出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
4:1 摩西应讲：「祢看，in ēm̄相信我，mā m̄听我ê话，因为in ē讲：『上主m̄ bat对你显现。』」
4:2 上主对伊讲：「Tī你手里ê是啥物？」摩西讲：「是拐á。」
4:3 上主讲：「Hiat落去地里。」摩西一下kā拐á hiat落去，拐a2to̍h变做蛇；摩西to̍h走闪hit尾蛇。
4:4 上主对摩西讲：「伸你ê手去掠它ê尾。」摩西to̍h伸手去掠，蛇tī伊ê手中koh变做拐á。
4:5 Án-ne thang hō͘ in信上主—in ê祖先ê上帝，亚伯拉罕ê上帝、以撒ê上帝、雅各ê上帝，有对你显现。」
4:6 上主koh对伊讲：「Kā你ê手hē tī你ê胸前。」摩西to̍h kā手hē tī胸前，抽出来ê时，你看，伊ê手to̍h生癞ko，白kah亲像雪。
4:7 上主koh讲：「你koh kā手hē tī你ê胸前。」摩西kā伊ê手hē tī胸前，抽出来ê时，你看，已经复原，kah全身躯ê肉无各样。
4:8 上主讲：「设使in无beh信你，mā无beh信头一个神迹，to̍h ē信第二个神迹。
4:9 Hit两 个神迹in若lóng m̄信，mā m̄听你ê话，你tio̍h tùi河里舀水，倒tī干地，你tùi河里所舀 ê水会 tī干地变做血。」
4:10 摩西对上主讲：「主ah，我平时m̄是ē讲话ê人，tùi祢kā祢ê奴仆讲话了后mā是ánne，我是嘴舌tun ê人。」
4:11 上主对伊讲：「创造人ê嘴ê是啥人？Hō͘人哑口、臭耳聋、目chiu 金、chheⁿmê ・ê，是啥人？Kám m̄是我—上主？」
4:12 Taⁿ做你去，我ē赏赐hō͘你口才，教示你所应该讲ê。」
4:13 摩西讲：「主ah，祢kah意差啥人，to̍h差伊去！」
4:14 上主对摩西受气，讲：「Kám m̄是有你ê阿兄—利未人亚伦？我知伊是ē讲话ê人。Τaⁿ伊出来kā你迎接，伊一下看tio̍h你，心内to̍h欢喜。
4:15 你tio̍h对伊讲，kā所应该讲ê话传hō͘伊；我mā ē赏赐hō͘你kah伊有口才，mā ē教示lín所应该行ê tāichì。
4:16 亚伦会替你对人民讲话，伊ē对你准做嘴，你ē对伊准做上帝。
4:17 你ê手tio̍h gia̍h一支拐á，用它来行神迹。」
4:18 摩西Tńg来埃及
Αń-ne摩西to̍h去，tńg去伊ê丈人叶忒罗hia，kā伊讲：「求你容允我tńg去，看我tī埃及ê兄弟，看in iáu tī ・leh á无。」叶忒罗kā摩西讲：「你thang安然去à。」
4:19 上主tī米甸对摩西讲：「你tńg去埃及，因为ài害你ê性命ê人lóng死à。」
4:20 摩西chhōa伊ê bó͘ kah两 个kiáⁿ，hō͘ in骑驴á，tńg去埃及地。摩西手里gia̍h上主ê拐á。
4:21 上主对摩西讲：「你tńg去埃及ê时，tio̍h注意kā我所交tī你ê手ê所有奇事lóng行tī法老ê面前。总是，我ē hō͘伊ê心硬，伊mā无beh放chiahê人民去。
4:22 你tio̍h kā法老讲：『上主有ánne讲：以色列是我ê kiáⁿ，to̍h是我ê大kiáⁿ。
4:23 我bat对你讲：tio̍h tháu放我ê kiáⁿ thang来服事我，你mā m̄准伊去。你看，我behthâi死你ê kiáⁿ，to̍h是你ê大kiáⁿ。』」
4:24 摩西tī路里，tī客店，上主tú tio̍h伊，beh hō͘伊死。
4:25 摩西ê bó͘ 西坡拉就the̍h一块利石，割她ê kiáⁿ ê阳物ê皮，hiat tī摩西ê脚前，讲：「你是我用割礼ê血换来ê丈夫。」
4:26 上主to̍h放摩西soah，无kā伊thâi死。chabó͘人讲：「你是我血ê丈夫，因为割礼ê缘故。」
4:27 上主kā亚伦讲：「你去旷野迎接摩西。」伊to̍h去，tī上主ê山tú tio̍h摩西，to̍h kā伊chim。
4:28 摩西kā上主差伊所讲ê话kah吩咐伊行ê神迹，lóng对亚伦讲。
4:29 摩西kah亚伦to̍h去招集以色列人ê众长老。
4:30 亚伦kā上主对摩西所讲ê话lóng讲出来，koh tī人民ê面前行hiahê神迹。
4:31 人民就相信，in听tio̍h上主照顾以色列人，koh看tio̍h in ê艰苦，就àⁿ头敬拜。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。