín tio̍h kā我所梦见ê kā我解梦，我to̍h知línē kā它解明。」
2:10 迦勒底人tī王ê面前应讲：「王ê chit款要求，地chiūⁿ无人讲ē出；因为m̄ bat有君王、大臣、掌权者要求星象家，á是术士，á是迦勒底人tio̍h ánne做。」
2:11 王所问ê是稀奇ê tāichì。除去无kah世间人做伙tòa ê神明以外，无一个tī王ê面前讲ē出。」
2:12 王受气，非常受气，就下命令kā巴比伦所有智慧ê人剿灭。
2:13 就ánne，王出命令behthâi智慧ê人，to̍h chhōe但以理kah伊ê同伴，beh去thâṳn。
2:14 上主kā梦ê意思指示但以理
王ê侍卫长—亚略出来，behthâi巴比伦智慧ê人，但以理用精通智慧ê话应伊。
2:15 伊对王ê侍卫长—亚略，讲：「王所出ê命令ná ē kah chiah紧急？」亚略to̍h kā chitê tāichì对但以理讲。
2:16 但以理to̍h入去，求王宽限，to̍h beh kā梦对王解明。
2:17 但以理倒tńg去伊ê厝，kā chitê tāichì kā伊ê同伴哈拿尼雅、米沙利kah亚撒利雅讲，
2:18 ài in为tio̍h chitê秘密ê tāichì，去祈求天顶ê上帝怜悯，免得但以理kah伊ê同伴，以及巴比伦其他智慧ê人做伙灭亡。
2:19 Chitê秘密ê tāichìto̍h tī暗时ê异象中，对但以理显明。但以理to̍h oló天顶ê上帝。
2:20 但以理讲：「上帝ê名应该受oló到永远，因为智慧kah权能lóng属tī他。
2:21 他变换时期kah节季，他废除王，mā设立王；kā智慧hō͘智慧ê人，kā智识hō͘聪明ê人。
2:22 他指示深奥秘密ê tāichì；暗中所有ê，他lóng知，光mā kah他做伙tòa。
2:23 我ê祖先ê上帝ah，我感谢祢、oló祢，因为祢赏赐我智慧kah才能，taⁿ祢kā阮对祢所求ê已经指示我，因为祢有kā王ê tāichì指示阮。」
2:24 但以理为王解梦
Tùi hit时起，但以理入去见亚略，to̍h是王所派来剿灭巴比伦hiahê智慧ê人ê。伊去kā伊讲：「M̄-thang剿灭巴比伦hiahê智慧ê人，chhōa我去到王ê面前，我beh kā梦对王解明。」
2:25 亚略随时chhōa但以理去到王ê面前，对伊讲：「我tī偤大受掠ê人ê中间tú tio̍h一个人，伊ē kā梦kā王解明。」
2:26 王对叫做Bel-ti-sia-chal ê但以理讲：「你kám ē tàng kā我所梦tio̍h ê梦kā我讲，koh kā我解明？」
2:27 但以理tī王ê面前应讲：「王所问ê秘密，智慧ê人、术士、星象家kah卜卦ê lóng bē晓kā王指明；
2:28 总是，天顶有一位上帝会显明秘密ê tāichì。Taⁿ他有用将来teh beh发生ê tāichì来指示尼布甲尼撒王。你所梦见ê kah你tī床里所想ê异象是ánne：
2:29 「王，你tī床里想tio̍h将来ê tāichì，hit位显明秘密ê tāichì ・êē kā将来teh beh有ê tāichì指示你。
2:30 若是讲tio̍h我，hitê秘密ê tāichì会显明tī我，m̄是因为我有智慧赢过一切活leh ê人，是为tio̍h beh解明hō͘王知，koh hō͘你知你ê心ê心思意念。
2:31 「王，你teh看，to̍h看tio̍h有一sian大像，chitê像真高，非常灿烂，khiā tī你ê面前，它ê形状真惊人。
2:32 Chitê像，它ê头壳是纯金ê，它ê胸坎kah手骨是银ê，腹肚kah大腿是铜ê，
2:33 它ê脚腿是铁ê，它ê脚盘一半铁，一半土ê。
2:34 你ē看tio̍h有一块石phah出来，m̄是用手phah-ê，扛tio̍h hit sian像ê铁kah土ê脚盘，kā in phah破。
2:35 就ánne，hitê铁、土、铜、银kah金做一下phah kah碎碎，变做ná热天稻埕ê粗糠，hō͘风吹散，无koh有in ê所在。而且chitê扛tio̍h像ê石ē变做大山，充满全地。
2:36 「这to̍h是hitê梦。阮taⁿ beh tī王ê面前kā它解明。
2:37 王，你是列王ê王，天顶ê上帝已经kā国度、权柄、能力kah荣光赏赐hō͘你。
2:38 见若有世间人tòa ê所在，连山野ê走兽、空中ê飞鸟，他lóng交付tī你ê手，hō͘你掌管chiahê一切。你to̍h是hitê金ê头壳。
2:39 你以后ē koh兴起一个国，她不如你ê国，然后koh有第三国，to̍h是铜ê，beh来掌管天下。
2:40 第四国会坚定亲像铁，铁会phah破万物来hō͘它屈服；koh亲像铁teh碎一切，伊mā ēphah破列国，kā in teh碎。
2:41 你mā看tio̍h它ê脚盘kah脚指头á，一半是烧磁ê土，一半是铁，hitê国mā ē分开。总是，你看tio̍h铁kah烂土相参，chitê国mā ē有亲像铁ê力。
2:42 Hiahê脚指头á既然一半是铁一半是土，ánne，hitê国会一半强一半弱。
2:43 你既然看tio̍h铁kah烂土相参，in mā ē kah人ê种族相参，总是，双方彼此bē相合，亲像铁kah土bē相参得。
2:44 当hiahê列王ê日，天顶ê上帝会设立一个国，永远bē废除，她ê权柄bē tàng归tī别国，总是，她会毁坏hiahê国，来kā in灭掉，kakī ē永远khiā在。
2:45 你看tio̍h有石tùi山里phah出来，m̄是用手phah-ê，来phah破hitê铁、铜、土、银kah金，这to̍h是至大ê上帝用将来teh beh发生ê tāichì指示王。Hitê梦是真ê，hitê解明是确实ê。」
2:46 王奖赏但以理
然后，尼布甲尼撒王仆tī土脚，拜但以理，命令用礼物kah芳料献hō͘伊。
2:47 王应但以理讲：「你已经会显明chitê秘密ê tāichì，lín ê上帝真正是chiahê神明ê上帝，chiahê王ê主，koh是显明hiahê秘密ê。」
2:48 Tùi hit时起，王高升但以理，赏赐伊真chē上品ê礼物，派伊管理巴比伦全省，koh做总理来掌管巴比伦一切智慧ê人。
2:49 但以理求王，王to̍h派Sia-to-la̍k、Me-siak kah A-bia̍t-ne-go͘来管理巴比伦省ê事务，独独但以理跟tòe tī王宫。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。