耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
49:1 上主审判亚扪
关系亚扪，上主ánne讲：「以色列kám无kiáⁿ？Kám无后嗣？Mal-kam ná ē得tio̍h迦得ê地做产业，伊ê人民ná ē tòa tī伊中间hiahê城？
49:2 你看，日子teh beh到，我beh hō͘交战ê声tī亚扪族ê拉巴听tio̍h，它会成做抛荒ê土堆；它chiahê城会 hō͘火烧，以前占以色列ê，taⁿē hō͘以色列占倒tńg来。这是上主讲ê。
49:3 「希实本人，你tio̍h哀哭，因为艾（ai）城变做抛荒。拉巴ê人民，你tio̍h大声hoah，用麻布縖腰；tio̍h啼哭，tī篱笆中行来行去；因为Mal-kam kah伊ê祭司、贵族会做一下hō͘人掠去。
49:4 悖逆ê人民，lín ná ē因为hiahê山谷，to̍h是有水滋润ê山谷来夸口？你óa靠财宝，讲：啥人ē来到阮chia。
49:5 我—主—万军ê上主ánne讲：你看，我beh hō͘惊惶tùi四箍围临到tī lín，línē受赶出，ta̍k人直直走去，走无路ê无人thang收留。
49:6 「总是，后来，我ē hō͘亚扪族受掠ê人倒tńg来。这是上主讲ê。」
49:7 上主审判以东
关系以东，万军ê上主ánne讲：「Tī提幔kám无koh有智慧？聪明ê人kám无koh有计画？In ê智慧kám无去à？
49:8 底但ê人民，你tio̍h退去，tio̍h去逃走，tio̍h bih去隐密ê所在；因为我刑罚以扫ê时，我beh hō͘伊ê灾祸临到tī伊。
49:9 挽葡萄ê若到你hia挽，kám无iáu留几粒á？贼á若暗时来，kám m̄是损坏到满意niā-niā？
49:10 总是，我hō͘以扫光溜溜，露现伊隐密ê所在，致使无tè thang bih。伊ê kiáⁿ孙，伊ê兄弟，伊ê厝边lóng失败，伊mā归tī空空。
49:11 Tio̍h kā你ê孤儿放下teh，我ē kā in保全hō͘ in活落去；你chiahê寡妇，mā tio̍h óa靠我。」
49:12 因为上主ánne讲：「你看，本来无应该lim hitê杯ê，一定tio̍h lim，何况是你，你kám ē全部免受刑罚？你一定bē tàng免受刑罚，你一定tio̍h lim。
49:13 我kí kakī 来chiùchōa，波斯拉会成做thang tio̍h惊kah gāng去，thang凌辱，thang咒诅，koh荒废；它所有ê城ē永远变做抛荒。」
49:14 我讲：「我tùi上主hia听tio̍h消息，mā有使者奉差派去列国，叫in tio̍h聚集来kā它攻击，tio̍h起来交战。
49:15 因为我hō͘你tī列国中做微细ê，hō͘人看轻。
49:16 Tòa tī石洞内把守山顶ê，你ê威风，你心内ê骄傲骗kakī ；你虽然亲像鹰鸟，做你ê巢tī koân ê所在，我beh tùi hia kā你取落来。这是上主讲ê。
49:17 上主讲：「以东会成做thang tio̍h惊kah gāng去ê，见若tùi hia经过ê一定ē感觉奇怪，因为伊所tú ・tio̍h ê一切灾祸来kā伊耻笑。
49:18 的确无人tòa tī hia，mā无人寄脚tī hia，ē亲像所多玛、蛾摩拉，kah附近ê城倒坏。
49:19 你看，伊ē亲像狮，tùi约旦河边ê树林起来，攻击坚固ê tòa ê所在。目nih久，我beh hō͘ in逃走，离开chitê所在。啥人受拣选，我to̍h派伊治理chitê地；啥人ē比得我？啥人ē kā我定一个期？有啥物牧者ē tàng khiā tī我ê面前？
49:20 所以，lín tio̍h听上主所计画beh攻击以东ê计策，以及他所注定beh攻击tòa tī提幔ê人民ê旨意；in定tio̍h beh kā hiahê羊群ê细只ê拖去，他mā beh hō͘ in tòa ê所在荒废。
49:21 因为in倒坏ê声，地就摇动。In大声hoah ê声，传到红海。
49:22 你看，伊beh起来，亲像鹰鸟飞来，thí开它ê翼tī波斯拉。到hit日，以东chiahê勇士ê心ē亲像beh生kiáⁿ ê chabó͘人ê心。」
49:23 上主审判大马士革
关系大马士革，哈马kah亚珥拔bē见笑，因为in听tio̍h pháiⁿ消息就失胆。海面有忧愁，bē平静。
49:24 大马士革衰弱，oa̍t-tńg身beh逃走，phi̍h-phi̍h chhoah kā伊掠tiâu-tiâu；痛苦忧愁kā伊khiú tiâu-tiâu，亲像beh生kiáⁿ ê chabó͘人。
49:25 Thang oló ê城，to̍h是我所欢喜ê城，ná ē受放sak到ánne？
49:26 她ê少年人ētī街路倒落去；当hit日，她所有ê兵á会灭亡。这是万军ê上主讲ê。
49:27 我mā beh hō͘火to̍h tī大马士革ê城墙，烧灭便哈达ê宫殿。」
49:28 审判基达国kah夏琐国
关系基达kah夏琐chiahê国，to̍h是巴比伦王尼布甲尼撒所phah败ê，上主ánne讲：「你起来，上去基达，剿灭东方ê人。
49:29 In ê布棚kah羊群ē hō͘人抢去，kā帐幅kah一切ê器具，以及骆驼，lóng抢去做kakī ê。人对in hoah：『四箍围lóng有惊惶』。
49:30 「Tòa tī夏琐ê人民，你tio̍h逃走，走去远远，bih去隐密ê所在；因为巴比伦王尼布甲尼撒设计beh害lín，决定beh kā lín攻击。
49:31 上主讲：「起来！上去攻击安然生活无操烦ê族，in无门户，无门闩，是kakī tòa ê。
49:32 In ê骆驼ē hō͘人抢去；in真chē chengseⁿē hō͘人劫去。见若剃鬓边ê，ē kā in赶散去tī四方，hō͘灾祸tùi四箍围临到tī in。这是上主讲ê。
49:33 夏琐会成做野狗tòa ê所在，永远稀微，无人tī hia tòa，mā无人tī hia寄脚。」
49:34 上主审判以拦
偤大王西底家起头坐位ê时，上主关系以拦ê话临到耶利米先知，讲：
49:35 「万军ê上主ánne讲：你看，我beh at断以拦人ê弓，to̍h是in上等ê气力。
49:36 我beh hō͘四面ê风tùi天ê四面吹来，临到以拦人，kā in赶散去tī四方。以拦受赶散ê人无一国无到。
49:37 我beh hō͘以拦人tī对敌ê面前kah siàu想in ê性命ê人ê面前来惊惶；我mā beh hō͘灾祸，to̍h是我ê大受气临到tī in，koh beh hō͘刀剑jiok in，直到kā in全部消灭。
49:38 我beh设立我ê宝座tī以拦，tùi hia除去君王kah贵族。这是上主讲ê。
49:39 「总是，到日后，我beh hō͘以拦受掠ê人倒tńg来。这是上主讲ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。