耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
29:1 写Phoe hō͘流亡巴比伦ê偤大人
耶利米先知tùi耶路撒冷寄phoe hō͘受掠iáu tī ・leh ê老大kah chiahê祭司、先知，以及众人，to̍h是尼布甲尼撒tùi耶路撒冷掠到巴比伦ê。
29:2 （这是tī耶哥尼雅王、太后、太监，kah偤大、耶路撒冷ê贵族，以及工匠、铁匠lóng离开耶路撒冷ê了后。)
29:3 Hit张phoe交托沙番ê kiáⁿ以利亚撒kah希勒家ê kiáⁿ 基玛利带去。Chit两人to̍h是偤大王西底家差去巴比伦，去见巴比伦王尼布甲尼撒ê。
29:4 Phoe内ánne写：「万军ê上主—以色列ê上帝对所有受掠去ê，to̍h是他hō͘ in tùi耶路撒冷受掠去到巴比伦ê人，ánne讲：
29:5 『Lín tio̍h起厝来tòa，作园来食它ê果子；
29:6 娶bó͘来生kiáⁿ儿，kā lín ê kiáⁿ娶bó͘，hō͘ lín ê chabó͘ kiáⁿ出嫁，hō͘ in生kiáⁿ儿。Án-ne thang tī hia加添真chē，无减少。
29:7 我所hō͘ lín受掠去ê hitê城，lín tio̍h图谋它ê平安，替它对上主祈祷；因为它得tio̍h平安，lín mā ētòe它平安。
29:8 万军ê上主—以色列ê上帝ánne讲：『 M̄-thang hō͘ lín中间ê先知kah卜卦ê引诱，mā m̄ thang信lín ê梦，to̍h是lín所梦见ê。
29:9 因为in托我ê名对lín宣布白贼话，我并无差in。这是上主讲ê。』
29:10 「因为上主ánne讲：『巴比伦七十年ê期限已经满，我beh临到lín，成我对lín所讲ê好话，hō͘ lín tńg来chitê所在。
29:11 我知我对lín所存ê意思，是赏赐平安ê意思，m̄是降灾祸，beh hō͘ lín ê尾景有ǹg望。
29:12 Hit时，lín会求叫我，会去对我祈祷，我ē听lín。
29:13 Lín beh chhōe我，ē来tú tio̍h，因为lín会专心chhōe我。
29:14 我beh hō͘ lín chhōe ・tio̍h，我mā beh hō͘ lín受掠ê人倒tńg来，beh tùi我所赶lín去到ê ta̍k国、ta̍k所在聚集lín，mā beh hō͘ lín tńg来本所在，to̍h是我所hō͘ lín tùi hia受掠ê。这是上主讲ê。』
29:15 「因为lín讲：『上主tī巴比伦kā阮兴起先知』。
29:16 Taⁿ上主讲tio̍h坐大卫宝座ê王，mā讲tio̍h tòa tī chitê城ê众人，to̍h是无kah lín做伙受掠去ê兄弟，
29:17 万军ê上主ánne讲：『你看，我beh用刀剑，用饥荒，用瘟疫临到tī in，hō͘ in亲像极bái ê无花果，bái到bē食得。
29:18 我beh用刀剑，用饥荒，用瘟疫jiok in，hō͘ in tī天下万国流浪，tī我赶in去到ê ta̍k国，做thang咒诅，thang tio̍h惊kah gāng去，thang khau洗，thang凌辱ê。
29:19 这是因为in无遵thàn我ê话，to̍h是我差我chiahê奴仆—众先知kā in讲ê话，是我早早起来差in；总是，lín无听。这是上主讲ê。
29:20 所以，lín所有受掠去ê，to̍h是我tùi耶路撒冷差lín到巴比伦ê，lín lóng tio̍h听上主ê话。』
29:21 「万军ê上主—以色列ê上帝ánne讲：讲tio̍h Ko-lai-iah ê kiáⁿ亚哈kah玛西雅ê kiáⁿ西底家，in托我ê名对lín宣布白贼。你看，我beh kā in交tī巴比伦王—尼布甲尼撒ê手，伊ētī lín ê面前kā inthâi死。
29:22 偤大受掠ê群众tī巴比伦ê，ē用chit两人做话柄来咒诅人，讲：『愿上主hō͘你亲像西底家kah亚哈，hō͘巴比伦王用火kā你烧。』
29:23 In tī以色列中做出见笑ê tāichì，奸淫in厝边ê bó͘，koh托我ê名宣布白贼，是我所无命令in ê。知影tāichì ê是我，做见证ê mā是我。这是上主讲ê。」
29:24 示玛雅ê Phoe
「关系Ne-he-lâm人示玛雅，你tio̍h讲：
29:25 万军ê上主—以色列ê上帝ánne讲：你bat用kakī ê名寄phoe hō͘耶路撒冷ê众人kah祭司玛西雅 ê kiáⁿ西番雅，以及所有ê祭司讲：
29:26 『上主有设立你做祭司，来替祭司耶何耶大，hō͘ lín 监督上主ê殿，thang kā所有khong-khám kakī 叫做先知ê人，用柴枷kā伊枷，用锁kā伊锁。
29:27 Taⁿ亚拿突人耶利米对lín伊kakī 叫做先知，lín ná ē无kā伊责备？
29:28 因为伊寄phoe到巴比伦kā阮讲：受掠ê时会真久长，lín tio̍h起厝来tòa，作园来食果子。』」
29:29 祭司西番雅to̍h kā chit张phoe，读hō͘耶利米先知听。
29:30 就ánne，上主ê话临到耶利米讲：
29:31 「你tio̍h寄phoe hō͘所有受掠ê人，讲：『上主讲tio̍h Ne-he-lâm人示玛雅讲：因为示玛雅对lín宣布ê，我无差伊，伊hō͘ lín óa靠白贼；
29:32 所以，上主ánne讲：我beh刑罚Ne-he-lâm人示玛雅kah伊ê kiáⁿ孙，伊一定无留kah半个人tòa tī chiahê人民ê中间，mā无thang看tio̍h我所beh赏赐hō͘我ê人民ê福气，因为伊讲悖逆上主ê话。这是上主讲ê。』」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。