耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 不忠ê以色列
上主讲：「人若离伊ê bó͘，bó͘ to̍h离开伊去嫁别人，她早前ê丈夫kám thang koh亲近她？若ánne，hitê所在kám无bak tio̍h lahsap？总是，你kah真chē亲爱ê行奸淫，iáu koh thang归tī我。这是上主讲ê。
3:2 你tio̍h gia̍h头看chiahê光溜溜ê koân所在，tī tó位无有淫行？你坐tī路边teh thèng候，亲像阿拉伯人tī旷野ánne，koh用你ê淫行、邪恶kā全地òe lahsap。
3:3 因为ánne，好ê雨水停止，春天ê雨无koh落。你iáu有娼妓ê面，m̄知见笑。
3:4 你ná ē m̄ chit时叫我讲：『我ê父ah，祢是我少年ê时引chhōa我ê？
3:5 你kám永远khǹg受气，留到路尾？』你看，你iáu koh尽你所会ê teh行pháiⁿ。」
3:6 以色列kah偤大Tio̍h悔改
当约西亚王坐位ê时，上主koh对我讲：「悖逆ê以色列所做ê，你有看tio̍h无？伊上chiahê高山，tī所有青翠ê树脚行奸淫。
3:7 伊行chiahê tāichì以后，我讲：伊ē归óa我，总是，伊无，伊奸诈ê小妹—偤大mā有看tio̍h。
3:8 悖逆ê以色列teh行奸淫，我为tio̍h chitê缘故hō͘伊离婚书，kā伊离婚；我看tio̍h伊奸诈ê小妹偤大，犹原无惊，mā是去行淫。
3:9 伊随便照ánne行ê淫乱，to̍h kā chitê所在òe lahsap，to̍h kah石头、柴头行奸淫。
3:10 虽然有chiahê一切ê tāichì，伊奸诈ê小妹偤大犹原无专心归向我，只不过是假意niā-niā。这是上主讲ê。」
3:11 上主对我讲：「悖逆ê以色列，比奸诈ê偤大，iáu khah有义。
3:12 你tio̍h去ǹg北方传chiahê话，讲：『上主讲：悖逆ê以色列，lín tio̍h倒tńg来！我无beh用受气ê目chiu 看lín；因为我是慈爱ê，我无beh永远khǹg受气。这是上主讲ê。』
3:13 独独你tio̍h认你ê罪，to̍h是你违背上主—你ê上帝；tī 所有青翠ê树脚，走东走西去chhōe别个神明，无遵thàn我ê话，这是上主讲ê。」
3:14 上主讲：「悖逆ê kiáⁿ儿，lín tio̍h倒tńg来！因为我做lín ê丈夫，而且我beh kā lín tùi一个城取一个人，tùi一族取两 个人，chhōa到锡安。
3:15 我beh kā合我ê心ê牧者赏赐hō͘ lín。Inē用智识kah智慧养饲lín。
3:16 「Lín tī国内生湠真chē；当hiahê日子，人无beh koh讲起上主ê约柜，mā无beh记tī心内，lóng bē记得，lóng无去chhōe，mā无koh做约柜。
3:17 Hit时，人ē称耶路撒冷做上主ê宝座；万国会聚集到hia，to̍h是因为上主ê名来到耶路撒冷。In无koh照kakī pháiⁿ ê硬心做tāichì。
3:18 当hiahê日子，偤大家ē kah以色列ê人民同行；tùi北方ê地做伙来，到我赏赐hō͘ lín ê祖先做产业ê地。」
3:19 上主ê子民拜偶像
总是，上主讲：我ná ē thang kā lín排列tī chiahê kiáⁿ ê中间，kā好ê地赏赐hō͘你，to̍h是列国中siōng好ê产业？我koh讲：Lín tio̍h称我讲：「我ê父ah」，mā无koh倒tńg去，m̄-tòe我。
3:20 以色列ê子民，lín tùi我行奸诈，真正亲像chabó͘人行奸诈离开她ê丈夫。这是上主讲ê。
3:21 Tī光溜溜koân ê所在听tio̍h声，to̍h是以色列人啼哭恳求ê声；to̍h是因为in行邪恶ê路，bē记得in ê上帝—上主。
3:22 Lín chiahê悖逆ê kiáⁿ儿，lín tio̍h倒tńg来；我ē医好lín ê悖逆。Lín应讲：「你看，阮来到祢chia，因为祢是阮ê上帝—上主。
3:23 Tùi小山á是大山ê闹热，ǹg望得tio̍h帮赞，实在是空空；以色列ê得tio̍h救，真正在tī阮ê上帝—上主。
3:24 Tùi阮少年以来，hitê thang见笑ê tāichì，kā阮ê祖先所劳苦来得tio̍h ê，to̍h是in ê羊群、牛群kah in ê kiáⁿ儿，lóng吞食去。
3:25 阮倒tī阮ê见笑中，阮ê凌辱遮盖阮；因为tùi少年到taⁿ，阮kah阮ê祖先tiāⁿ-tiāⁿ 得罪阮ê上帝，无遵thàn阮ê上帝—上主ê声。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。