出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
8:1 田蛤á ê灾难
上主kā摩西讲：「你入去见法老，kā伊讲：『上主ánne讲：准我ê子民离开，thang服事我。
8:2 你若m̄准in离开，你看，我beh hō͘田蛤á phah-pháiⁿ你ê境内。
8:3 河会生湠田蛤á，in ē起来入去你ê宫殿，你ê困房，上你ê眠床，入去你ê人臣ê厝，上你ê人民ê身躯，入去你ê灶孔kah你chhiau面ê器具。
8:4 Koh会上去你kah你ê人民，以及你众人臣ê身躯。』」
8:5 上主对摩西讲：「你kā亚伦讲：『你ê手gia̍h 拐á，伸tī江、河kah池ê顶面，hō͘田蛤á起来埃及地。』」
8:6 亚伦to̍h伸伊ê手tī埃及chiahê水ê顶面，田蛤a2to̍h起来遮盖全埃及地。
8:7 博士用in ê邪术mā ánne做，hō͘田蛤á起来埃及地。
8:8 法老叫摩西kah亚伦，讲：「请lín求上主hō͘ chiahê田蛤á离开我kah我ê人民，我to̍h准chiahê人民thang去祭祀上主。」
8:9 摩西对法老讲：「我遵照你ê意思，我tio̍h为你kah你ê人臣，以及你ê人民，祈求tī tang时thang除灭田蛤á来离开你kah你hiahê厝，只有留tī河里？」
8:10 法老讲：「明á载。」摩西讲：「Τhang照你ê话，hō͘你知阮ê上帝—上主无一个ē比并得。
8:11 田蛤á会离开你kah你hiahê厝，kah你ê人臣，以及你ê人民，只有留tī河里。」
8:12 摩西kah亚伦离开法老出去，摩西为tio̍h他所差来害法老ê田蛤á，求叫上主。
8:13 上主就照摩西ê话来行，见若tī厝内、院中、田里ê田蛤á lóng死。
8:14 人kā in拾kui堆，全地lóng臭味。
8:15 法老看tio̍h灾祸有khah减轻，to̍h koh硬伊ê心，m̄听in ê话，tútú照上主所讲ê。
8:16 虱母ê灾难
上主对摩西讲：「你kā亚伦讲：『伸出你ê拐á，phah地里ê土沙粉，hō͘它tī埃及全地变做虱母。』」
8:17 In就ánne做，亚伦gia̍h 拐á，伸手phah地里ê土沙粉，to̍h tī人kah chengseⁿ ê身躯lóng有虱母，地里ê土沙粉tī埃及全地lóng变做虱母。
8:18 博士mā用in ê邪术照ánne做，ài生出虱母，总是，无法度。Hit时，就ánne，tī人kah chengseⁿ ê身躯lóng有虱母。
8:19 博士对法老讲：「这是上帝ê手段。」法老ê心硬，m̄听in ê话，tútú照上主所讲ê。
8:20 胡蝇ê灾难
上主kā摩西讲：「你透早起来，你看，法老beh到水边，你khiā tī伊ê面头前，kā伊讲：『上主ánne讲：准我ê子民离开，thang来服事我。
8:21 你若m̄准我ê人民去，我beh差kui阵ê胡蝇到你kah你ê人臣hia，以及你ê人民，mā ē入去你hiahê厝，koh有埃及人ê厝kah in所tòa ê所在，lóng ē有kui阵ê胡蝇满满。
8:22 当hit日，我ē分别我ê人民所tòa ê歌珊地，tī hia bē有kui阵ê胡蝇，thang hō͘你知影我tī天下做上主。
8:23 我ē分别我ê人民kah你ê人民，明á载ē有chitê神迹。』」
8:24 上主ánne做，to̍h有胡蝇kui大阵来入法老ê宫殿kah伊ê人臣ê厝，以及埃及全地；地因为chiahê kui阵ê胡蝇来受败坏。
8:25 法老叫摩西kah亚伦来，讲：「Lín去，tī chitê地祭祀lín ê上帝！」
8:26 摩西讲：「Án-ne做无适合，因为阮ē用埃及人所讨厌ê物祭祀上主—阮ê上帝；阮若tī埃及人ê目chiu 前，用in所讨厌ê物来献祭，in kám bē用石头kā阮tìm？
8:27 阮beh去旷野，行三日ê路程，祭祀阮ê上帝—上主，照他所吩咐阮ê。」
8:28 法老讲：「我ē准lín去，tī旷野祭祀上主—lín ê上帝，独独m̄ thang去远，lín tio̍h替我祈祷。」
8:29 摩西讲：「我beh tùi你chia出去，mā beh求上主hō͘ kui阵ê胡蝇明á载离开法老kah伊ê人臣，以及伊ê人民；总是，法老m̄ thang koh诡诈，m̄准人民离开去祭祀上主。」
8:30 摩西to̍h tùi法老hia出去，对上主祈祷。
8:31 上主就照摩西ê话行，hō͘ kui阵ê胡蝇离开法老kah伊ê人臣，以及伊ê人民，无留kah半只。
8:32 Chit pái法老koh硬伊ê心，m̄准人民离开。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。