出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
14:1 过红海
上主kā摩西讲：
14:2 「你吩咐以色列人oa̍t倒tńg，扎营tī Pí-hap-hi-lio̍k ê头前，tī密夺kah海ê中间，tī Pa-le̍k-sé-hun ê头前，tī hit对面扎营tī海边。
14:3 法老会议论以色列人讲：『In tī hia se̍h无路，旷野kā in围困teh。』
14:4 我beh hō͘法老ê心硬，伊ējiok in，我to̍h tī法老kah伊ê军队来得tio̍h荣光，埃及人to̍h知我是上主。」In就ánne行。
14:5 有人报埃及王讲：「Hiahê人民走去à。」法老kah伊ê人臣对待hitê人民ê心to̍h变换，讲：「咱准以色列人离开，无koh服事咱，这是啥物缘故？」
14:6 法老就准备伊ê车，chhōa伊ê人民做伙去，
14:7 mā带六百台特别ê车kah埃及所有ê车，ta̍k台车lóng有兵头teh管。
14:8 上主hō͘埃及王法老ê心硬，伊to̍hjiok以色列人，m̄ koh，以色列人靠大权能ê手出去。
14:9 埃及人jiok in，法老所有ê马、车kah伊ê马兵，以及伊ê军队，to̍h tī海边óa近Pí-hap-hi-lio̍k，tī Pa-le̍k-sé-hun ê对面，tī以色列人扎营ê所在，jiok tio̍h in。
14:10 法老近óa ê时，以色列人gia̍h头看tio̍h埃及人jiok óa来，to̍h真惊，大声喉叫上主。
14:11 群众对摩西讲：「Kám是埃及无墓地，你chiah chhōa阮出来死tī旷野？你ná ē ánne款待阮，chhōa阮出埃及？
14:12 阮tī埃及kám无对你ánne讲：m̄ thang chhap阮，chhut-chāi阮服事埃及人？因为服事埃及人，khah值得死tī旷野。」
14:13 摩西对群众讲：「M̄免惊，做lín khiā ・leh，看上主今á日为tio̍h lín所beh行ê拯救，因为lín今á日所看tio̍h ê埃及人，一定永远无koh看tio̍h。
14:14 上主ē为lín交战，做lín恬恬，mài出声。」
14:15 上主对摩西讲：「你án怎大声teh 对我喉叫？你tio̍h kah以色列人进前去。
14:16 你gia̍h 拐á伸手kí海，来kā海分开。以色列人beh tī海中行干地。
14:17 独独我，我beh hō͘埃及人ê心硬，in ētòe lín落去。我beh tī法老kah伊ê军队、伊ê车、伊ê马兵，来得tio̍h荣光。
14:18 我tī法老kah伊ê车、伊ê马兵，得tio̍h荣光ê时，埃及人to̍h知我是上主。」
14:19 上帝ê使者本来行tī以色列ê营前ê，徙来行tī in ê后面；云柱mā tùi in ê头前，徙来khiā tī in ê后面。
14:20 Τī埃及营kah以色列营ê中间，hit-pêng有云有乌暗，chit pêng暗时发出光，kui暝两pêng bē相近óa。
14:21 摩西to̍h伸手kí海，上主kui暝hō͘东风大起，hō͘海水退去，水就分开，海to̍h成做干地。
14:22 以色列人落去海中行干地，水tī in ê双pêng成做墙壁。
14:23 埃及人jiok in，法老所有ê马、车kah马兵，lóng tòe in落去海中。
14:24 到天beh光ê时，上主tùi云kah火ê柱中àⁿ落，看埃及ê军队，phah乱in ê队伍；
14:25 koh hō͘ in ê车轮lak去，oh得行，致使埃及人讲：「咱tio̍h tùi以色列人ê面前逃走，因为上主为tio̍h in teh kah埃及人交战。」
14:26 上主kā摩西讲：「你伸手kí海，hō͘水倒tńg来淹埃及人kah in ê车、in ê马兵。」
14:27 摩西to̍h伸手kí海，到天一下光，海水koh照旧。埃及人想beh逃走，水闸（cha̍h）tī in ê头前，上主to̍h kā埃及人chhia倒tī海中。
14:28 水就反流，淹密hiahê车kah马兵。法老ê军队tòe以色列人落海ê，连一个mā无留teh。
14:29 总是，以色列人tī海中行干地，水tī in ê双pêng成做in ê墙壁。
14:30 Hit日，上主ánne救以色列人脱离埃及人ê手，以色列人看tio̍h埃及人ê身尸tī海边。
14:31 以色列人看tio̍h上主对埃及人所行ê大事，就敬畏上帝，koh信服上主kah他ê奴仆摩西。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。