出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 上主对摩西讲:「你看,我beh hō͘你tī法老ê面前kahná上帝,hō͘你ê阿兄亚伦做你ê先知。
7:2 见若我所吩咐你ê,你lóng tio̍h讲。你ê阿兄亚伦tio̍h对法老讲,hō͘伊准以色列人离开伊ê地。
7:3 我beh hō͘法老ê心硬,mā beh tī埃及地行我真chē ê神迹奇事。
7:4 总是,法老无beh听lín ê话,我ē伸我ê手tī埃及,用大ê审判chhōa我ê军队,我ê子民—以色列人出埃及地。
7:5 我伸我ê手tī埃及,chhōa以色列人tùi in中间出来ê时,埃及人to̍h ē知我是上主。」
7:6 摩西kah亚伦就照ánne去做,上主án怎kā in吩咐,in to̍h照ánne去做。
7:7 In kah法老讲话ê时,摩西八十岁,亚伦八十三岁。
7:8 亚伦ê拐á
上主对摩西kah亚伦讲:
7:9 法老若对lín讲:『Lín tio̍h行一件奇事来看māi一下。』你tio̍h对亚伦讲:『Gia̍h你ê拐á来hiat tī法老ê面前,hō͘它变做蛇。』」
7:10 摩西kah亚伦入去见法老,就照上主所吩咐ê去做。亚伦kā伊ê拐á hiat tī法老kah伊ê人臣面前,拐a2to̍h变做蛇。
7:11 法老mā召智慧ê人kah司公来,in是埃及ê星象家,mā用in ê邪术照ánne作法。
7:12 In ta̍k人hiat in ê拐á,lóng变做蛇;总是,亚伦ê拐á kā in ê拐á吞食落去。
7:13 法老ê心硬,无beh听in,tútú照上主所讲ê。
7:14 埃及Tú tio̍h灾难—血ê灾难
上主对摩西讲:「法老ê心固执,伊m̄准人民离开。
7:15 天光早起,你去见法老,你看,伊出去水边,你tio̍h khiā tī河边等伊,你ê手tio̍h gia̍h hit支变蛇ê拐á,
7:16 对伊讲:『上主—希伯来人ê上帝差我来见你,讲:准我ê子民离开,thang tī旷野服事我。你看,到taⁿ你iáu m̄听话。
7:17 上主ánne讲:你ētùi chit件事来知我是上主。你看,我beh用我手里ê拐á phah河中ê水,水to̍h ē变做血;
7:18 河里ê鱼ē死,河水mā ē变臭味,埃及人to̍h ē讨厌lim河ê水。』」
7:19 上主对摩西讲:「你tio̍h kā亚伦讲:『Gia̍h你ê拐á,伸你ê手tī埃及chiahê水ê顶面,to̍h是tī in ê江、河、池kah所有ê水窟顶面,hō͘ in lóng变做血。Tī埃及全地,无论柴ê器具,á是石ê器具lóng ē有血。』」
7:20 摩西kah亚伦就ánne做,照上主所吩咐ê,tī法老kah伊ê人臣ê面前gia̍h起拐á,phah河里ê水,河里ê水to̍h lóng变做血。
7:21 河里ê鱼lóng死,河水mā起臭味,埃及人bē tàng lim河里ê水,埃及ê全地lóng有血。
7:22 埃及ê星象家mā用in ê邪术照ánne行,法老ê心硬,m̄听in,tútú照上主所讲ê。
7:23 法老tńg去伊ê宫内,chitê tāichì伊mā无挂心。
7:24 埃及人tī河ê双pêng掘地,ài beh得tio̍h水thang lim,因为河ê水in bē lim得。
7:25 上主phah河了后经过七工。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。