以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
48:1 各支族分配土地
支族ê名照下底所记ê：tùi极北ê界，tùi Hiat-lông ê路，到哈马出入ê所在，tī大马士革境界Ha-chal-e-nán ǹg北近óa 哈马 ê地，tùi东到西，但支族一份。
48:2 Óa近但族ê地界，tùi东到西，亚设支族一份。
48:3 Óa近亚设ê地界，tùi东到西，拿弗他利支族一份。
48:4 Óa近拿弗他利ê地界，tùi东到西，玛拿西支族一份。
48:5 Óa近玛拿西ê地界，tùi东到西，以法连支族一份。
48:6 Óa近以法连ê地界，tùi东到西，流便支族一份。
48:7 Óa近流便ê地界，tùi东到西，偤大支族一份。
48:8 中部地区
Óa近偤大ê地界，tùi东到西，是lín所献ê地，阔二万五千篙尺，tùi东到西，长kah hiahê份ê一个相仝，圣所tī hit中间。
48:9 Lín所献hō͘上主ê地tio̍h长二万五千篙尺，阔一万。
48:10 所献ê圣地tio̍h归hō͘祭司，北pêng长二万五千，西pêng阔一万，东pêng阔一万，南pêng长二万五千。上主ê圣所tī hit中央。
48:11 Tio̍h归hō͘撒督ê kiáⁿ孙中成做圣ê祭司，to̍h是顾守我所交带ê。当以色列人行迷路ê时，in无亲像利未人行迷路ánne teh行迷路。
48:12 Chitê tio̍h归hō͘ in，to̍h是tùi所献ê全地中间献hō͘ in做至圣ê，óa近利未人ê地界。
48:13 利未人所得tio̍h ê地tio̍h长二万五千，阔一万，kah祭司ê地界仝款，所有lóng是长二万五千，阔一万。
48:14 Chitê地m̄ thang卖，m̄ thang对换，起头熟ê物m̄ thang归hō͘别人，因为是归tī上主做圣ê。
48:15 所chhun落来五千肘阔ê地，是tī hitê二万五千肘ê头前，tio̍h做平常ê路用，thang起城、起厝kah做郊野ê地。城tio̍h tī hit中央。
48:16 它ê寸尺to̍h是ánne：北面四千五百，南面四千五百，东面四千五百，西面四千五百。
48:17 城tio̍h有郊野，ǹg北两百五十，ǹg南两百五十，ǹg东两百五十，ǹg西两百五十。
48:18 以外所chhun落来ê长kah所献ê圣地相仝，ǹg东一万，ǹg西一万，koh kah所献ê圣地相仝；其中所出产beh hō͘城内做工ê人做食物。
48:19 Tùi以色列众支族ê中间，tī城内做工êē tī hia种作。
48:20 Lín所献ê全地，长二万五千，阔二万五千。Lín所献ê圣地kah属tī城ê地是四角形ê。
48:21 所献ê圣地以及属tī城ê地，双pêng chhun落来ê地tio̍h归tī君王。所献ê地tī hit二万五千ê头前到东pêng ê界，koh ǹg西tī hit二万五千ê头前到西pêng ê界，kah hiahê份ê地相仝，lóng归tī君王。所献ê圣地kah殿ê圣地lóng tī hit内面。
48:22 Koh tùi利未人ê产业，tùi属tī城ê产业，是属君王ê ê中间，tī偤大ê界kah便雅悯ê界ê中间，lóng归tī君王ê。
48:23 其他支族ê土地
讲tio̍h其他ê支族，tùi东到西；便雅悯一份。
48:24 Óa近便雅悯ê地界，tùi东到西，西缅一份。
48:25 Óa近西缅ê地界，tùi东到西，以萨迦一份。
48:26 Óa近以萨迦ê地界，tùi东到西，西布伦一份。
48:27 Óa近西布伦ê地界，tùi东到西，迦得一份。
48:28 Óa近迦得ê地界，南pêng ǹg南，hitê地界tùi他玛到Me-lí-bah-ka-te-sih ê水，到埃及ê溪，thàng到大海。
48:29 这是lín tio̍h拈阄分hō͘以色列ê支族做产业ê地，in ta̍k个所得tio̍h ê产业to̍h是ánne。这是至koân上主所讲ê。
48:30 耶路撒冷ê城门
Tùi城出去ê路是照下面所记ê：tī北面照所量ê，四千五百篙尺。
48:31 城hiahê门tio̍h照以色列支族ê名。北面有三个门：流便ê门一个，偤大ê门一个，利未ê门一个。
48:32 东面四千五百，有三个门：约瑟ê门一个，便雅悯ê门一个，但ê门一个。
48:33 南面四千五百，有三个门：西缅ê门一个，以萨迦ê门一个，西布伦ê门一个。
48:34 西缅四千五百，有三个门：迦得ê门一个，亚设ê门一个，拿弗他利ê门一个。
48:35 城四箍围总共一万八千。Tùi hit日以后，城ê名叫做「上主tī hia」。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。