耶利米书 线上收听:中文和合本 现代中文译本修订版 台语圣经 客语 福州话 希伯来文读经 下载档案 关于语音圣经
50:1 巴比伦受占领
上主托耶利米先知论巴比伦，论迦勒底人ê地，所讲ê话：
50:2 「Lín tio̍h tī列邦中传播hō͘ in听tio̍h，tio̍h khiā大旗；tio̍h hō͘ in听tio̍h，公开讲：巴比伦受攻破，Be-l见笑，Me-lo-tak phah-pháiⁿ，伊ê佛 lóng见笑，伊ê偶像lóng phah-pháiⁿ。
50:3 「因为有一国tùi北方起来攻击伊，beh hō͘伊ê地抛荒，无人tòa，人kah chengseⁿ lóng走去。」
50:4 以色列人Tńg去本国
上主讲：「Hit日hit时，以色列人ē来，inē kah偤大人做伙来，in ē行路，ná行ná哮，来chhōe in ê上帝—上主。
50:5 In问锡安ê tāichì，面ǹg hia，讲：『来lah，lín tio̍h结永远无bē记得ê约，来kah上主联合。』
50:6 「我ê人民做迷路ê羊，in ê牧者hō͘ in行叉路，hō͘ in oat去山里。In tùi大山行到小山，bē记得in安息ê所在。
50:7 见若tú tio̍h in ê会吞食in。In chiahê对敌讲：『阮无罪，因为in得罪上主，to̍h是公义tòa ê所在，mā是in ê祖先所ǹg望ê上主。』
50:8 「Lín tio̍h tùi巴比伦中逃走，tùi迦勒底人ê地出去，tio̍h亲像公ê山羊tī羊群ê头前。
50:9 我beh激起真chē大国tùi北方做伙来攻击巴比伦，in ē排阵来攻击；它ē tùi hia受攻破。In ê箭ē亲像gâu射ê勇士ê箭，lóng无空空倒tńg来。
50:10 迦勒底ē hō͘人抢去；见若抢它ê lóng ē满意。这是上主讲ê。」
50:11 巴比伦陷落
上主讲：「巴比伦人，抢我ê产业ê，因为lín欢喜快乐，因为lín跳来跳去，亲像踏五谷ê牛母，mā teh哮亲像勇ê 马。
50:12 Lín ê老母会见笑到极，生你ê一定漏气。你看，伊ēhông列tī chiahê国ê路尾，成做旷野，做干燥ê地，做沙漠。
50:13 因为上主ê大受气，一定无人tòa tī hia，会全然抛荒；见若经过巴比伦êē tio̍h惊kah gāng去，mā ē因为她所tú tio̍h chiahê灾祸，来kā她耻笑。
50:14 「开弓ê人，lín tio̍h tī巴比伦ê四箍围排阵，tio̍h射箭kā它攻击，m̄ thang保惜lín ê箭，因为它有得罪上主。
50:15 Lín tio̍h tī它ê四箍围喝喊（hoah-hiàm）；伊已经投降。伊ê营寨倒坏à，城墙拆毁à；因为这是上主报仇ê tāichì。Lín tio̍h ǹg伊报仇；伊án怎款待人，mā tio̍h ánne kā伊款待。
50:16 Lín tio̍h tùi巴比伦剪除掖种ê kah收割ê时gia̍h镰á ê。因为惊压制ê刀剑ta̍k人ē倒tńg去本族，ta̍k人ē走到本所在。」
50:17 以色列人回国
上主讲：「以色列人是四散ê羊，是hō͘狮赶走ê。Tāi先是亚述王kā伊吞食，路尾chitê巴比伦王—尼布甲尼撒at断伊ê骨头。」
50:18 所以，万军ê上主—以色列ê上帝ánne讲：「你看，我beh刑罚巴比伦王kah伊ê地，亲像我bat刑罚亚述王ánne。
50:19 我beh koh chhōa以色列人tńg来伊ê草场，伊beh tī迦密 kah巴珊食草，koh tī以法连山kah基列地，伊ê心得tio̍h饱足。
50:20 Hit日hit时，我beh查以色列ê罪过，mā lóng查无；我beh chhōe偤大ê罪恶，mā lóng chhōe无；因为我所留落来ê子民我ē kā in赦免。」
50:21 上主审判巴比伦
上主讲：「Tio̍h tńg去攻击Me-la-tha-im ê地kah tòa tī Pe-ko͘t ê人民。Tio̍h jiok去kā in全部thâi死，照我所吩咐你ê一切去行。
50:22 境内有交战ê声kah大毁灭。
