以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 耶路撒冷Hông判罪
上主ê圣神to̍h kā我举起，chhōa我到上主ê殿ǹg东ê东门。你看，tī门口有二十五个人，我看tio̍h in中间有人民ê贵族A-chù-l ê kiáⁿ Ia-cha-niah kah比拿亚ê kiáⁿ毗拉提。
11:2 他kā我讲：「人子，这to̍h是图谋罪恶ê人，tī chitê城内提倡pháiⁿ事。
11:3 In讲：『起厝ê期iáu未到，chitê城是鼎，阮是hit内面ê肉。』
11:4 人子，因为ánne，你tio̍h宣布，tio̍h宣布来kā in攻击。」
11:5 上主ê圣神临到我，对我讲：「你tio̍h讲，上主ánne讲：以色列ê子民，lín讲ánne，lín ê心所想ê，我知à。
11:6 Lín tī chitê城内thâi死真chē人，hō͘身尸满街路。
11:7 「所以，至koân上主ánne讲：Lín所hē tī chitê城内ê死人to̍h是肉，chitê城to̍h是鼎；总是，lín会 tùi hit中间hông赶出去。
11:8 Lín惊刀剑，我beh hō͘刀剑临到lín。这是至koân上主讲ê。
11:9 我beh tùi hit中间chhōa lín出去，交tī外邦人ê手，koh beh tī lín中间行审判。
11:10 Línē倒tī刀下，我beh tī以色列ê交界审判lín，lín to̍h ē知我是上主。
11:11 Chitê城无beh做lín ê鼎，lín mā无beh做hit中间ê肉。我beh tī以色列ê交界审判lín，
11:12 lín to̍h ē知我是上主，因为lín无行我ê律例，mā无顺服我ê法度，to̍h是去遵守lín四箍围列国ê法度。」
11:13 我tú-á teh宣布ê时，比拿亚ê kiáⁿ毗拉提死去。我to̍h仆tī土脚，大声hoah：「Hāiⁿ ah！至koân上主ah，祢beh kā以色列ê人全部剿灭，是无？」
11:14 上帝对流亡者ê应允
上主ê话临到我，讲：
11:15 「人子，tòa tī耶路撒冷ê人民，对你ê兄弟—to̍h是你ê兄弟、你ê亲人kah以色列全家，to̍h是对群众讲：『Lín tio̍h离开上主！因为chitê地是hō͘阮做产业ê。』
11:16 「所以，你tio̍h讲：『至koân上主ánne讲：我虽然kā in迁徙去远远，tī列邦中，四散in tī列国中，我iáu beh tī in所到ê国，暂时做in ê圣所。』
11:17 「所以你tio̍h讲：『至koân上主ánne讲：我beh tùi chiahê人民中间招集lín，mā beh tùi lín四散去到ê列国中kā lín聚集óa来，koh beh kā以色列地赏赐hō͘ lín。』
11:18 In会去到hia，mā ētùi in中间除去一切可恶koh thang怨恨ê物。
11:19 我beh hō͘ in有专一ê心，mā beh kā新ê神灵hē tī in ê内面，koh beh tùi in ê肉体中除去hit款亲像石头ê心，赏赐hō͘ in hit款亲像肉ê心，
11:20 hō͘ in thang顺服我ê律例，遵守我ê法度来行。In做我ê子民，我mā beh做in ê上帝。
11:21 总是，心遵thàn可恶thang讨厌ê ê心hit款人，我beh照in所行ê报应tī in ê头壳顶。这是至koân上主讲ê。」
11:22 上帝ê荣耀离开耶路撒冷
Hit时，ki-lō͘-peng thí开in ê翼，hiahê轮mā tī in ê边a；tī in ê顶面有以色列上帝ê荣光。
11:23 上主ê荣光tùi城中上去，歇tī城外东pêng ê山。
11:24 神灵kā我举起，tī异象中tùi上帝ê灵chhōa我到迦勒底受掠ê人hia；我所看tio̍h ê异象，to̍h离开我上去。
11:25 我to̍h kā上主所指示我一切ê tāichì，lóng讲hō͘受掠ê人听。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。