以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
14:1 上主责备拜偶像
有几nā个以色列ê长老来我chia，坐tī我ê面前。
14:2 上主ê话就临到我，讲：
14:3 「人子，chiahê人已经kā in ê偶像接纳tī in ê心，koh hēē致使犯罪ê阻碍tī kakī ê面前。我kám ē hō͘伊问啥物？
14:4 「所以，你tio̍h对in讲：『至koân上主ánne讲：以色列ê子民中间，见若接纳伊ê偶像tī伊ê心内ê人，koh hēē致使犯罪阻碍tī伊kakī ê面前，koh来见先知ê，我—上主tī伊所求ê tāichì，beh照伊ê chē-chē偶像来应答伊，
14:5 致使我thang hō͘以色列ê子民心内kakī 责备，因为in lóng为tio̍h in ê偶像来kah我疏远。』
14:6 「所以，你tio̍h kā以色列ê子民讲：至koân上主ánne讲：『Tio̍h回头，oa̍t tńg来离开lín ê偶像，oa̍t-tńg面，m̄ thang遵thàn lín一切可恶ê tāichì。』
14:7 因为以色列ê子民á是tī以色列中寄脚ê出外人，见若kah我隔断，接纳伊ê偶像tī伊ê心内，koh hēē致使犯罪ê阻碍tī伊kakī ê面前，koh来见先知，想beh为kakī ê tāichì来问我ê，我—上主beh亲身kā伊应答。
14:8 我beh对hit款人变面，hō͘伊做人ê鉴戒，hō͘人做话柄，hō͘人tio̍h惊kah gāng去，我mā beh tùi我ê子民中kā伊剪除。Lin2to̍h ē知我是上主。
14:9 「先知若迷惑来讲一句话，to̍h是我—上主迷惑hitê先知；我mā beh伸手kā伊攻击，kā伊tùi我ê以色列子民中除灭。
14:10 In会担当kakī ê罪过。先知ê罪过kah来求问伊ê人ê罪过lóng是仝款，
14:11 thang hō͘以色列ê子民无koh行迷路离开我，无koh因为ta̍k种ê罪过kā kakī òe lahsap。总是，in ē做我ê子民，我beh做in ê上帝。这是至koân上主讲ê。」
14:12 挪亚、但以理、约伯
上主ê话临到我，讲：
14:13 「人子，若有国tùi in ê悖逆来得罪我，我mā beh伸手kā它攻击，断绝它所óa靠ê米粮，hō͘饥荒临到tī它，tùi in中间剪除人kah chengseⁿ；
14:14 其中虽然有挪亚、但以理、约伯chit三个人，in只有ē因为in ê义来救kakī ê性命niā-niā。这是至koân上主讲ê。
14:15 「我若hō͘恶兽经过hitê地来kā它损坏，hō͘ hit所在荒废，因为chiahê兽ê缘故，致使无人tùi hia经过；
14:16 虽然有chit三个人tī in中间，至koân上主讲：我kí我ê永远活命来chiùchōa，in bē tàng救in ê kiáⁿ儿，只有in本身得tio̍h救niā-niā，地方犹原荒废。
14:17 「Á是我hō͘刀剑临到hitê所在，讲：刀剑，你tio̍h经过hitê所在，致使我tùi in中间剪除人kah chengseⁿ；
14:18 虽然有chit三个人tī in中间，至koân上主讲：我kí我ê永远活命来chiùchōa，in bē tàng救in ê kiáⁿ儿，只有in本身得tio̍h救niā-niā。
14:19 「Á是我hō͘瘟疫流行tī hitê所在，hō͘我piàⁿ出消灭性命ê大受气tī in ê顶面，thang tùi in中间剪除人kah chengseⁿ；
14:20 虽然有挪亚、但以理、约伯tī in中间，至koân上主讲：我指我ê永远活命来chiùchōa，in bē tàng救in ê kiáⁿ儿，只有ē因为in ê义来救kakī ê性命niā-niā。」
14:21 至koân上主ánne讲：「何况我kā我四项ê大灾祸，to̍h是刀剑、饥荒、恶兽、瘟疫，降落tī耶路撒冷，tùi hit中间剪除人kah chengseⁿ，kám m̄是koh khah bē tàng救得？
14:22 你看，ē有所chhun落来ê人留teh，to̍h是受掠出来ê kiáⁿ儿；你看，inē出来到lín chia，lín会看tio̍h in ê所行、所做，讲tio̍h我所降落tī耶路撒冷ê灾祸，to̍h是我一切降落tī in顶面ê，lín to̍h ē得tio̍h安慰。
14:23 Lín看tio̍h in ê所行、所做，to̍h ē受安慰，to̍h ē知我tī耶路撒冷所行ê m̄是无缘无故。」这是至koân上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。