50:23 Phah全地ê大支槌ná ē phah断毁坏？巴比伦tī列国中ná ē teh抛荒？
50:24 巴比伦，我为你设活tauh，你hō͘它tauh tio̍h mā m̄知。你hō͘人chhōe ・tio̍h、掠tio̍h，因为你kah上主做对敌。
50:25 上主已经开他ê军装库，gia̍h出他大受气ê器械；因为主—万军ê上主，有tāichì beh tī迦勒底人ê地发生。
50:26 Lín tio̍h tùi极远ê边界来攻击她，开她ê粟仓，kā她hiat做土堆，全部kā她灭掉，无留kah半项。
50:27 Tioh8thâi她所有ê牛káng，hō͘ in落去受thâi。In有灾祸ah！因为办in ê日，hitê期已经到。」
50:28 （有tùi巴比伦地逃走出来ê人ê声，tī锡安报告上主—咱ê上帝来报仇，to̍h是他beh为tio̍h他ê殿来报仇。）
50:29 「Tio̍h招集射箭ê兵，to̍h是所有会开弓ê，来攻击巴比伦。Tī她ê四箍围扎营，来kā她phah，m̄ thang hō͘她走kah一个，照她所做ê来kā她报应；伊án怎款待人，tio̍h照ánne来kā她款待，因为她骄傲悖逆上主—以色列ê圣ê。
50:30 因为ánne，她ê少年人ētī伊ê街路倒落去。当hit日，她所有ê兵á lóng ē灭亡。这是上主讲ê。
50:31 「你看，骄傲ê巴比伦人，我beh做你ê对敌，因为我办你ê日，hitê期已经到。
50:32 骄傲ê脚踢tio̍h来跋倒，无人kā伊扶起来。我beh hō͘火tī你hiahê城to̍h起来，kā她四箍围所有ê全部烧烧去。」
50:33 万军ê上主ánne讲：「以色列人kah偤大人平平受压制；所有掠in ê lóng kā in顾tiâu-tiâu，m̄肯放in去。
50:34 救赎in ê有大气力，他ê名叫做万军ê上主。他ē为in申冤，hō͘全地得tio̍h平安，mā hō͘ tòa tī巴比伦ê人民phi̍h-phi̍h chhoah。」
50:35 上主讲：有刀剑会临到迦勒底人kah tòa tī巴比伦ê人民，kah in ê贵族，kah in ê星象家。
50:36 有刀剑会临到夸口ê人，in to̍h成做戆人；有刀剑临到伊ê勇士，in to̍h起惊惶。
50:37 有刀剑临到伊ê马、伊ê车kah其中ê杂色人；inē亲像chabó͘人。有刀剑临到伊ê宝物，伊to̍h受抢夺。
50:38 有炕旱临到伊所有ê水，to̍h ē干干去；因为这是雕刻偶像ê地，人因为神佛来颠狂。
50:39 所以，旷野ê走兽kah豺狼会tòa tī hia，刀剑mā ē tiàm tī hit中间，永远无人烟，代代无人tòa。
50:40 上主讲：的确无人tòa tī hia，mā无人寄脚tī in中间，ē亲像我—上帝chhia倒所多玛、蛾摩拉kah附近ê城ánne。
50:41 你看，有人民tùi北方来，mā有大国kah真chē君王受激动，tùi地极来。
50:42 In gia̍h弓kah枪，残忍无怜悯；in ê声亲像海涌hōa-hōa哮。In骑马排队，亲像上阵ê人，巴比伦ê城，in beh来攻击你。
50:43 巴比伦王听tio̍h in ê风声，手就软落去；痛苦kā伊擒tiâu，痛疼亲像beh生kiáⁿ ê chabó͘人。
50:44 你看，伊ē亲像狮tùi约旦河边ê树林起来，攻击坚固tòa ê所在。一目nih久，我beh hō͘ in逃走，离开chitê所在。啥人受拣选，我to̍h派伊治理chitê地。啥人ē比-得我？啥人ē kā我定一个期？有啥物牧者ē tàng khiā tī我ê面前？
50:45 所以，lín tio̍h听上主所计画beh攻击巴比伦ê计策，以及他所定tio̍h beh攻击迦勒底ê旨意。In定tio̍h beh kā hiahê细只羊群拖去。他mā ē hō͘ in tòa ê所在荒废。
50:46 因为巴比伦倒坏ê声，地就摇动，in大声hoah ê声传到tī列邦中。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。